یہ کیسی بدنصیبی ہے کہ تاریخ انسانی کا بدترین سیلاب بھی پاکستانی سیاستدانوں کو متحد نہیںکرسکا۔ یہ کیسی مٹی کے بنے ہوئےلاجز خالی ہوجانے چاہیں تھے ۔ اپنے حلقوں میں جا کر ہمدردی کے دو بول ہی بول دیتے۔ لوگ ان سے کھانے کوسونے کے نوالے اور رہنے کو محل تھوڑا ہی مانگ رہے ہیں۔بھوکے ہیںان کی بھوک بانٹ لو‘کھلے آسمان تلے ان کی بے بسی میں حصے دار بن جاﺅ۔ کسی ڈوبتے بوڑھے کی طرف کوئی ہوا بھری ٹیوب پھینک کر اسے بچالو‘ ملیریا سے تڑپتے کسی معصوم کی پیشانی پرشفقت بھرا ہاتھ ہی رکھ دو۔

لیکن یہ کیسے عوامی نمائندے ہیں جو اپنی بڑی بڑی کوٹھیوں میں مرغن افطاریاں اڑانے میں مشغول ہیں۔ ان کی ایک ماہ کی تنخواہیں کاٹی گئیں اور ہر پارٹی کے رکن نے جا کر وزیراعظم سے شکوے کئے ”سائیں یہ تو ظلم ہوا“۔ وزیراعظم اور صدر اپنے وزراءاور مشیروں کو دھکے دے کر نکالتے ہیں کہ سیلاب زدہ علاقوں میں جاﺅ لیکن یہ عجیب مخلوق ہیں کہ راستے سے ہی بھاگ آتے ہیں۔ جو بہت متحرک ہیں وہ بھی زیادہ سے زیادہ کسی بند پر تھوڑی دیر ٹھہر کر تصویر بنواتے اور ثبوت کے طور پر یہ تصویر وزیراعظم کے پرسنل سٹاف کو پہنچا کر مطمئن ہوجاتے ہیں کہ ڈیوٹی ادا ہوگئی۔ چند ایک تین یا چار ایم این اے اور ایم پی اے کو چھوڑ کر باقی سب ہاتھ پہ ہاتھ دھر ے محومنتظرفردا بیٹھے ہیں۔”فوج ہے نا“ یہ ہے وہ مختصر سا جواب جو ہمارے سیاستدانوں کے لبوں پر اٹھکیلیاں کرتا سنائی دیتا ہے۔
افواج پاکستان کا کردار بلاشبہ قابل تعریف ہے۔اس بے رحم سیلاب سے لوگوں کے مال و جان کو بچانے کےلئے آرمی‘نیوی اور ایئرفورس کمال سرعت کے ساتھ تیز پانیوں میں اتری ہوئی ہے لیکن ہماری سیاسی قیادتوں کو احساس نہیں کہ افواج پاکستان کا بہت بڑا آپریشنل حصہ مختلف فوجی مہمات میں پھنسا ہوا ہے۔ مشرقی سرحدوں سے مکمل طور پر فوج کو واپس بلایا نہیںجاسکتا اور مغربی سرحدوں سے امریکہ اور طالبان ہمیں ہٹنے نہیں دے رہے۔ ایک طرف دو کروڑ سے زائد پاکستانی زندگی کی سانسیں بحال رکھنے کی کشمکش میںمبتلا ہیں اور دوسری جانب امریکی محکمہ خارجہ کی جانب سے ”ڈومور“ کی رٹ برقرار ہے۔ عالمی مالیاتی ادارے سوائے زبانی جمع خرچ کے کچھ کرنے پر تیار نہیں”کرپشن“ کا بہانہ بنا کر مٹھی بھینچ لی ہے۔ جو کرپشن گزشتہ اڑھائی برس میں امریکیوں کو دکھائی نہیں دی وہ سیلاب میں اچانک نقاب اتار کر سامنے آگئی ہے۔ یو ایس ایڈ والے بھی اپنی مدد کو ”شفافیت“ سے مشروط کر رہے ہیں جبکہ اس وقت تو ہر صاحب ثروت کو لوٹانے کی دوڑ میں سبقت لے جانے کی کوشش کرنی چاہیے کیونکہ یہ وقت امتحان ہے۔سیلاب زدگان کیلئے صبر کا امتحان اور باقیوں کے لئے شکر کا۔ بقول شاعر
اب وقت ہے پیچ وخم دستار کو بدلو
اخلاق کو عادات کو اطوار کو بدلو
بدلو گے تو بچ جاﺅ گے تم قہر خدا سے
اڑ جائیں گے یہ ریگ محل ورنہ ہوا سے
جو کچھ بھی ضرورت سے زیادہ ہے لٹا دو
ٹل جاتی ہیں آفات غریبوں کی دعا ہے
افغانستان میں خود مالی کرپشن کے عالمی ریکارڈ کرنے والے امریکی اداروں کو شرم تک نہیں آتی۔ ہمارے سیاستدان بغلیں بجا رہے ہیں ”واہ جی واہ۔زرداری کی وجہ سے امداد نہیں مل رہی۔دنیا کو اعتبارہی نہیں“۔ پھرکس پر اعتبار ہے؟نوازشریف کے قرض اتارو ملک سنوارو پروگرام پر اعتبار ہے ؟ ایم کیو ایم کے مبینہ بھتہ خوروں پر اعتبار ہے؟ جمائما خان سے رقم ہتھیا کر سینکڑوں ایکڑ اراضی پر فارم ہاﺅس بنا لینے والے شخص پراعتبار ہے؟ ڈیزل چوری کرنے والے مولاﺅں پر اعتماد ہے؟کس پر اعتبار ہے؟
افسوس کہ یہ وقت باہمی انتشار کا نہیں اتحاد و یکجہتی کاہے۔ تصور کریں اس بدنصیب باپ کا جس کا گھر سیلاب میں بہہ گیا ہے اور وہ اپنی جوان بیٹیوں کو ہجوم سے چھپاتا پھرتا ہے لیکن چھت ہے نہ دیوار۔خوراک کے لئے ٹرک کے پیچھے بھاگ رہا ہے‘ صاف پانی کی بوندوں کو نگاہیں ترس گئیں‘بیٹی کے پاس بدلنے کو کپڑے تک نہیں‘ حبس بدبو اور بے یقینی…. سیاستدانو! خدارا اپنی کچھاروں سے باہر نکلو‘ بڑے بڑے محلات میں ان پردہ دار گھرانوں کو چند دن مہمان ہی رکھ لو۔ یا ان کے ملیا میٹ ہوجانے والے دیہاتوں اور شہروں کے قریب ٹینٹ ویلج‘کوئی سایہ ‘کوئی سائبان ‘کچھ تو کرو۔ فوج کو پھنسانے کی کوشش کرو گے تو خود بھی گردنوں تک دھنس جاﺅ گے۔ فوج کو پکارنے اور دھتکارنے والے دونوں گروہ انجانے میں اپنی سیاسی موت کو دعوت دے رہے ہیں۔اب کی بار فوج آئی تو نائن زیرو بچے گا نہ رائے ونڈ کا محل‘منصورہ محفوظ رہے گا نہ بلاول ہاﺅس۔ فضل الرحمن کا جبہ ہوگا نہ سرخ پوش پختون…. بس فوج ہوگی اور صرف فوج!
ہمارے ٹی وی اینکر اپنی بچگانہ حرکتوں اور طفلانہ شرارتوں سے ابھی تک باز نہیں آرہے۔وہ الطاف حسین کے بیان کو لیکر چائے کی پیالی میں طوفان اٹھا رہے ہیں اور سیاستدان جنہیں اپنے عقل وشعور پر بہت ناز ہے وہ سدھائے ہوئے شکار کی طرح ان پروگراموں میںشریک ہورہے ہیں۔ہونا تو یہ چاہیے تھا کہ سیلاب زدگان کی مدد کے لئے ایک اجتماعی شعور پیدا کیا جاتا۔قوم کے اندر خودی اور خودداری کی روح پھونکی جاتی لیکن عملاً سیلاب زدگان کی مظلومیت اور حکومت کی غیر مقبولیت کو ایک دوسرے سے گتھم گھتا کراکے ٹی وی چینلز روزانہ تماشا لگاتے ہیں۔ میر میراثی اور پیشہ ور نوحہ خواں سورج ڈھلتے ہی ٹی وی سکرینوں پر قابض ہو کر قوم کے مورال کو سیلاب میں بہانے کی واردات کرتے ہیں….!
تمہارے اندر انتشار ہے لیکن سیلاب زدگان یکسو ہیں کہ جب انہیں مدد کی ضرورت ہے اس وقت میڈیا اور سیاستدان ان کی عزتیں اچھالنے اور بربادیاں”انجوائے“ کرنے میں مشغول ہیں۔!سنو‘سنو قرآن کی آواز سنو۔ اللہ تعالیٰ نے آپ جیسے انسانوںپر اپنے احسانات گنوانے کے بعد فرمایا ہے‘”تم لوگ گھاٹی عبور نہیں کرسکے اور گھاٹی کیا ہے‘ نجات دلانا اور قحط کے دنوں میںقرابت دار یتیم ‘خاک گزیدہ محتاج کو کھانا کھلانا“۔

وہ بھی عجیب لوگ ہیں۔ایسے ماحول میں جب ہر بااثر شخص لُوٹنے کی دھن میں مصروف ہے وہ لوٹانے کی فکر میں مبتلا ہیں۔اس زندگی اور اس ملک نے لوگوں کو بہت کچھ دیا ‘اکثر نہیں لیکن ہر شہر اور ہر علاقے میںایسے صالح اعمال پاکستانی موجود ہیں جو اپنی کامیابیوں میں اپنے وطن کے لوگوں کو بھی شریک سمجھتے ہیں اور کچھ نہ کچھ واپس لوٹانے کاکوئی نہ کوئی راستہ نکال لیتے ہیں۔

وہ بھی ایسے ہی لوگ ہیں۔چند نیک خیال احباب جنہوں نے بیس برس قبل ملکر سوچا اور المعرفہ ویلفیئر ٹرسٹ کے نام سے ایک فلاحی ادارے کی بنیاد رکھی۔نسلیں سنوارنے کا عہد کیا۔ واہ کینٹ‘ٹیکسلا اور اردگرد کے دیہاتی علاقوں کے بچوں اور بچیوں کے لئے تعلیم وتربیت کا بہترین ماحول فراہم کرنے کا فیصلہ کیا۔امریکہ کی یونیورسٹی انڈیانا سے پی ایچ ڈی کی ڈگری حاصل کرنے والے پروفیسر ڈاکٹر سجاد الرحمن ٹرسٹ کی سرپرستی میں پیش پیش ہیں۔اس کارخیر میں ایم بی بی ایس ڈاکٹر حافظ عطاءالرحمن ہمہ وقت ذمہ داریاں ادا کررہے ہیں ان کی معاونت کے لئے پروفیسر مظہر اکبر‘ جناب ضیاءالرحمن اور جناب مصباح السلام جیسے اصحاب دانش ہمرکاب رہتے ہیں۔ہمارے دوست اور قائداعظم یونیورسٹی میں ہمارے یونیورسٹی فیلو سینئر صحافی جناب عظمت اللہ اس کاروان فلاح و بہبود کے تیز رو مسافر ہیں۔عظمت اللہ ملک کے معتبر انگریزی اخبار بزنس ریکارڈ سے تادیروابستہ رہے‘حال ہی میں کراچی سے شائع ہونے والے اخبار کے بیوروچیف تھے۔انگریزی لکھنے میں کمال مہارت رکھتے ہیں۔انسانی سرمائے کی ترقی کے اس صبر آزما کام میں ایسے جتے ہیں کہ صحافت کے نشے کو بھی بھول گئے۔مجھے یقین ہے کہ اگر عظمت بھائی میدانِ صحافت سے فرار اختیار نہ کرتے تو آج ملک کے چند نامور صحافیوں میں شمار ہوتے۔ لیکن شائد انہیں کچھ لئے بغیر بہت کچھ لوٹانے میں لطف آتا ہے۔
واہ اسلامک سکول آف ایکسیلنس (وائز) جو کبھی ساٹھ بچوں کی تعلیم و تربیت سے شروع ہوا تھا۔آج وہاں آٹھ سو بچے بچیاں زیور دانش سے بہرہ مند ہورہی ہیں۔ پینتیس ہزار مربع فٹ پر پھیلی وائز سکول کی اپنی بلڈنگ ہے۔سائنس کی جدید طرز کی لیبارٹریز ہیں۔ سکول کے ہر طالب علم پر لازم ہے کہ وہ تکمیل امتحانات پر قرآن کو تجوید کے ساتھ پڑھنا سیکھے اور قرآن عربی کا بنیادی نصاب بھی لازمی ہے۔ اعلیٰ تعلیم یافتہ اساتذہ ہیں اورساٹھ خواتین ٹیچرز ہیں۔ٹیکسلا اور واہ کے جڑواں شہروں میں شائد یہ اکیلا ہی پرائیویٹ سکول ہے جو اساتذہ کو سب سے زیادہ مشاہرہ دیتا ہے ۔اس سکول کے مثالی تعلیمی ماحول اور اینگلو اسلامی کلچر سے متاثر ہو کر ہی میں نے راولپنڈی اسلامک سکول آف ایکسیلنس (رائز) کے نام سے فلاحی سکول قائم کیا تھا جو الحمداللہ اب کامیابی سے آگے بڑھ رہاہے۔
چند روز قبل ”وائز“ کی سالانہ تقریب تقسیم انعامات میں مجھے بھی مدعو کیا گیا تھا۔آٹھ سو سٹوڈنٹس اور ان کے والدین….ایک منظم و مربوط قسم کا اجتماع جہاں اہل دانش کی موجودگی نے ایک کھلے گلستان کے رنگ بھر دیئے تھے۔ بچوں کے سامنے تقریر کرنا ہمیشہ ایک مشکل مرحلہ رہا ہے کم از کم بچوں کے لئے بہت ہی مشکل مرحلہ ہوتا ہے ‘پاکستان کے سابق سیکرٹری خارجہ جناب اکرم ذکی کو مہارت ہے کہ وہ بچوں کے ساتھ بچے ہوجاتے ہیں۔ ہمارے وطن کی عظیم فوج کے سابق جنرل جناب لیفٹیننٹ جنرل (ر)امجد شعیب صاحب نے دفاع وطن کے حوالے سے انہی یادداشتوں کو تازہ کیا۔میںنے پاکستان اور نظریہ پاکستان کے حوالے سے گفتگو کی اور بچوں کو بتایا کہ یہ ملک کیوں ضروری تھا اور ہندوستان اور مسلمان کیوں دو علیحدہ قومیں تھیں‘ ہیں اور رہیں گی۔آخر پر پاکستان کے حوالے سے نعرے لگوائے۔میرا ایمان ہے کہ‘
میں آدمی ہوں وطن کو نہ کس طرح چاہوں
عزیز رکھتی ہے چڑیا بھی گھونسلا اپنا
جبلتوں سے قوی تر ہیں جادوداں جذبے
مفادِ قوم میں تو سر بھی دے کٹا اپنا
سچ یہ ہے کہ المعرفہ ویلفیئر ٹرسٹ نے وائز سکول کی شکل میں اہل علاقہ کو ایک تحفہ دیا ہے اور ان تمام احباب کے لئے عمل کی ایک راہ متعین کی ہے جو محض حالات کو کوستے رہتے ہیں اور آگے بڑھ کر حالات کو سدھارنے کی کوئی کوشش نہیں کرتے!

ایک نقطہ نگاہ یہ ہے کہ صحافی معاشرے کا عکس ہوتے ہیں۔ جس طرح کا معاشرہ ہوگا اسی طرح کا عکس ہمارے اخبارات اور ٹی وی سکرین پر دکھائی دے گا۔اخبارات اور ذرائع ابلاغ کا کام تنقید کرنا ہے اصلاح نہیں۔ اصلاح کے ادارے الگ سے موجود ہیں۔پاکستان میں آزادی صحافت کسی نے طشتری میں رکھ کر تحفے میں نہیں دی بلکہ اس کے لئے اخباری کارکنوں اور مالکان نے بے شمار قربانیاں دی ہیں اور اب کسی کی مجال نہیں کہ وہ اخبارات اور الیکٹرانک میڈیا کی طرف میلی آنکھ سے بھی دیکھ سکے۔صحافت آزاد ہوتی ہے اس کی کوئی نظریاتی‘قومی یا جغرافیائی سرحدیںنہیں ہوتیں۔اخبار نویس کاکام خبر لگانا ہے‘اخبار کا کام اسے شائع کرنا ہے ‘اگر گھوڑا گھاس سے دوستی کرے گا تو کھائے گا کہاں سے؟۔صحافت بس صحافت ہوتی ہے‘زرد یا لال کی تفریق نہیں کی جانی چاہیے۔

دوسرا نقطہ نگاہ یہ ہے کہ صحافت ایک پیغمبرانہ پیشہ ہے۔ صحافی بربنائے پیشہ اصلاح کار ہوتا ہے۔ صحافت گو کہ کاروبار بن چکا ہے لیکن جس طرح باقی ماندہ کاروبار قومی اور آئینی حدود میں رہ کر کام کرنے کے پابند ہیں صحافی اور ذرائع ابلاغ بھی ان پابندیوں کے دائرے میں آتے ہیں۔ اگر اخبارات اور ٹی وی چینلز کاروبار کر رہے ہیں تو وہ جو چیز بیچ رہے ہیں اس کا معیاری ہونا گاہکوں یعنی قارئین اور ناظرین کا بنیادی حق ہے۔ صحافت صرف خبر کا نام نہیں۔ اس میںانفارمیشن بھی ہے۔ اینٹرٹینمنٹ بھی ہے۔ موٹیویشن ہے اور سب سے بڑھ کر اس کے اندر ایجوکیشن بھی ہے۔

ہمارے ہاں میڈیا کو آزادی مل گئی لیکن اس آزادی کے تقاضے نبھانے کے لئے کارکن اور مالکان دونوںنے کوئی تیاری نہیںکی۔
دونوں نقطہ نگاہ خاصے وزنی ہیں۔دونوں مکتبہ فکر کے حامی لوگ موجود ہیں اور اپنے اپنے دائرے میںرہ کر اپنے اپنے نقطہ نظر کاپرچار بھی کرتے رہتے ہیں۔ مجھے بھی صحافیوں ‘کالم نویسوں اوراخباری گروپوں کے ساتھ مکالمے کا موقع ملتا رہتا ہے اور جب سے رائٹرز یونٹی قائم کی ہے تب سے کالم نگار برادری کے ذریعے صحافیانہ معاملات براہ راست سیکھنے اور سمجھنے کا موقع ملتا رہتا ہے۔میرا ہمیشہ سے یہ موقف رہاہے کہ پاکستان میں کسی بھی شعبہ سے منسلک شہری سب سے پہلے پاکستانی ہے اس کے بعد وہ تاجر ہے‘ٹیچر ہے‘سیاستدان ہے‘فوجی اور صحافی ہے۔ لہٰذا کسی صحافی کو یہ حق نہیں پہنچتا کہ وہ قومی اور ملی مفادات کو نظرانداز کرکے محض پیشہ وری کے لئے خبریں اچھالے اور تبصرے داغے۔ جس صحافی کو ملک کی نظریاتی سرحدوں میں قید رہنا پسند نہیں وہ اس وطن کی جغرافیائی سرحدوں کی قید سے بھی باہر ہوجائے کہ دنیا بھر میں ایسے عناصر کو وطن دشمن قرار دیا جاتا ہے۔ مجھے افسوس سے کہنا پڑتا ہے کہ یہ واحد پاکستان ہی ہے جہاں لوگ پیدا ہوتے‘یہاں پر ہر طرح کا سٹیٹس انجوائے کرتے‘صحافی بن کر خود کو مخصوص مراعات کا حامل ٹھہراتے اور جب تھوڑا بہت نام اورمقام بنا لیتے ہیں تو پھر اسی ملک کی جڑیں کاٹنے کے لئے پاکستان مخالف لابیوں میں جابیٹھتے ہیں۔بیرونی ذرائع ابلاغ کو ایسی ایسی سٹوریاں بھجواتے ہیں جن کی اشاعت کے بعد پاکستان اور اہل پاکستان زخم چاٹتے رہ جاتے ہیں۔لعنت ہے ایسے صحافیوں پر جو مادر وطن سے پیار کے عام انسانی تقاضے بھی نبھا نہیں پاتے!
خبردینا صحافی کی اولین ذمہ داری ہے لیکن بعض رپورٹرز‘کالم نگار اور اینکرپرسنز تھانیداروں کی طرح صحافتی چھترول کرتے دکھائی دیتے ہیں۔میڈیا ٹرائل تو اب وطیرہ بن چکا ہے ۔ کسی ملزم کو عدالت مجرم ثابت کرے یا نہ کرے ہمارا میڈیا اس کی ایسی درگت بناد یتا ہے کہ وہ بے گناہ ہونے کے باوجود معاشرے میں منہ دکھانے کے قابل نہیںرہتا۔
اخباری مالکان نے اب ریاستی امور میں باقاعدہ مداخلت کرنا شروع کر رکھی ہے۔ یعنی اقتدار میں صرف سیاسی پارٹی بنا کر ہی حصہ نہیںلیا جاسکتا بلکہ آپ ایک طاقتور میڈیا گروپ بنا کر بھی اقتدار اور اختیار کے مزے لوٹ سکتے ہیں۔حکومت گرانا‘ گرا کر بنانا‘کس نے صدر رہنا ہے اور کسی نے چیف جسٹس بننا ہے ایسے تمام معاملات میںمیڈیا گروپس کی پوری گرفت ہوچکی ہے اور یہی وجہ ہے کہ آج کوئی اخباری گروپ یہ دعویٰ نہیں کرسکتا کہ وہ اپنی خبروں میں نیوٹرل اور غیرجانبدار ہے۔
اخباری کارکن بھی سرکاری رشوتوں کے نیچے دبے ہوئے ہیں۔ پریس کلب اور ان کے نام پر ہونے والی پلاٹ ستانی نے معاشرے میں صحافیوں کی عزت اور توقیر پر کلہاڑے چلا دیئے ہیں۔ ہر حکومت‘حکمران اور سیاستدان صحافیوں کو بحیثیت برادری اور انفرادی طور پر ناجائز مراعات دیکر مطمئن کرنے کی کوشش کرتا ہے اور صحافی ”ڈومور ۔ڈومور“ کے نعرے لگاتے ہیں!
آئیں صحافت کو ذمہ داری کے جوہر سے آشنا کریں‘ایمانداری کی خوشبو سے معطر کریں۔ اگر قلم بھی فروخت ہونے لگیں اور کیمرے ذاتی مفادات کو فوکس کرنے لگیں تو پھر اصلاح تو دور کی بات قومی اور شخصی آزادی بھی چھن جاتی ہے ۔ایسا نہ ہو کہ کل کا دور صحافی رہبروں اور اخباری سرپرستوں کے گلے میں پھر سے غلامی کے طوق لٹکتے دیکھے اور عوام انہیں رشوت خور‘کرپٹ اور وطن دشمن کہہ کر ”مارو اور مارو“ کی آوازیں لگا رہے ہوں

!

لوگ مغموم بھی دکھائی دیئے۔آنسو بھی ٹپکے۔ماتمی دھنیں بھی بجائی گئیں اور شہداءکے مزاروں پر پھول بھی نچھاور کئے گئے وہ مائیں‘بہنیں اور بیٹیاں بھی تھیں جن کے عزیز دفاع وطن کی جنگ لڑتے زندگی کی سرحد پار کرکے شہادت کے تخت پر جلوہ گر ہوگئے۔ وہ ننھے بچے بھی تھے جن کے پاپا نے جام شہادت نوش کرتے وقت کوئی کمزوری نہیں دکھائی۔پورا دن نغمے گونجتے رہے۔ پندرہ ہزار سے زائد شہداءاپنے دامن میں لئے دہشتگردوں کے سرپر وار کرتی افواج پاکستان نے تیس اپریل کو اپنا پہلا یوم شہداءمنایا۔ جنرل ہیڈکوارٹرز میں شام کے وقت یادگار‘ شہداءکی رونمائی ہوئی۔
چیف آف آرمی سٹاف نے سنجیدگی اور عزم سے لبریز لہجے میں ایک مختصر سا تاریخی خطاب کیا۔ ”قوم اور فوج‘ فوج اور قوم دونوں ایک ہیں“۔ عوام اور فوج کو دو طبقوں میں تقسیم کرنے کی ہر سازش کو ناکام بنا دیا۔” فوج کے شہداءقوم کے شہداء ہیں“۔یہ کہہ کر دراصل افواج پاکستان کے سربراہ نے ملت پاکستان کو بہت بڑا تحفہ دے دیا ہے۔ میرا ہمیشہ سے یہ ایمان رھا ہے کہ ہماری فوج ایک اسلامی فوج ہے۔ اگر ہم طالع آزماءجرنیلوں کو فوج کی عسکری تاریخ سے خارج کردیں تو پھر یہ دنیا کی بہترین منظم اور محب وطن فوج ہے۔ سپہ سالار اعظم شہداءکے والدین کو مخاطب کرکے فرما رہے تھے۔”پاکستان صرف زمین کا ایک ٹکڑا ہی نہیں بلکہ ایک مسلمہ نظریہ بھی ہے اور اس کا دفاع صرف ایک قومی ذمہ داری ہی نہیں بلکہ مذہبی فریضہ بھی ہے“۔چیف صاحب کے یہ تجزیاتی کلمات دراصل ملک کی نظریاتی سرحدوں کا تعین کرتے ہیں۔ہماری مسلح افواج ملک کی جغرافیائی ہی نہیں نظریاتی سرحدوں کی بھی پاسبان ہیں۔ سوات ‘مالاکنڈ اور وزیرستان کے اندر شدت پسندوں کے خلاف جاری فوجی آپریشن دراصل ان گمراہ قوتوں کیخلاف جنگ ہے جنہوں نے نہ صرف یہ کہ اسلام کے حقیقی پیغام کو اپنی محدود سوچ سے نقصان پہنچایا۔ بلکہ پاکستان کے اسلامی آئین سے بھی روگردانی کی ہے ۔ یہ وہ گروہ ہیں جو ”اسلامی جمہوریہ پاکستان“ کی آئینی حیثیت کو چیلنج کرتے ہیں اور پاکستانی معاشرے کو ملائیت کی راہ پر دھکیلنا چاہتے ہیں ۔قرارداد مقاصد میں جس واضح منزل کا تعین کردیا گیا ہے اس منزل سے دور کرنے والا ہر عمل خلاف اسلام ہے۔ خود کو”طالبان“ کہنے والے پاکستان اور اسلام دونوں کے خلاف ہتھیار اٹھا کر اسلامی فلاحی ریاست کے مقصد کو ٹارگٹ کر رہے ہیں۔ ان کے خلاف جنگ لڑنا عین جہاد ہے اور افواج پاکستان کے وہ ستائیس سو افراد اور جوان جنہوں نے ان شرپسندوں کا صفایا کرنے کے لئے اپنی جانوں کے نذرانے پیش کئے ہیں وہی سچے شہداءاور حقیقی مجاہدین ہیں۔
پہلا یوم شہداء اپنی تمام تر تیاریوں کے باوجود ادھورا لگا۔ فوج کے شہید قوم کے بھی شہید ہیں پھر اس یوم کو فوج کی بجائے قومی سطح پر کیوں نہیں منایا گیا۔ ہونا تو یہ چاہیے کہ حکومتی سطح پر تیس اپریل کو پورے ملک میں تعطیل ہو۔سرکاری‘عوامی اور عسکری حلقے اپنے اپنے طور پر شہداء کی یاد میں تقریبات کا اہتمام کریں۔شہر میں بڑی بڑی شہادت ریلیاںمنعقد کی جائیں۔ ہمارے بہادر شہداء کے بڑے بڑے پورٹریٹ چھاپے جائیں۔ اخبارات اپنے طور پر شہدا نمبر شائع کریں اور صرف شہداءکے لواحقین ہی نہیں عام پاکستانی بھی پھول لے کر شہداءکی قبروں پر حاضری دیں۔
امید کی جانی چاہیے کہ جنرل کیانی نے جس قومی تقاخر کو اجاگر کرنے کی رسم ڈالی ہے وہ آئندہ تیس اپریل تک قومی تحریک کی شکل اختیار کرلے اور 30اپریل 2011ء میں ہم ادھورا نہیں پورا یوم شہداءمنا کر دین و وطن کے دشمنوں کے سامنے سیسہ پلائی دیوار بنے نظر آئیںگے۔!

اپر کلاس دانشوروں کے ہاں نظریات اور عقائد کو عمومی طور پر تنگ نظری سے تعبیر کیا جاتا ہے۔ آجکل تو فیشن بن گیا ہے کہ جوں ہی کسی نے خدا ‘رسول اور قرآن کے حوالے سے ملکی معاملات میں کوئی دلیل لانے کی کوشش کی وہیں اسے مذہبی انتہا پسندی کا لیبل لگا کر ناقابل سماعت قرار دے دیا جاتا ہے۔ قیام پاکستان کی وجوہات بھی نئی نئی گھڑنے کی کوشش کی گئی ہے۔جنرل (ر) پرویز مشرف کے دور میں ان لوگوں کو کھل کھیلنے کا خوب موقعہ دیا گیا جو دو قومی نظریے کی بجائے پاکستان کے قیام کو معاشی سبب قرار دیتے ہیں۔ لنڈا بازار کے ایسے دانشور بھی ہمارے قلب و ذہن پر کوڑے برساتے رہے جو پاکستان کو برطانیہ اور امریکہ کی سازش کا نتیجہ قرار دیتے ہیں۔ ہم نے تو ایسے ایسے اجنبیوں کو ٹی وی سکرین پر گھنٹوں مغز خوری کرتے سنا جو تقسیم ہند کو حادثہ قرار دے کر تحریک قیام پاکستان کا سرے سے انکار کردیتے ہیں۔پاک بھارت ایک ہوجانے کے فوائد کا نقشہ کھینچنے والے چہرے ہنوز ہمارے پردہ بصارت پر پرچھائیاں بکھیرتے ہیں۔شائد پاکستان وہ واحد بدقسمت ملک ہے جس کے نام نہاد پڑھے لکھے لوگ پینسٹھ برس گزرنے کے بعدبھی اس کے وجود کے اسباب پر قوم کو الجھائے ہوئے ہیں۔ کوئی اس مملکت اسلامیہ کو سیکولر بنانے پر تلا بیٹھا ہے اور کسی نے اسے ناکام ریاست ثابت کرنے کے لئے ادھار کھایا ہوا ہے۔ سرحد پار کے نامی گرامی بھارتی دانشور تو پاکستان کو ایک حقیقت تسلیم کرتے ہیں لیکن ہمارے اپنے دانشور دو قومی نظریے کا ذکر کرتے ہوئے شرمندگی میں ڈوب جاتے ہیں۔
خیال یہی تھا کہ سابق عسکری معززین کی محفل میں نظریہ پاکستان کا حوالہ بے زاری کا سبب بنے گا کہ مشرف دور کی روشن خیالی کا سب سے بڑا ہدف ہمارا یہی عظیم عسکری ادارہ تھا۔ تھنکرز فورم کے اجلاسوں میں جانے کا اتفاق ہوتا رہتا ہے اور فورم والوں کی مہربانی کہ مجھ جیسے سویلین کو اپنی ممبر شپ سے نواز رکھا ہے۔ یہاں سابق چیف آف آرمی سٹاف اور ضرب مومن جیسی شہر آفاق فوجی مشقوں کے خالق جناب جنرل (ر) اسلم بیگ جیسے حقیقی دانشمند تشریف لاتے ہیں۔ آئی ایس آئی کے سابق سربراہ اور امریکیوں کے سامنے پاکستانی مفادات کا بھرپور طریقے سے مقدمہ لڑنے والے شیرجرنیل‘ جنرل (ر) اسد درانی اس فورم کے چیئرمین رہے اور آجکل پاکستان کے اندر گڈ گورنس کے کلچر کو فروغ دینے کے لئے عدلیہ کی خودمختاری کے فکری مددگار ہیں۔فورم کے موجودہ چیئرمین سابق ایئرمارشل کلیم سعادت کا وجود سعید اس فورم میں ہونے والے بحث مباحثے کو سنجیدگی بخشتا رہتا ہے۔ کرنل (ر) بختیار حکیم ایک ادبی شخصیت ہیں اور مخلص استاد بھی۔ وہ اس فورم کے روح رواں اور سیکرٹری جنرل ہیں۔ جنرل (ر) ایس ایچ زیدی جیسی نابغہ روزگار شخصیت بھی فورم کے اجلاسوں کو رونق بخشی ہے۔ ایئرمارشل مسعود اختر‘ بریگیڈیئر نور ‘کرنل ریاض جعفری‘ نیوکلیئر سائنسدان سلطان بشیر محمود جیسے احباب اس فورم میں خاص مقام رکھتے ہیں۔ دانشمندی اور دور اندیشی کا یہ حسین گلدستہ ہر ماہ ایک بار سجتا ہے۔ یہاں قومی اور بین الاقوامی امور کو بڑی باریک بینی سے دیکھا جاتا ہے اورفورم اپنے ممبران کے خیالات و افکار کو تازہ بہ تازہ رکھتا ہے۔ اگر یہاں ہونے والی بحثوں کو سمیٹ اور سنوار کر کتابی شکل دی جائے تو اہل اقتدار اور اہل سیاست کے لئے قابل عمل مشاورت کی باقاعدہ دستاویز بن جائے۔
گزشتہ اجلاس تھنکرز فورم پاکستان کا تیسرا سالانہ اجلاس تھا جس میں ممبران کے علاوہ بھی احباب نے شرکت کی۔ فورم کی خوبصورت روایت یہ ہے کہ تمام شرکاءکو بولنے کا موقع دیا جاتا ہے۔ میں نے خصوصی دعوت پر آئے ہوئے اپنے دوست کالم نگار بیگ راج کا تعارف کرایا اور بتایا کہ وہ نظریہ پاکستان ٹرسٹ اسلام آباد چیپٹر کے سیکرٹری جنرل ہیں۔ اس پر شریک محفل ایک سابق آئی جی پولیس نے رائے دی کہ ہماری قوم ابھی تک نظریوں کے چکر میں پڑی ہے۔ اور عمل کی بات کوئی نہیں کرتا۔ اس پر میں نے نظریہ پاکستان ٹرسٹ کے اشتراک سے بنائے گئے اپنے نظریاتی سکول کا حوالہ دیا اور معززممبران کو دورے کی دعوت دی ۔جسے کرنل بختیار حکیم نے بخوشی قبول کیا اور ذاتی حیثیت میں ہر ماہ دو گھنٹے کا وقت دینے کا وعدہ کیا۔دیگر ممبران نے بھی نظریاتی پاکستان کے حوالے سے اپنے مختصر لیکن مثبت کمنٹس دیئے اور آخر پر جناب کلیم سعادت نے ان بکھرے ہوئی آراءکو یکجا کرتے ہوئے پورے ہاﺅس کی طرف سے اعلان کیا کہ ”نظریہ پاکستان ہی قیام پاکستان کی صحیح بنیاد ہے اور نظریہ پاکستان غلط نہیں ہمارے اعمال اس نظریے سے مطابقت نہیں رکھتے“۔ نہ صرف یہ کہ عسکری کلاس کے دانشوروں کے اس فورم میںنظریہ پاکستان کی زوردار بازگشت سنائی دی بلکہ طے ہوا کہ فورم کے آئندہ اجلاس میں بحث کا موضوع ہی نظریہ پاکستان ہوگا اور اس موضوع پر جناب سلطان بشیر محمود لیکچر دیں گے جبکہ راقم کو بطور پینل ایکسپرٹ شرکت کا حکم دیا گیا ہے۔

اگر جسونت سنگھ یہ حقیقت قبول نہ بھی کرتے تو بھی پاکستان کے لازوال وجود پر قطعاً فرق نہ پڑتا۔ یہ اس صالح فکر بھارتی رہنما کی اندر کی سچائی ہے کہ انہوںنے نہ صرف اپنی مشہور تصنیف میں اس حقیقت کو تسلیم کیا بلکہ پاکستان میں اپنی کتاب کی مارکیٹنگ کے دوران رسمی اور غیر رسمی گفتگو میں بھی اعادہ کرتے رہے۔ اسلام آباد کلب میں بھارت کے سابق وزیرخارجہ اور آج کل ہندو انتہا پسندوں کی نفرتوں کے ہدف اس سلجھے ہوئے دانشور سے مجھے ملاقات کا موقعہ ملا۔

جسونت سنگھ بڑی محبت سے ملے اور رائٹرز یونٹی کے حوالے سے اچھے جذبات کا اظہار بھی کیا۔ یہ ان کی بڑائی ہے ۔جتنا پیار انہوں نے قائداعظمؒ محمد علی جناح کی تعریف میں چند جملے لکھ کر کمایا ہے اگر قیام پاکستان کے جواز کو بھی کھلے دل و دماغ سے تسلیم کر لیتے تو پاکستانی ان کے حق میں جلوس نکالتے اور ان کے استقبال کے لئے اسلام آباد ایئرپورٹ پر پہنچ جاتے۔بہرحال سرحد پار سے ان چند جملوں کو بھی ٹھنڈی ہوا کاجھونکا تصور کرنا چاہیے اور امید رکھنی چاہیے کہ بی جے پی کے دیگر رہنما تقسیم ہند کے ادھورے عمل کی تکمیل کرتے ہوئے کشمیریوں کو اقوام متحدہ کی قراردادوں کے مطابق رائے شماری کا حق دینے میں روایتی ہٹ دھرمی ترک کردیںگے۔ یہی واحد حل ہے ۔اسی طرح ہم بھارت کو پرامن ہمسائے کے طور پر دیکھ سکیں گے۔
پاک بھارت دوستی کے راگ الاپنے اور امن کی آشا کا واویلا کرنے والوں کو چند حقیقتیں اپنے پیش نظر رکھنی چاہیں۔امریکہ میںایٹمی ہتھیاروں کے حوالے سے ہونے والی سنتالیس ممالک کی عالمی کانفرنس کے موقعہ پر بھارتی لابی نے پاکستان کے ایٹمی اثاثے غیر محفوظ ثابت کرنے پر ایڑی چوٹی کا زور لگایا۔ اگر یقین نہ آئے تو ان دنوں کے بھارتی اخبارات‘امریکی اخبارات اور اسرائیلی اخبارات کا مطالعہ کرکے دیکھ لیجئے۔ چونکہ پاکستان لاالہ اللہ کے فلسفے پر وجود میں آیا تھا اس لئے پہلے کی طرح اس بار بھی تائید غیبی آئی اور وزیراعظم کی سربراہی میں جانے والے پاکستانی وفد کو غیر متوقع طور پر کامیابی ملی۔ کم از کم ایک بار ہی سہی دنیا کی طاقتوں نے پاکستان کے ایٹمی اثاثوں کو محفوظ تسلیم کر لیا اور امریکی صدر بارک اوبامہ نے بھارتی لابی کی طرف سے تیار کئے گئے صحافیوں کے سامنے پاکستان کی بھرپور وکالت کر ڈالی ۔ بھارتی وفد اور بھارتی وزیراعظم من موہن سنگھ صدر اوبامہ کا منہ تکتے رہ گئے اور ”رام رام“ کرتے امریکہ سے واپس چلے گئے ۔ امریکہ کے اپنے مفادات نے وہاں کے مقتدر حلقوں کو مجبور کردیا کہ وہ دنیا کو بتائیں کہ ”پاکستان ایک حقیقت ہے“ اور حقیقتوں کو جس قدر جلد تسلیم کر لیا جائے اسی قدر معاملات جلدی سلجھائے جاسکتے ہیں۔
بھارت کے عوام تو خود ہندو انتہا پسندوںکے ہاتھوں یرغمال بنے ہوئے ہیں۔ ورنہ ثانیہ مرزا اور شعیب ملک کی شادی کو اس قدر انا کا مسئلہ نہ بنایا جاتا۔ پل بھر میں ایف آئی آر کاٹ کر پاسپورٹ ضبط کر لیا گیا۔شعیب ملک کو تھانے بلایا گیا اورتھانہ تھانہ ہوتا ہے کوئی فائیو سٹار ہوٹل نہیں۔پاکستانیوں نے بحیثیت مجموعی شعیب ملک کے شادی کے فیصلے پر کسی ناراضگی کا اظہار نہیں کیا بلکہ مختلف شہروں میں شادی کی علامتی تقریبات منائیں۔ پورے بھارت میںکسی ایک جگہ پر بھی اس شادی پر خوشی کا اظہار نہیںہوا۔شیوسینا کے کارکنوں سے لے کر کانگریس اور بی جے پی کے رہنماﺅں تک کسی ایک کو توفیق نہیں ہوئی کہ وہ شعیب ملک کو لفظی مبارکباد ہی دے دیں۔ پاکستان کی حکومت نے گو جلد بازی کا مظاہرہ کیا لیکن فردوس عاشق اعوان اس شادی میں شرکت کے لئے خود تشریف لے گئیں اور بجلی کو ترستی پاکستانی قوم کی طرف سے پچیس تولے سونے کا تاج اپنی ”بہو“ کے سر سجا کر آئیں۔ بھارتیوں کو پھر بھی شرم نہیں آئی۔ وہ جوابی طور پر شعیب ملک کو ایک جوڑا کپڑے دے سکتے تھے لیکن ان کے اندر کی میل اور دلوں کی کدورتیں دور ہوں تو پھربات بنے اور ہمسائیگی کا تاثر قائم ہوسکے ۔دوستی تو دور کی باتیں ہیں جو صرف سازشی زبانوں پر سجتی ہیں۔پاکستانیوں کے خلاف آج بھی بھارت کے اندر نفرت کا یہ عالم ہے کہ ثانیہ بیچاری کو فوراً وضاحت کرنا پڑی کہ ”میںنے پاکستانی سے شادی کی ہے پاکستان کی بہو نہیں“۔حالانکہ اس کا سب سے بڑا اعزاز یہی تھا کہ اسے پورا پاکستان اپنی بہو کا درجہ دینا چاہتا ہے لیکن ہندو انتہا پسندوں کے خوف نے اسے اس مقدس رشتے سے دور رہنے پر مجبور کردیاہے ۔ہر سال دلہن کے منہ سے یہ لفظ بھی نکل سکتے تھے کہ ”میں نے ایک مسلمان سے شادی کی ہے لیکن لفظ ”پاکستانی“ کا ادا ہوجانا اس حقیقت کو آشکار کرتا ہے کہ ہندوستان کے مسلمان کسی نہ کسی صورت میں پاکستان کی حقیقت سے عشق ضرور کرتے ہیں۔
ہاں ۔ پاکستان ایک حقیقت ہے اور اس حقیقت کو دل و جان سے تسلیم کرنے کا نام ہی دور اندیشی ہے۔پاکستان کے چند نام نہاد دانشور جو پاکستان اور بھارت کو ایک کرنا چاہتے ہیں انہیں بھی تسلیم کرنا ہوگا کہ پاکستان بذات خود ایک حقیقت ہے اور اس حقیقت کو مٹانے کی تمام کوششیں ناکام ہوجائیں گی۔ یہ کوئی مشرقی اور مغربی جرمنی نہیں جو ایک ہوجائیں نہ ہی شمالی اور جنوبی کوریا ہے جن کے ایک ہوجانے کی خواہش پالی جائے۔ وہ بھارت ہے اور یہ پاکستان ۔سچ صرف یہی ہے بھارت انصاف کرے تو ہمسایوں کی طرح رہا جاسکتا ہے۔ ایک نہیں ہوا جاسکتا ہے!

قبائلی علاقوں میں کلاشنکوف کی ایک گولی کی قیمت آج کل بتیس روپے ہے۔ ایک میگزین میں تیس گولیاں پڑتی ہیں۔ ایک بار ٹریگر دبانے سے تیس گولیوں سے بھرا میگزین لمحہ بھر میںخالی ہوجاتا ہے۔ یعنی چند سیکنڈز میں کم از کم ہزار روپیہ پھونک ڈالا جاتا ہے۔ طالبان کی طرف سے صرف کلاشنکوف ہی استعمال نہیںہوتی‘مارٹر گولے تک پھینکے جاتے ہیں۔اینٹی ایئرکرافٹ گنیںچلتی ہیںاور راکٹ لانچرز کا بے دریغ استعمال ہوتا ہے۔

جب بھی پاک فوج کے ساتھ جھڑپ ہوتی ہے یا افواج پاکستان کی چیک پوسٹوں ‘ قافلوں اور کالونیوں پر حملہ ہوتا ہے تو فوج کو جوابی کارروائی کے دوران اندازہ ہوتا ہے کہ حملہ آوروں کے پاس نہ صرف یہ کہ اسلحہ اور گولہ بارود کی بہتات ہے بلکہ ٹیکنالوجی کے اعتبار سے جدت اور خودکاری کے لحاظ سے بھی ہر اسلحہ اعلیٰ ترین معیار کا ہے۔ سرنگوں‘ ٹھکانوں اور ٹرکوں سے پکڑے جانے والے بارود و اسلحہ کے غیر ملکی ہونے کے شواہد مسلسل مل رہے ہیں۔تواتر اور تعداد میں سپلائی بھی اندازوں سے باہر ہے۔ سوات کے لوگوں کا خیال ہے کہ پاک فوج نے پیوچار کے علاقے میں پچیس ایکڑ رقبہ میں پھیلایا گیا جو اسلحہ قابو کیا تھا اگر وہ طالبان کے پاس ہوتا تو شائد اب تک اسلام آباد پر قبضہ ہوچکا ہوتا۔آج عام قبائلی یہ سوال اٹھاتا ہے کہ ان طالبان کے پاس اس قدر جدید اور مہنگا ترین اسلحہ کہاں سے آرہا ہے؟ گولیوں اور گولوں کے لئے رقم کون مہیا کرتا ہے ۔ سوات کے لوگ پوچھتے ہیں کہ پاک فوج کے خلاف اتنی بڑی اور طویل جنگ کی تیاری کا مقصد کیا تھا؟ وہ یہ دلیل ماننے پر تیار ہی نہیں کہ اس قدر جنگی تیاری اور اسلحہ کے اتنے وسیع ذخائر محض ذاتی دفاع کے لئے ہوسکتے ہیں یا یہ انبار محض کہ اسلحہ رکھنے کی روایت کا نتیجہ ہیں!

سوات سے تعلق رکھنے والے اسلام آباد میں مقیم اور زیر تعلیم طالب علموں کے ایک گروپ سے تفصیلی بحث و مباحثہ کے نتیجے میں یقین کرنا پڑتا ہے کہ بھارت کی طرف سے پاکستان کی مالاکنڈ ڈویژن میں ”اسلامی امارات مالاکنڈ“ کا ایک گھناﺅنا منصوبہ بنایا گیا تھا۔ اس منصوبے کوافغان حکومت اور خفیہ اداروں کی بھرپور حمایت حاصل تھی۔ اسلحہ اور جنگجوﺅں کی تربیت پر اٹھنے والے اخراجات ہمسایہ ملک کی طرف سے مہیا کئے گئے تھے۔سوات کے جنگجوﺅں کا تعلق بھارتی کونسل خانوں سے شائد براہ راست نہیں تھا۔مڈل مین کا کردار افغان ایجنٹ ادا کر رہے تھے۔مینگورہ شہر سے تعلق رکھنے والے طالب علم زبیر خان کا خیال ہے کہ صوبہ سرحد میں پشاور کے سوا ایم۔ایم۔ اے کی حکومت کی عملاً کہیں کوئی ”رٹ“ نہیں تھی۔ مالاکنڈ ڈویژن کے بعض کمشنرز اور ناظمین پاکستان کو کاٹنے کے اس منصوبے میں شامل تھے۔ مشرف دور کے آٹھ برس میں سوات کے اندر اسلحہ کی مطلوبہ مقدار کوبڑی آسانی سے پورا کیا گیا۔

یونیورسٹی سٹوڈنٹس کا خیال ہے کہ ”امارت اسلامی مالاکنڈ“ کا منصوبہ کبھی ناکام نہ ہوتا اگر فوج پورے سوات کو خالی کرانے کا فیصلہ نہ کرتی۔ جونہی مقامی لوگوں نے نقل مکانی کرکے سرحد کے دوسرے شہروں کا رخ کیا تو طالبانوں کے لئے چھپنے کی کوئی جگہ نہ رہی۔ خوراک کی سپلائی ختم ہوگئی وہ گھبراہٹ میں ادھر اُدھر بکھرنے لگے۔اس طرح فوج کے لئے آپریشن راہ نجات آسان سے آسان تر ہوتا گیا۔

مغربی ذرائع ابلاغ میں پاک فوج کی اس شاندار کامیابی کو حیرت اور حسد کے لہجے میں بیان کیا جاتا ہے۔ غیر ملکی عسکری تجزیہ نگاروں کو حیرت ہوتی ہے کہ پچیس لاکھ لوگوں کا انخلاءکس طرح ممکن ہوا‘ ان کے لئے میزبانی کا بہترین بندوبست کیسے کیا گیا اور ان کی واپسی کس طرح بے خطر انداز میں ہوئی۔ بعض تجزیے پڑھ کر حیرت ہوتی ہے۔آبادی کے انخلاءکے فیصلے پر دشمن منصوبہ سازوں کا خیال تھا کہ سوات کے لوگ جب کیمپوں میں جائیں گے اور ان کی دیکھ بھال نہیں ہوسکے گی تو یہ ردعمل کا شکار ہو کر طالبان کے حامی بن جائیں گے۔مولانا فضل اللہ کے گرفتار قریبی ساتھیوں کے حوالے سے موصول ہونے والی اطلاعات پر مبنی ایک رپورٹ کے مطابق طالبان قیادت نے اسی لئے سوات‘مینگورہ اور دیر وغیرہ چھوڑنے والوں کا راستہ نہیں روکا بلکہ اپنے عزیزواقارب اور اسلحہ نہ اٹھا سکنے والے جنگجوﺅں کو بھی انہی قافلوں کے ساتھ روانہ کردیا تھا۔رپورٹ میں لکھا ہے کہ اگر طالبان قیادت کو یقین ہوتا کہ کیمپوں میںرہنے والے زندگی کا روشن چہرہ دیکھ کر ان سے باغی ہوجائیں گے تو وہ انخلاءپر آمادہ سواتیوں کو خون میں نہلا دیتے۔

کہا جاتا ہے کہ حکومت نے فوج کے اس منصوبے کی تکمیل کا مکمل اختیار فوج کے حوالے کردیا۔ اور فوج اور آئی ۔ایس ۔آئی نے وہ کر دکھایا جس کی مثال دنیا کے کامیاب فوجی آپریشنز میں ڈھونڈنا بھی مشکل ہے۔

کسی سچے پاکستانی کے بارے میں یہ تصور بھی نہیں کیا جاسکتا کہ وہ دانستہ طور پر کسی ایسے ادارے‘تحریک یا پروپیگنڈے کا حصہ بنے گا جس کا فائدہ بالواسطہ یا بلاواسطہ طور پر پاکستان کے ازلی دشمن بھارت کو پہنچ سکتا ہو۔ اگر کچھ پاکستانی نما لوگ جان بوجھ کر ایسی سرگرمیوں میں ملوث ہےں تو پھر ان کو ”را“ کا ایجنٹ کہنے میں کوئی ہچکچاہٹ نہیں ہونی چاہیے۔ افواج پاکستان‘آئی ایس آئی اور دیگر حساس اداروں پر بے جا تنقید پر مبنی جوتبصرے یا کالم شائع ہوتے ہیں

ان کے اکثر لکھنے والے انتہائی محب وطن ہیں البتہ ان کے اندر صحافتی عمل پذیری اس قدر بدرجہ اتم پائی جاتی ہے کہ اصلاح کے جذبے سے سرشار تحریرمیں بھی بعض اوقات بھارتی مفادات کو تقویت بخشنے والے نکات ہوتے ہیں ۔بعض اوقات ہمارے لکھاری اور دانشور اپنی تحریر اور گفتگو کو ”انکشافات“ کی چاشنی چڑھانے کے لئے ایسے بے بنیاد ”سچ“ بھی بول جاتے ہیں جو سرحد پار کئے جانے والے پاکستان مخالف پروپیگنڈے کی ضرورتوں کو پورا کردیتے ہیں۔

آجکل پاکستانی پریس کا ایک بڑا حصہ آئی ایس آئی کے سربراہ کی مدت ملازمت میں توسیع کو اپنا موضوع بنائے ہوئے ہے۔ فاضل لکھاریوں اور تبصرہ نگاروں کو اعتراض ہے کہ مدت ملازمت میں توسیع سے ”ملٹری اسٹیبلشمنٹ“ کے طاقتور ہونے کا اندیشہ پیدا ہوا ہے اورفوج کے اندر اپنے من پسند کے فیصلے کرنے کی روش جڑ پکڑ رہی ہے۔

اگرآپ آج کل بھارتی نیوز چینلز پر ان کے دفاعی اور سیاسی تجزیہ نگاروں کی گفتگو سن رہے ہوں تو حیرت ہوتی ہے کہ آئی ایس آئی کے سربراہ کی مدت ملازمت میں توسیع پر اسی انداز ‘ لہجے اور دلیل کے ساتھ تبصرے ہوتے ہیں جو انداز پاکستانی ‘ انگریزی روزناموں اور بعض ”اصول پسند“ کالم نگاروں کا ہے۔ بھارت میں عمومی طور پر آئی ایس آئی کے خلاف زہر تو اگلا ہی جاتا ہے ‘لیکن موجودہ سربراہ کے خلاف بھارتی حلقوںکا غصہ دےدنی ہوتا ہے۔ کچھ سمجھ نہیں آتی کہ آخر آجکل آئی ایس آئی بھارت کے لئے اس قدر تکلیف دہ کیوں ثابت ہورہی ہے۔؟

دو تین واقعات ایسے ہوئے ہیں جن سے بھارت کی پاکستان دشمنی بر مبنی منصوبوں کا بھرکس نکل گیا ہے۔ سوات کے اندر افواج پاکستان کو جس طرح حیرت انگیز کامیابیاں ملی ہیں اس کی توقع امریکہ‘ نیٹو فورسز اور بھارت کو ہرگز نہ تھی۔ اتنے قلیل وقت میںاتنے بڑے علاقے کو فسادیوں سے صاف کرانا اور پُرامن اور باعزت طریقے سے پچیس لاکھ لوگوں کو دوبارہ آباد کرانا وہ کارنامہ ہے جس پر بڑے بڑے عسکری اور سیاسی بزرجمہر ششدر ہیں۔سوات اور مالاکنڈ کے اندر وہاں کے رہائشیوں کی پاک فوج کے لئے والہانہ محبت بھارت کے لئے ایسا ہی حملہ ہے۔جیسے اس کا تھپڑ اسی کے منہ پر مار دیا گیا ہو۔ عام طالبانوںکو شائد علم ہی نہیں تھا کہ ان کے ہاتھوں میں جدید ترین اسلحہ کس کے پیسے سے خریدا گیا تھا۔ انہیں شائد ”را“ اور ”راما“ جیسے ناموں سے بھی واقفیت نہ ہوبہت کم جانی نقصان کےساتھ پاک فوج نے ایک لحاظ سے سوات اور مالاکنڈ کو پھر سے آزاد کرایا ہے۔ اور اس تمام کامیابی میں حکومت پاکستان افواج پاکستان اور خصوصاً آئی ایس آئی کی شاندار پلاننگ کا بڑا عمل دخل رہا ہے۔ بھارتی ذرائع ابلاغ اگرچہ نفرت سے ہی سہی لیکن اس شا ندار کامیابی کا زوردار طریقے سے اظہارکرتے ہیں اور سچ یہ ہے کہ آرمی چیف اور ڈی جی آئی ایس آئی کی سوچ میں مکمل ہم آہنگی بھارت کے لئے بہت تکلیف دہ ثابت ہورہی ہے۔

اداروں کے سربراہوں کی کوئی دائمی حیثیت نہیں ہوتی اور نہ ہی ہونی چاہیے۔ کوئی شخص کسی قومی پالیسی کے تسلسل کے لئے ناگزیر نہیں ہوتا۔لیکن کیا کیاجائے کہ اس ماہ کے آخرمیں امریکہ کے ساتھ سٹرٹیجک اشتراک پر مذاکرات ہوتے جارہے ہیں ۔آئی ایس آئی امریکیوں کو پاکستان کو بھوٹان نہ سمجھنے پر بڑی مہارت سے قائل کرچکے ہیں۔ جنرل کیانی کی لیڈر شپ امریکیوں کو یہ حقیقت سمجھانے میں کامیاب ہوئے کہ پاکستان اپنی سرزمین پر کسی غیر ملکی فوج کی طرف سے کوئی کارروائی برداشت نہیں کرے گا۔ افغانستان میں بھارت نہیں پاکستان کے سب سے زیادہ مفادات ہیں اور یہ کہ مسئلہ افغانستان کے حل میں پاکستان ہی کوئی کلیدی رول ادا کرسکتا ہے۔ یہ کہ پاکستان کا نیو کلیئر سسٹم پاکستانی ہاتھوں میں مکمل طور پر محفوظ ہے اور امریکہ پاکستان کو باقاعدہ ایٹمی طاقت تسلیم کرے۔یہ ہیں وہ معاملات جن پر پاکستان نے امریکہ کو تحریری اور ٹھوس اقدامات کرنے پر آمادہ کرنا ہے اور اس مہم کی ذمہ داری آئی ایس آئی کے سر پر ہوگی۔اگر ایسے نازک موقعہ پر ڈی جی کی تبدیل ہوتی توشائد پاکستان کا مقدمہ کمزور ہوجاتا۔ امریکہ کی یاری بھی کوئی قابل فخر عمل نہیں لیکن کم از کم بھارت سے یاری نبھانے کی سوچ بھی تبدیل کرنے کی ضرورت ہے۔!

یوں محسوس ہوتا ہے کہ مسلم لیگ”ن“ چوٹ لگاﺅ اور بھاگو کے فلسفے پر کاربندہے اور اس جماعت کے شہ دماغ پی پی پی کیخلاف ابھی تک کسی باقاعدہ جنگ کو مناسب خیال نہیں کرتے۔ حالانکہ ”ن“ لیگ کے صف اول کے مجاہدین نے طالبانی انداز میں لانگ مارچ کی دھمکی بھی دے دی تھی۔ لیکن چند روز قبل جناب میاں محمد نوازشریف نے اخباری مالکان اور سینئر صحافیوں کے اعزاز میں دیئے گئے افطار ڈنر کے موقع پر اپنے جن باوضو خیالات کا اظہار کیا اور عمومی سوالات کے جو مصالحانہ جوابات دیئے۔ ان سے ظاہر ہوتا ہے کہ ”ن“ لیگ مشرف کے احتساب کے اشو کو اب مزید آگے بڑھانا نہیں چاہتی اور اس اشو کو مستقبل میں پی پی پی کیساتھ ناراض ہونے کے لئے محض ایک پوائنٹ کے طور پر قابل تذکرہ رکھنا چاہتی ہے۔

ہوسکتا ہے کہ پرویز مشرف نے عہدہ صدارت چھوڑتے وقت جناب آصف علی زرداری اور ان کی پارٹی کے ساتھ جو ”ڈیل“ کی تھی اس سے جناب نوازشریف کو بے خبر رکھا گیا ہو۔اگرچہ یہ ممکن نہیں اور جب میاں نوازشریف بھری بزم میں ایسی کسی ڈیل سے اپنی لاعلمی کا اظہار کرتے ہیں تو ان کا معصوم چہرہ ”تجاہل عارفانہ“ سے مزید معصوم سامن جاتا ہے۔ ہوسکتا ہے کہ میاں برادران کو جنرل پرویز مشرف کی دستربرد سے نکال کر حجاز مقدس لے جانے والے اور آٹھ برس تک ان کی مہمان نوازی کرنے والے سعودی دوستوںنے بھی میاں نوازشریف کو ایسی ڈیل سے بے خبر رکھا ہو۔ یہ بھی ممکن ہے کہ برطانیہ کے وزیرخارجہ ملی بینڈ نے بھی جناب میاں صاحب کو اندھیرے میں رکھا ہو۔ صدر مشرف نے جناب میاں صاحب سے اقتدار چھینا تھا ادھار یا بھیک نہیں مانگی تھی۔وہ ”مواخذے“ کے خوف سے زیادہ اپنے غیر ملکی دوستوں کی ”ضمانت“ پر عہدہ صدارت چھوڑنے پر مجبور ہوئے تھے۔ ان کی الوداعی تقریر اعتراف نہیں بلکہ دھمکیوں سے پر تھی اور انہیں اپنی واپسی کا اتنا ہی اعتماد تھا جتنا آج کل میاں نوازشریف کو اپنے وزیراعظم بننے کا یقین ہے۔
ہمیں میاں صاحب کا یہ جملہ”سعودی عرب کو پاکستانی معاملا ت میں الجھایا نہ جائے“ سن کر تکلیف دہ حیرت ہوئی۔ جو شخص خود سعودی مداخلت یا محبت کے طفیل اٹک قلعے سے نکل کر مسجد نبوی پہنچ گیا اور سعودی مہربانوں کی فراغ دلی کے سبب ہی اسے وطن واپس آنے اور یہاں آکر اپنی پارٹی کو الیکشن لڑنے اور پنجاب میں برادرخورد کی حکومت قائم کرنے کا موقع ملا وہی آج کہتا ہے کہ ”سعودی عرب کو پاکستانی معاملات میں نہ الجھایا جائے“۔ایسی نکتہ آفرینیاں صرف روزوں کی برکت سے ہی ممکن ہےں!
اسلام آباد کے مقامی ہوٹل میں یونائیٹڈ انٹرنیشنل گروپ کی طرف سے افطار ڈنر کا اہتمام کیا گیا تھا۔ گروپ کے چیف ایگزیکٹو جناب میاں شاہد حالات سے نہ گھبرانے والے ایک کامیاب کاروباری شخصیت ہیں بلکہ وہ طبقہ فکر کی نمایاں شخصیات سے تعلقات نبھا نے کا بھی حوصلہ رکھتے ہیں۔افطار ڈنر کیا تھا‘پاکستانی سیاست کے ”عامل پروفیسر“ جناب شیخ رشید احمد‘تھنکرز فورم کے چیئرمین جناب جنرل (ر) اسد درانی ‘قومی اسمبلی میں قائمہ کمیٹی برائے وزارت داخلہ کے جراءت مند چیئرمین جناب سینیٹر طلحہ محمود‘ایئرمارشل (ر) مسعود اورجناب رضاگیلانی سمیت درجنوں اصحاب فکر دانش کی ایک بھرپور محفل تھی۔راقم اس گروپ کے ڈائریکٹر پبلک ریلیشنز کی حیثیت سے ان احباب کو خصوصی دعوت دی تھی۔ جناب شیخ رشید صاحب کو سیاسی باریکیوں کو چند اشاروں ‘کنایوں میں بیان کرنے پر ملکہ حاصل ہے۔ ان کی سیاسی پھلجھڑیاں ‘بعض اوقات بڑے بڑے سیاسی طوفانوں کی پیشگی خبر ثابت ہوئی ہیں۔ انہوں نے میرے ایک سوال کے جواب میں کہا ”میاںنوازشریف ابھی پچھلے سفر کی تھکاوٹ اتار نہیں سکے اور دوسرے سفر کی تیاریاں کر رہے ہیں۔“
سینیٹر طلحہ محمود کو اہم ترین قائمہ کمیٹی کی چیئرمین شپ سنبھالنے کا موقع ملا تو انہوںنے داخلی مگرمچھوں کی کلاس لینا شروع کی۔ اصلاح احوال ایک سست رفتار عمل ہے لیکن خرابیوں اور خامیوں کی بروقت نشاندہی کرنے میں سینیٹر طلحہ محمود نے کبھی غفلت نہیں برتی‘کسی دباﺅ یا لالچ کو خاطر میںنہیں لایا۔انہیں حق ہے کہ وہ اپنی خوبصورت مونچھوں کو اور بھی بلند کریں۔کہنے لگے ” یہ سیاستدان لوگ بھی عجیب الخلقت ہیں۔ لوگوں کے اصل مسائل‘قوم کے حقیقی دکھ اور قوم کی ضروری خودمختاری۔ یہ سارے اشوز نان اشوز بنا دیئے گئے “۔ جنرل (ر) اسد درانی کا اپنا انداز تکلم ہے وہ جچے تلے انداز میں منظم و مربوط تبصرے اور تجزیے کرنے میں مہارت رکھتے ہیں۔
میرے ملک کی سیاست کو صبر کی عادت نہیں رہی۔میاں صاحب کو علم ہے کہ وہ جس ”مائنس وَن“فارمولے کو پروموٹ کر رہے ہیں اس کے روبہ عمل ہونے سے وہ خود بھی مائنس ہوجائیں گے اور ”پلس“ ہونے کے لئے کوئی اور ہوگا!۔

وفاقی دارلحکومت کی بعض شاہراہوں سے رکاوٹیں ہٹا لی گئی ہیں اور آئندہ چند روز تک مزید ”نو گو ایریاز“ بھی ختم ہونے کا امکان ہے۔ تین چار ماہ قبل پاکستان کے شہروں کے اندر جس تواتر کے ساتھ خودکش حملے ہونا شروع ہوئے تھے ، اس سے خوف اور وسوسوں نے ہماری اجتماعی زندگی کو جکڑ لیا تھا۔ امن کی فاختائیں ہمارے منڈیروں سے اُڑ کر ہمسایہ ممالک کا رُخ کر چکی تھیں۔ سکون کی نیندیں حرام ہو چکی تھیں۔ زندگی کیا تھی، بس ایک بے یقین سا سایہ تھا جو کسی چوک چوراہے میں خون آلود ہوتا دکھائی دیتا تھا۔ عوام تو عوام ،طبقہ اشرافیہ بھی اپنے بچاو¿ کی تدبیریںڈھونڈتا دکھائی دیتا تھا۔ جتنے اُونچے سر تھے، سب اُڑائے جانے کے ڈر سے نیچے ہو چکے تھے۔ اسلام آباد کے پوش سیکٹرز میں قائم پولیس کے اعلیٰ ترین افسران نے اپنی رہائش گاہوں کی طرف آنے والے راستے سنگ و خار سے بند کر دیئے تھے اور عوام کی حفاظت کے نام پر مراعات اور تنخواہیں بٹورنے والے عملاً قلعہ بند ہو کر کسی حملہ آور کے منتظر بیٹھے سانسیں گنتے تھے۔ سوائے مذمت کے حکمران طبقہ عوام کو کچھ دینے کے قابل نہ تھا اور اسلام آباد چند روز میں فتح ہوتا دکھائی دے رہا تھا۔ 
چار پانچ ماہ قبل کے اخبارات اُٹھا کر دیکھیے ،اُن کی چیختی و چنگاڑتی سرخیاں ملاحظہ کیجئے۔ آپ کو ہر طرف اپنے آگے اور پیچھے، دائیں اور بائیں ”طالبان“ ، ”دہشت گرد“ اور ”خود کش بمبار“ دکھائی دیں گے۔ کوہاٹ میں، پشاور کے قصہ خوانی بازار میں، لاہور کے مال روڈ پر ، راولپنڈی میں جی ایچ کیو کے سامنے والی سڑک پر، کراچی کے بازاروں میں ، کوئٹہ کے شہر میں …..کون سی جگہ تھی جو ”طالبان“ کی دست بُرد سے بچ گئی تھی، کون سا طاقتور شخص تھا ،جسے اپنی طاقت پر کوئی گھمنڈ رہ گیا تھا؟
آخر کار پاک فوج کو اس معرکہ بقاءمیں کودنا پڑا۔ یہ آپریشن نہیں، ری ایکشن نہیں،ایک مکمل جنگ تھی۔ ایسی جنگ جس میں دشمن کا نام تو ہے لیکن مقام نہیں ہے۔ اپنے اور بیگانے میں تفریق کا اہتمام نہیں ہے۔ پچاس لاکھ لوگوں کو ”اجتماعی زیاں“ سے بچا کر کیمپوں تک کون لایا؟ یہ فوج ہی تھی جس نے ہجرت کے عذاب کو مہمان نوازی کے ثواب میں تبدیل کیا۔ اپنے حصے کا راشن ان بے گھر اور دربدر لوگوں کو دے کر اُن کے جسم اور روح کے رشتوں کو برقرار رکھا۔ حیرت ہوتی ہے مالاکنڈ اور سوات کے لاکھوں لوگ کیمپوں میں آباد ہوئے، لیکن کوئی بڑا جرم نہیں ہوا۔ فوج نے اِن پاکستانیوں کی اس طرح حفاظت کی جس طرح ماں اپنے بچوں کو محفوظ رکھتی ہے۔ آپریشن کے علاقوں میں ”چوٹ لگاو¿ اور بھاگو“کے ماہر ”طالبان“ جان بوجھ کر شہری علاقوں سے اچانک برآمد ہوتے تھے اور سیکیورٹی فورسز پر راکٹ داغتے تھے۔ فوج کے آفیسرز شہید ہوئے، جوانوں نے قربانیاں دیں۔ لیکن اس اشتعال انگیزیوں کا جواب کبھی بھی مشتعل ہو کر نہیں دیا۔ خود زخمی ہوتے رہے، کمانڈر کے سامنے اُس کے جواں دم توڑتے رہے۔ اختیار تھا، اسلحہ تھا ….. بستی کی بستی ویران کی جاسکتی تھی۔ لیکن سلام ہے عسکری قیادت پر جس نے فوج کے ڈرائیور تک یہ احساس جاگزین کیا کہ سوات اور مالاکنڈ کے عام لوگ سب سے پکے پاکستانی ہیں، چند بھٹکے ہوئے، بھڑکائے ہوئے شر پسندوں کی غلطی کی سزا کسی دوسرے پاکستانی کو کیوں ملے؟
دنیا کی تاریخ میں کسی ایک ایسے عسکری آپریشن کی مثال دیجیے جہاں شدت پسندوں نے چہار سو اپناجال بچھا رکھا ہو اور کوئی فوج اُترے اور خوفناک دلدل سے اپنے ٹائم فریم اور پلان کے مطابق کامیابی سے باہر آجائے!
میں دنیا بھر کی افواج کو چیلنج کرتا ہوں۔ وہ اپنی اپنی عسکری کارروائیوں کا ریکارڈ سامنے لائیں اور میری بہادر فوج کے دو ماہ کے آپریشن راہِ راست سے موازنہ کرلیں ….. لاو¿ ترازو تول کے دیکھو ، کس کا پلہ بھاری ہے؟
غیروں نے افواج ِ پاکستان کی صلاحیتوں کا ادراک کیا، چیف آف آرمی سٹاف کی پیشہ ورانہ کارکردگی کا اعتراف کیا۔ کوئی اور ملک ہوتا تو ایسی فوج کے حق میں ملک گیر استقبالیہ جلوس نکالے جاتے اور بہادر فوجیوں کی ”شہادت کہانیاں“ زبانِ زدِ عام ہوتیں۔ لیکن پاکستانی سیاستدان اس ملک کے لیے دی گئی افواجِ پاکستان کی قربانیوں کو نمایاں کرنا نہیں چاہتا کیوں کہ وہ جانتا ہے کہ جو لوگ وطن کے لیے جان نچھاور کرتے ہیں، جو لوگ زلزلوں اور سیلابوںمیں ڈوبتے ہم وطنوں کو بچاتے ہیں، جو لوگ ”طالبان“ نما دہشت گردوں سے عوام کو نجات دلاتے ہیں وہی اچھی حکمرانی قائم کرنے کے بھی اہل ہوتے ہیں۔ میرے وطن کی کرپٹ سیاست اہلیّتوںکی متحمل ہو ہی نہیں سکتی!

یہ ایک زمینی حقیقت ہے مگر اسی زمینی حقیقت کا اعتراف بھارت کے سابق وزیر خارجہ جسونت سنگھ نے تاریخ کا سچ کہہ کر کیا تو بغیر کوئی نوٹس دیئے بھارتی جنتا پارٹی نے جسونت سنگھ کو پارٹی سے ایسے نکال دیا جیسے مکھن میں سے بال۔ بھارتی ہندوﺅں کی تنگ نظری کھل کر سامنے آ گئی اور دو قومی نظریہ ایک بار پھر زندہ حقیقت بن کر سامنے آ گیا ہے۔ جسونت سنگھ نے ”بانی پاکستان قائد اعظم محمد علی جناح کو عظیم لیڈر جبکہ نہرو اور پیٹل کو تقسیم ہند کا ذمہ دار قرار دیا تھا اور کہا تھا کہ جناح ہندو مسلم اتحاد کے سفیر تھے جناح ولن نہیں، نہرو کی ہٹ دھرمی نے تقسیم کے بیج بوئے، جناح وفاقی نظام چاہتے تھے، گاندھی نے تسلیم کیا مگر نہرو نہیں مانے، جناح ایسی چیز وجود میں لائے جس کا کوئی وجود نہیں تھا، گاندھی نے بھی انہیں عظیم بھارتی کہا“۔ یہ تاریخ سچ اور حقیقی تاریخ لکھنے کے جرم میں جسونت سنگھ کو بی جے پی نے ہنومان سے راون کا درجہ دیدیا۔ جسونت سنگھ کا رونا کسی نے نہیں سنا کہ کتاب پڑھے بغیر ہی انہیں فارغ کردیا گیا۔ جسونت سنگھ کا کہنا ہے کہ اس طرح کے اقدام سے سوچ و بچار کا راستہ بند ہو جائے گا لیکن جسونت سنگھ بھی کتنے سیدھے سادہ ہیں انہیں یہ اندازہ اب ہو گیا ہوگا کہ مسلم دشمنی میں متعصب ہندو کچھ سننے دیکھنے اور سمجھنے کے لئے تیار نہیں ماسوائے ایک حقیقی نعرہ جو کبھی نقاب پہن کر دل میں اور کبھی نقاب اتار کر سرعام لگایا جاتا رہا ہے اور آج بھی ورون گاندھی کی زبان سے جاری و ساری ہے ”ہندوستان میں رہنا ہے تو رام رام کہنا ہے“۔
بہرحال جسونت سنگھ کی جانب سے بانی پاکستان قائد اعظم محمد علی جناح کے مداح سرائی پر کانگریس پارٹی کے ترجمان ابھیشک سنگھوی کا کہنا ہے کہ بھارتیہ جنتا پارٹی کو ”جناح سے محبت“ اور گاندھی اور جواہر لال نہرو سے نفرت“ کی بناءپر اپنا نام ”بھارتیہ جنتا پارٹی“ کے بجائے”بھارتیہ جناح پارٹی“ رکھ لینا چاہئے۔ ادھر دوسری جانب بی جے پی کی ”ہم نوالہ وہم پیالہ“شیوسینا کے سربراہ بال ٹھاکرے العمروف بالا ماما نے بھی شیوسینا کے ترجمان رسالے ”سامنا“ کے اداریے میں بھارتیہ جنتا پارٹی کو خوب ہی لتاڑا ہے اور لکھا ہے کہ ”جناح“ کو سیکولر اور ”ہندو مسلم اتحاد کی علامت“ قرار دینے سے جنگ آزادی ہند کے لاکھوں ”شہدا“ کی ارواح کو تکلیف پہنچی ہے جس پر جسونت سنگھ سے جواب طلبی کی جانی چاہئے۔ بی جے پی سے ناراض بالا ماما کا کہنا ہے کہ بانی پاکستان جناح کو ”سکولر“ کہنا ہماری اور دیش کی آزادی کے لئے جان دینے والوں کی توہین ہے۔ بال ٹھاکرے کا یہ بھی کہنا ہے کہ بھارتیہ جنتا پارٹی کے شری لال کرشن ایڈوانی جی جب 2005ءمیں پاکستان گئے تھے تو وہاں سے بھارت کے نظریہ آزادی پر ”ابہام“ پیدا کرکے لوٹے اور اب جسونت سنگھ نے ایڈوانی کے پیدا کردہ ابہام کو مزید ہوا دی اور ایک قدم آگے بڑھ کر ”جناح“ کو سیکولر اور ”ہندو مسلم اتحاد کا حامی“ قرار دیا ہے جبکہ ساتھ ہی گاندھی اور نہرو کو تقسیم کا ذمہ دار بھی ٹھہرایا ہے۔ بالا ماما کا کہنا ہے کہ اس بات میں کوئی شک نہیں ہے کہ اس سال کے لوک سبھا کے انتخابات میں بھارتیہ جنتا پارٹی کی بدترین شکست کا سبب ان کے رہنماﺅں کی جانب سے کی جانے والی یہی حماقتیں ہیں جو آج کل ایڈوانی ا ور آج جسونت سنگھ کررہے ہیں۔ بال ٹھاکرے نے آگے چل کر لکھا ہے کہ انہیں یہ کہنے میں کوئی شک نہیں کہ آج لال کرشن ایڈوانی اور جسونت سنگھ جیسے لوگوں کے باعث عام ہندوﺅں کا کوئی نظریہ یا منزل نہیں ہے۔ وہ حیران ہیں کہ تقسیم کے ذمہ دار اگر جواہر لال نہرو اور گاندھی جیسے لوگ تھے تو ان کے رہنماﺅں کا کیا مقام ہونا چاہئے؟ بال ٹھاکرے کا یہ بھی کہنا ہے کہ ایک شخص (قائد اعظم محمد علی جناح کی جانب سے اشارہ ہے) جس نے مسلمانوں کے لئے الگ ریاست کا مطالبہ کیا وہ کس طرح ”سیکولر“ قرار دیا جاسکتا ہے؟ بال ٹھاکرے نے اپنے ترجمان جریدے ”سامنا“ کے اداریے میں لال کرشن ایڈوانی کو مخاطب کرکے لکھا ہے کہ ”ایڈوانی سے استفسار کرتا ہوں کہ اگر جناح سیکولر تھے اور تقسیم کے ذمہ دار نہ تھے تو ایڈوانی جی آپ نے سندھ کیوں چھوڑا؟ رہتے وہیں پر سیکولر جناح کے ساتھ، کیوں آ گئے ہندوستان؟“۔ ان کا مزید کہنا کہ وہ ایک عرصے سے دیکھ اور برداشت کررہے ہیں کہ بھارتیہ جنتا پارٹی کے رہنماﺅں کی زبانیں پاکستان اور بانی پاکستان کی تعریف میں رطب اللسان ہیں اور ان کے درمیان ”جناح“ کی مدح سرائی کا ایک مقابلہ سا جاری ہے جس میں بھارتیہ جنتا پارٹی کے سارے رہنماء”جناح“ پر ”گل پاشی“ کرنے میں ایک دوسرے پر سبقت لے جانے کی کوشش کررہے ہیں۔ یہاں یہ بات واضح رہے کہ بھارتیہ جنتا پارٹی کے رہنماءلال کرشن ایڈوانی نے اپنے دورہ پاکستان کے موقع پر بانی پاکستان محمد علی جناح کو سیکولر کہا تھا اور تسلیم کیا تھا کہ ان کی کوششوں کو صحیح طور پر سمجھا نہیں گیا۔ ان کے اس بیان پر بھارت میں ایک طوفان سا کھڑا ہوگیا تھا جس کے بعد اب بی جے پی کے ایک اور رہنماءجسونت سنگھ کی جانب سے بانی پاکستان کے حوالے سے کی جانے والی تحقیق اور اس پر مبنی کتاب ”جناح، انڈیا، پارٹیشن، انڈی پینڈنس“ جسے ”روپا اینڈ کمپنی“ نے شائع کیا ہے، کے منظر عام پر آنے کے بعد بھارت میں ایک طوفان کھڑا ہوچکا ہے جبکہ کانگریس، شیو سینا، آر ایس ایس سمیت بی جے پی کی مخالف جماعتوں اور خود بی جے پی کے رہنماﺅں کی جانب سے جسونت سنگھ کی جانب سے اپنی کتاب میں قائد اعظم کے حوالے سے لکھے جانے والے ریمارکس پر انہیں تنقید اور طنز کا نشانہ بنانے کے ساتھ ساتھ دھمکایا بھی جارہا ہے۔ کتاب میں جسونت سنگھ کا کہنا ہے کہ تقسیم ہند کا اصل کردار جناح نہیں بلکہ ”جواہر لال نہرو“ تھا جس کی ہٹ دھرمی کے باعث تقسیم کا سانحہ رونما ہوا۔ جسونت سنگھ کے مطابق انہوں نے اپنی کتاب میں جو کچھ بھی لکھا ہے، سچ ہے۔ ان کی کتاب میں جھوٹ اور خیالی باتیں نہیں ہیں کیونکہ اس کام اور تحقیق کے لئے انہوں نے برطانیہ سمیت دنیا بھر کی لائبریریوں کی خاک چھانی ہے اور پانچ سال تک حقائق تلاش اور بعد ازاں اپنی کتاب میں جمع کئے ہیں۔ جنوری 1938ءمیں راجستھان میں پیدا ہونے والے جسونت سنگھ کا کہنا ہے کہ بانی پاکستان محمد علی جناح حقیقت میں سیکولر اور ہندو مسلم اتحاد کے داعی تھے جبکہ ہندوستانی رہنماﺅں نے ان کو منفی رویئے کا حامل شخص بنا کر پیش کیا۔ جسونت نے اپنی کتاب میں رقم کیا ہے کہ ”جناح“ نے 1945ءتک حتی الامکان کوشش کی کہ ہندوستان کے مسئلے کو حل کرنے کی کوشش کرتے رہیں لیکن ان کی نہرو اور گاندھی جیسے لوگوں کے سامنے ایک نہ چلی، کیوں کہ نہرو اس وقت تک ”تقسیم ہند“ کا ”اسکرپٹ“لکھ چکے تھے۔ جسونت سنگھ سے جب ایک معروف بھارتی الیکٹرونک نے استفسار کیاکہ آیا وہ ”جناح “ اور ”نہرو“ کے متعلق سابقہ موقف کو بھلا دیں گے؟ تو ان کا کہنا تھا کہ تاریخ اور سچ وہی ہے جو میں نے بیان کیا، بس ہمیں تاریخ کو درست رکھنے کی ضرورت ہے۔
دوسری جانب جسونت سنگھ کی تحقیقی کتاب کے مندرجات سے وہ اور ہزاروں دیگر سیکولر بھارتی تو شاید متفق ہوں لیکن ان کی کتاب کے مندرجات اور بانی پاکستان محمد علی جناح کے بارے دیئے جانے والے ان کے ریمارکس سے ناصرف کانگریس ”چراغ پا“ ہے بلکہ دیگر جماعتوں کے ساتھ ساتھ خود بھارتیہ جنتا پارٹی کے سرکردہ اور انتہاءپسند ہندو رہنماءبھی ناراض ہیں، بھارتیہ جنتا پارٹی کی خاتون رہنماءاور سابق ترجمان اور لوک سبھا میں ڈپٹی اپوزیشن لیڈر شریمتی ”سشما سوراج“ کا بھارتی میڈیا کے ساتھ بات چیت میں کہنا تھا کہ جسونت سنگھ نے اپنی کتاب میں بانی پاکستان ”جناح“ کے متعلق جو کچھ لکھا ہے وہ ان کا اپنا موقف تو ہوسکتا ہے لیکن بھارتیہ جنتا پارٹی کا موقف ہرگز نہیں۔

Click here to View Printed Statment

ہوتے ہیں لیکن پاک بھارت دوستی کی آڑ میں دو قومی نظریے کی نفی کی سازش کے باریک کام میں سب سے زیادہ مہارت بھارتی صحافی کلدیپ نیئر کو حاصل ہے۔ حال ہی میں اس شخص کا ایک مضمون ایک انگریزی روزنامے میں شائع ہوا جس کا ترجمہ کرکے ایک اردو اخبار نے ”مشن پر مامور شخص“ کے عنوان سے بڑے اہتمام سے شائع کیا۔ جس میں کلدیپ نیئر بڑے اعتماد سے فرماتے ہیں کہ ”میرا تو مشن ہی ہر دفعہ یوم آزادی کے موقع پر اور پھر سال بھر بطور مشن پاکستانی اور بھارتی عوام کو ان کی مشترکہ ثقافت، زبان اور دوستی کا توجہ دلاﺅ یاددہانی کرانا ہے۔ حالانکہ ہمارے بزرگ ابھی زندہ ہیں جو کل تک متحدہ ہندوستان میں مسلم پانی اور ہندو پانی کی تفریق کا ذکر کرتے رہے ہیں اور آج بھی بھارت میں مسلمانوں کی حالت زار برہمن سماجی تضاد کے نتیجے میں سب سے نچلے درجے والے شودروں سے بدتر ہے۔
یہاں تک پاک بھارت مشترکہ ثقافت کا تعلق ہے تو میرے ایک دوست سینئر صحافی راجہ جاوید علی بھٹی نے مشترکہ ثقافت کے ڈھول کا پول اپنے ہندی دوستوں کو گائے کے کباب کی دعوت دی جس کے ساتھ ہی مشترکہ ثقافت کے غبارے سے ہوا نکل گئی۔ گزشتہ دنوں بیداری فکر فورم میں رانا عبدالباقی نے ”نہرو کا تصور وحدت ہندوستان اور بانی پاکستان“ عنوان سے اپنے تحقیقی مقالے سے بڑے مدلل انداز میں تاریخی تناظر میں بھارت کے متعصب ہندوﺅں کی مسلمانوں سے ثقافتی ٹکراﺅ اور تہذیبی تصادم کی کئی مثالیں پیش کیں۔ بھارت کی طرف سے پاکستان کے دو ٹکڑے کرکے مشرقی پاکستان میں پاکستان کو فوجی جارحیت کے ذریعے بنگلہ دیش میں تبدیل کرنے کے بعد بھارتی وزیر اعظم اندرا گاندھی کی نئی دہلی کے گراﺅنڈ میں بھارتی جنتا سے خطاب کے موقع پر یہ الفاظ بھارتی قیادت کی مسلم دشمنی کا پول اچھی کھول دیتی ہے بقول اندرا گاندھی کے ”آج ہندوستان کی ایک ناری نے مسلمانوں سے ہزار سال کی عزیمتوں کا بدلہ لے لیا ہے اور دو قومی نظریہ بحیرہ بنگال میں غرق کردیا ہے“۔ راہول گاندھی نے 2007ءکے ریاستی انتخابات میں اپنی انتخابی تقریر میں بڑے گھمنڈ سے کہا تھا کہ ”نہرو خاندان کو پاکستان توڑنے کا اعزاز حاصل ہے“ جبکہ 2008ءکے انتخابات میں گاندھی کے پوتے ورون گاندھی نے انتخابی تقریر میں اپنے خبث باطن کا کھول کا اظہار کرتے ہوئے کہا کہ ”ہندوستان صرف ہندوﺅں کا ہے میں اس ہاتھ سے مسلمانوں کے سر قلم کردوں گا اور ان کو پاکستان ہجرت پر مجبور کردوں گا“۔ سچ تو یہ ہے کہ ہندو سامراج یہ سمجھتا ہے کہ ہندوستان صرف ہندوﺅں کا ہے۔ یہی وجہ ہے کہ قیام پاکستان سے پہلے بھی اور آج بھی بااثر ہندو جماعتوں اور فوجی جرنیلوں تک کا اصل مدعا ایک ہی ہے جو کہ نعرے کی صورت میں ہندوستان کی سرزمین پر گونجتا رہتا ہے ”ہندوستان میں رہنا ہے تو رام رام کہنا ہے“۔ متعصب برہمن ہندو سمجھتا ہے کہ ہندوستان صرف ان ہندوﺅں کا ہے جن کے مقدس مقامات اور عبادتگاہیں ہندوستان میں ہیں جبکہ مسلمانوں اور مسیحوں کے مقدس مقامات ہندوستان سے باہر ہیں اس لئے یہ خارجی لوگ ہیں۔ ان کے بارے میں ان کی سوچ یہ ہے کہ ”اگر کوئی چور آپ کے گھر میں گھس آئے آپ اسے نکال نہ سکتے ہوں تو اسے زندہ جلا دیں“۔ یہی وجہ ہے کہ گجرات میں مسلمانوں کے سینکڑوں گھروں کو نذر آتش کرکے مکینوں کو زندہ جلا دیا گیا۔ حتیٰ کہ مالیگاﺅ ں میں مسلمانوں کے واحد گھر میں بچوں عورتوں سمیت جلا دیا گیا جن کا سربراہ سرحد پر بھارت کی حفاظت کررہا تھا۔ یہ چند واقعات پاک بھارت مشترکہ ثقافت کے دعویداروں کی زمینی حقائق کی روشنی میں نفی کے لئے کافی ہیں۔
پاکستان اور بھارت کے معاندانہ تعلقات کی جڑیں قدیم ہندو مسلم آویزش میں پیوست ہیں۔ اسلام نے برصغیر میں ہندو مذہب کی اجارہ داری کو قبول کرنے سے انکار کیا اور اس میں ضم نہ ہوا۔ اس نے نہ صرف اپنا منفرد معاشرتی، معاشی اور سیاسی ڈھانچہ برقرار رکھا بلکہ تبدیلی مذہب سے لوگ دائرہ اسلام میں تیزی سے داخل ہونے لگے۔ پھر اسلامی اقتدار کے قیام سے ہندو مذہب کا احساس تفاخر مجروح ہوا جس سے جنوبی ایشیاءمیں اسلام اور مسلمانوں کے متعلق ہندوﺅں کا رویہ تشکیل پذیر ہوا۔ مسلمان بھی ہندو مت کو اپنا بڑا حریف خیال کرتے رہے۔ جنوبی ایشیاءمیں برطانوی حکومت کے قیام کے بعد ہندو مسلم معاندت میں تیزی آئی کیونکہ ملازمتوں ، عہدوں اور دیگر مادی فوائد و اختیارات تک رسائی کے لئے مسلمانوں اور ہندوﺅں میں مسابقت شروع ہوگئی۔ ہندو مسلم تاریخی عداوت میں اس وقت مزید شدت پیدا ہوگئی جب آزادی سے قبل کانگریس اور مسلم لیگ نے قومیت کے دو بالکل متضاد تصورات (ایک قوم بمقابلہ دو قومی نظریہ) پیش کئے۔ مسلم لیگ کے نزدیک جنوبی ایشیا کے مسلمانوں کے لئے علیحدہ مملکت کا مطالبہ ان کے منفرد مذہبی، ثقافتی اور سیاسی شناخت کا تقاضا تھا۔