رجحان کا سبب فاسٹ فوڈ کو قرار دیا گیا ہے۔دوسری وجہ موروثیت اور تیسری وجہ کزن میرج بتائی جاتی ہے۔زمینی حقائق یہ ہیں کہ ہم فاسٹ فوڈ سے تو خود کو بچا سکتے ہیں لیکن جہاں تک موروثی طور پر پھیلنے والی بیماریوں کا تعلق ہے تو اس معاملے میں پیدا ہونیوالا بچے بے بس ہیں۔یہی معاملہ ہمارے ہاں کزن میرج کا ہے۔اگرچہ چند عوامی حلقوں تک اس سلسلے میں آگاہی پہنچی ہے لیکن سماجی دباو¿ اور رشتوں کی تلاش میں مشکلات اور خدشات کزن میرج سے اجتناب میں آڑے آجاتے ہیں۔آپ کہہ سکتے ہیں کہ شوگر کے پھیلاو¿ کے اسباب ختم ہونے والے نہیں۔لہذا ہمیں اس کی روک تھام کے دیگر ذرائع استعمال کرنے پڑھیں گے۔ایک تو میری نوجوان نسل سے دست بستہ گزارش ہے کہ خدارا فاسٹ فوڈ سے بچنے کی کوشش کریں۔برگر،پیزا سے پرہیز کریں۔برینڈ

شاپ کی رونقیں جوں جوں بڑھیں گی آپکی صحت ایسے ہی متاثر ہوتی جائے گی۔صرف شوگر نہیں بلکہ معدہ،بلڈ پریشر اور دماغی تناو¿ جیسی بیماریاں بھی اسی فاسٹ فوڈ کے بکثرت استعمال سے جنم لیتی ہیں۔دوسری التماس یہ کہ ہماری بیٹیاں اور بیٹے یہ نہ سمجھیں کہ شوگر صرف بڑھاپے کی بیماری ہے بلکہ ہوسکتا ہے کہ آپ میں موروثی طور پر یہ بیماری منتقل ہوئی ہو۔اس لئے جب بھی موقع ملے اپنا میڈیکل چیک اپ ضرور کروائیں۔شوگر اور بلد پریشر چیک کرنے کے آلات ہر گھر میں ہونے چاہیں۔ماں باپ کو اس جانب ضرور توجہ کرنی چاہیے۔اگر کسی طریقے سے آپکو پتا چل جائے کہ آپ کے اندر شوگر کا رجحان ہے تو پھر اس کے سدباب میں دیر مت کریں ۔کسی ماہر ڈاکٹر سے فوری رابطہ کریں ۔بہت امکان ہے کہ اچھے ڈاکٹر کے دئے ہوئے ڈائٹ پلان اور واک اور ورزش سے آغاز ہی میں بیماری پر قابو پالیا جائے۔شوگر کی ایلوپیتھک دوائیوں سے بچنے کی حتی المقدور کوشش کریں۔ ادویہ ساز کمپنیوں نے ہر دوائی کے سائڈ ایفیکٹس دئے ہوتے ہیں۔اس کا مطلب یہ ہے ایلوپیتھک ادویات کے مسلسل استعمال سے آپکی صحت پر منفی اثرات مرتب ہوتے ہیں اور ایک بیماری کے خاتمے کے دوران کئی دیگر پیچیدگیاں پیدا ہو جاتی ہیں۔اور یہ سلسلہ یوں ہی چلتا ہے حتی کہ انسانی جسم کی قوت مدافعت ختم ہو جاتی ہے۔میں قائد اعظم یونیورسٹی سے فارغ التحصیل ہو کر جاب کررہا تھا کہ میری والدہ بیمار ہوگئیں۔ان کی تیمار داری کی ذمہ داری سنبھال لی۔مجھے کئی برس علاج کے سلسلے میں دن رات دھوپ دوڑ کرنا پڑی۔بڑے بڑے معالجین سے والدہ کو چیک کروانا،دوائیوں کے بارے تحقیق کرنا اور متبادل دوائیوں کا کھوج لگانا میرا شوق بن گیا۔والدہ تو دنیا سے رخصت ہوگئیں لیکن متبادل ادویہ کے حوالے سے میری دلچسپی بڑھتی ہی چلی گئی۔والدہ کے علاج کے دوران کئی بار ایسا ہوا کہ جب بھی کسی ہومیوپیتھک دوائی کو آزمایا تو ریلیف بھی ملا اور کوئی پیچیدگی بھی پیدا نہیں ہوئی۔لیکن جب بھی سینئر ڈاکٹر کو بتایا تو اس نے دل شکنی کی کہ یہ ہومیوپیتھک طریقہ علاج نہیں صرف نفسیاتی دھوکا ہے۔ڈاکٹروں کے رویہ نے مجھے ہومیوپیتھک طریقہ علاج کی طرف بھی متوجہ کیا۔چند سالوں میں میں نے نہ صرف ہومیو پیتھی کا امتحان پاس کیا بلکہ طب یونانی،چینی طریقہ علاج،علاج بذریعہ غذا و پانی ±، روزہ سے اور نمکیات سے علاج، پر بھی ڈھیر ساری تحقیق کر ڈالی۔متبادل ادویہ میں ڈاکٹر کی ڈگری حاصل کرنے کے بعد میں نے مریض دیکھنے اور انہیں مشورہ دینے کا آغاز کردیا۔جب مریض صحت مند ہونا شروع ہو گئے تو میرا اعتماد بڑھا۔گزشتہ بیس برس سے میں باقاعدگی کیساتھ ہر اتوار کیمپ کرتا ہوں اب تک ہزاروں مریض ان کیمپوں میں آکر ہومیو پیتھک ادویات سے صحت مند ہوچکے ہیں اور کار خیر کا یہ سلسلہ بڑھتا ہی جارہا ہے۔ساری تفصیلات بتانے کا مقصد یہ ہے کہ شوگر کے مریض کسی اچھے ہومیوپیتھک ڈاکٹر سے بھی رابطہ ضرور کریں۔ انسولین پر جانے سے پہلے اگر آپکو ہومیوپیتھک دوائی مل گئی تو یقین جانے آپکی صحت بھی سدھر جائے گی،آپکا میڈیکل بجٹ بھی کنٹرول رہیگا اور مزید بیماریوں سے بھی آپ بچے رہیں گے۔شہریوں کو اگر بہت معمولی خرچے کیساتھ اپنی صحت کو بحال رکھنا ہے تو خدا را ہومیوپیتھک طریقہ علاج کی طرف آئیں۔اتائی ڈاکٹروں سے بچیں لیکن پڑھے لکھے ڈاکٹروں کی اب کمی نہیں رہی۔اب ہچکچانے کی ضرورت نہیں۔پاکستان میں اب جرمنی اور دیگر ممالک کی ہومیوپیتھک ادویات میسر ہیں۔ میرے نزدیک صحت مند پاکستان کی منزل میں ہومیوپیتھک طریقہ علاج کا فروغ بہت لازمی ہے۔میں نے اس کے فروغ کو زندگی کا مشن بنایا ہوا ہے۔میری ان کوششوں کو اب ڈاکٹروں کے بڑے حلقے میں بھی پذیرائی مل رہی ہے۔حال ہی میں کمال لیبارٹریز نے مجھے ہومیوپیتھی کے فروغ کے حوالے سے ایوارڈ سے نوازا۔پاکستانیوں کی صحت کیلئے فکر مند افراد میرے اس مشن میں میرا ساتھ دیں اور سستے،بے ضرر اور زود اثر طریقہ علاج کے فروغ میں اپنے طور پر تحقیق کریں،تبلیغ کریں،نسلوں کو شوگر جیسی خاموش قاتل سے بچائیں!

خیبر پختونخوا کے بلدیاتی انتخابات میں عوام نے دراصل تبدیلی سے بیزاری کا اظہار کردیا ہے۔پنجاب میں اخباری اشتہارات کے ذریعے نئے منصوبوں کا پروپیگنڈا زوروں پر ہے لیکن زمینی حقائق اشتہاری مہمات کے برعکس دکھائی دیتے ہیں۔صحت کارڈ لوگوں کیلئے کسی بھی کشش سے خالی ہیں،مجبورا ہر شناختی کارڈ ہولڈر کو صحت کارڈ کا حقدار قرار دے دیا گیا ہے۔بلکہ یہاں تک کہا گیا ہے کہ صحت کارڈ بنوانے کی بھی ضرورت نہیں،جائیں شناختی کارڈ دکھائیں اور 10لاکھ روپے تک مفت علاج کروائیں۔پھر بھی لوگ حکمران جماعت کو ووٹ دینے کیلئے راضی نہیں ہیں۔ہزارہ کے اندر وفاقی وزیر دفاع کی اپنی پارٹی کے لوگوں سے ہی منہ ماری ہو گئی۔پنجاب تو پہلے ہی تحریک انصاف کو “عاق”کر چکا ہے۔مولانا فضل الرحمان کی واپسی گویا سیاست کے “ٹارزن” کی واپسی ہے۔حکومت کتنی بے بس ہے اس کا اندازہ اس بیان سے لگائیں کہ “مولانا فضل الرحمان کی پارٹی کا جیتنا،پاکستان کی بد قسمتی ہے”
عمران خان کے بقول انہوں نے بائیس برس جدوجہد کی تب انہیں اقتدار ملا ہے۔اپوزیشن کے بقول وہ الیکڈڈ نہیں سیلیکڈڈ ہیں۔اقتدار میں آنے کے راستے مختلف ہو سکتے ہیں لیکن اقتدار میں آنے کے ساتھ ہی کوئی رہنما غیر مقبولیت کی ڈھلوان پر لڑھکنا شروع کردے یہ حادثہ صرف تحریک انصاف کے ساتھ پیش آرہا ہے۔عمران خان ماہر مہم جو ہیں،نوجوانوں کے اندر مقبول رہے ہیں،اوورسیز پاکستانیوں نے دل کھول کر چندے دئے،خان صاحب عدلیہ اور آرمی کے پسندیدہ وزیراعظم کہے جاتے ہیں۔پھر کیا وجہ ہے کہ وہ ملکی امور کو سمجھنے سے قاصر رہے ہیں۔عوامی نبض کو جانچ نہیں پائے۔ان کی ریٹنگ ہر روز ریت کی طرح سرکتی جارہی ہے۔
2018ءکے انتخابات ہونے والے تھے،تحریک انصاف کا جنون عروج پر تھا۔خان صاحب کیساتھ جڑواں شہروں کے سینئر کالم نگاروں کی نشست کا اہتمام کیا گیا۔مجھے بھی خصوصی طور پر بلایا گیا۔بات چیت ختم ہوئی تو میں نے خان صاحب سے کہا،
آپ کے خیالات بہت اعلی ہیں لیکن لوگوں کو شکوہ ہے کہ آپ بہت متکبر ہیں۔کیا آپ واقعی ایسے ہیں؟
خان صاحب زیر لب مسکرائے،
پھر سنجیدہ لہجے میں وضاحت کی جس کا لب لباب یہ تھا کہ لوگ جھوٹ بولتے ہیں۔خان صاحب وزیراعظم بن گئے۔میں نے ان کی تقریریں سننا شروع کردیں۔وقت کیساتھ ساتھ ان کی تقریریں “میں میں”کے تکرار سے بوجھل ہونے لگیں۔پھر انہوں نے عقل کل ہونے کا اظہار شروع کردیا۔تاریخ،مذہب،اکنامکس،خارجی امور غرض زندگی کے ہر شعبے پر بطور وزیراعظم پاکستان ان کی فیصلہ کن رائے آنا شروع ہوگئی۔خوشامدیوں نے آسمان سر پر اٹھا لیا۔”خان صاحب کا ویثرن”ایمان کا حصہ بنتا گیا۔وزیر تعلیم جوکہ تعلیمی اور شعوری ،ہر لحاظ سے عمران خان ہر سبقت رکھتا ہے وہ بھی خان صاحب کے ویثرن کا مداح بن گیا۔خاں صاحب جو جوانی سے ہی نرگسیت کا شکار تھے وہ کاسہ لیسوں اور مالشیوں کے ہجوم میں آسودگی محسوس کرنے لگے۔سب اچھا کی رپورٹ دینے والے قریب اور اختلاف کرنے والے دور ہوتے گئے۔
ساڑھے تین سال ہوگئے۔خان صاحب نے اپنے اندر کے کبر اور غرور کو خوب کھلایا پلایا ہے۔وہ مان ہی نہیں سکتے کہ ملک اور اپنی پارٹی کو تباہ کرنے میں ان کی کوئی غلطی نہیں۔وہ اپنے کہے ہوئے ہر لفظ کو “فرمان” کے طور پر تسلیم کرنے کے خواہش مند ہیں۔ سچ یہ ہے کہ تبدیلی کو تکبر نے کھا لیا ہے۔تکبر کی انتہا دیکھئے کہ وہ خود کو برانڈ قرار دے رہے ہیں۔ان کے وزیر کہہ رہے ہیں کہ دنیا پاکستان کو عمران خان کے پاکستان کے طور پر جانتی ہے۔حالانکہ عمران خان ہوں یا کوئی اور سیاستدان،سب کی پہچان پاکستان ہے۔لیکن تکبر انسان کو ہر حقیقت سے ماوراء کردیثا ہے۔خان صاحب بھی حقیقت حال سے دور ہوتے جارہے ہیں۔بدنامی کی ڈھلوان ہے اور وہ پاتال کیطرف لڑھکتے جارہے ہیں۔انجام الامان،الحفیظ !

،شیطان ہی کی کارستانی قرار پائے گی۔ہوس ،لالچ،ظلم ،استبداد ،بدعنوانی ، بدامنی،بد عہدی ،دھوکہ دہی ،نوسر بازی ،بزدلی ،منافقت،ہیجان انگیزی ،خیانت، جھوٹ ، فراڈ ،بے ادبی ،فریب کاری ،بعض وعناد،انا پرستی ،چوری ،ڈاکہ زنی ،قتل وغارت اور وحشت وبربریت یہ تمام وہ بیماریاں ہیں جنہیں شیطان نے ایجاد کیا ہے اور وہ کمال ہوشیاری کیساتھ انسانی دل ودماغ میں ان کی پیوندکاری کرتا ہے اور انسان کو شرکے راستے پر ڈال دیتا ہے ۔تشکک اور بے یقینی ،مایوسی اور غفلت جیسے ہتھیاروں سے مسلح ہوکر شیطان جب حملہ آور ہوتا ہے تو بڑے بڑے پختہ عزم انسان ریت کا ڈھیر ہوجاتے ہیں ۔شیطان کا تصور ہر مذہب اور عقیدے کے پیروکاروں میں اپنے اپنے ناموں اور حوالوں سے موجود ہے ۔قرآن نے اس تصور کو بڑے بلیغ پیرائے میں بیان فرمایا ہے ۔

”شیطان نے کہا میں بھی اب تیری سیدھی راہ پر (چلنے والے )انسانوں کی گھات میں لگارہوں گا۔آگے اور پیچھے دائیں اور بائیں ہر طرف سے انہیں گھیروں گا اور توان میں سے اکثر کو شکر گزار نہ پائے گا۔“(سورة اعراف)

حدیث نبوی ہے :۔

”شیطانی وسوسے تمہارے وجود میں خون کی طرح گردش کرتے ہیں “

فطرت نے انسان کو شیطان کے مقابلے میں تنہاءنہیں چھوڑا ۔یہ ہرگز نہیں کہ انسان شیطان کے مقابلے میں بے بس پیدا کیا گیا ہے ۔خالق نے انسان کو پیدا کرتے وقت پانچ چھ فٹ قد کے اس جسم کے اندر ہی وہ آلہ لگادیا ہے جو انسان کو قدم قدم پر آگاہ کرتا ہے کہ تم اب شیطانی قوت کے زیر اثر آرہے ہو۔جس طرح گاڑی اوورسپیڈ ہونے پر سرخ رنگ کی بتی اور آلارم بجنا شروع ہوجاتے ہیں اسی طرح انسان کے اندر ضمیر نام کا ایک آلارم بجنا شروع ہوجاتا ہے ۔غافل سے غافل انسان بھی یہ نہیں کہہ سکتا کہ اسے اچھائی اور برائی میں تمیز نہیں ہے ۔وہ جنگل میں رہتا ہو ۔یا بازاروں کے شورشرابے میں زندگی بسر کرتا ہو،حرف شناس ہویا ان پڑھ ۔رنگ ،نسل ،زبان اور عقیدے کی تفریق کے بغیر جوروح بھی لباس فطرت میں ڈھلی ہے اسے ضمیر کا آلہ لگاکر بھیجا گیا ہے ۔

ارشاد ہوتا ہے ۔

اور گواہ ہے وہ نفس انسانی (ضمیر) اور اسکی ذات جسے ہم نے ہموار کیا۔پھر اس کی بدی اور پرہیز گاری اس پر الہام کردی۔یقینا فلاح پاگیا جس نے نفس کا تزکیہ کیا اور نامراد ہوا وہ جس نے اسے دبادیا۔(سورة شمس)

قرآن نے احسن تقویم کا ٹائٹل ہی انسان کو اسی لئے عطا کیا ہے کہ وہ واحد جاندار ہے جو اچھائی اور برائی میں تمیز کرسکتا ہے ۔ جس طرح شیطان منفی ہتھکنڈوں سے مسلح ہے اسی طرح انسان اپنے ضمیر کی زبردست طاقت سے مز ّین ہے ۔یہی وجہ ہے کہ ابتدائے آفرینش سے لیکر آج تک شر اور خیر باہم نبردآزما رہتے ہیں ۔ایسا کبھی ،کسی دور میں نہیں ہوا کہ شر غالب آجائے اور خیر کی قوت مفتوح ہوجائے ۔ایسا ہوتا تو انسانیت کا قافلہ بیچ راہ کے فنا ہوچکا ہوتا ۔آج ساڑھے چھ ارب انسانوں کا وجود اس بات کا ثبوت ہے کہ خیر کی طاقتیں مفقودنہیں بلکہ موجود ہیں ۔

بقول اقبالؒ:۔

ستیزہ کار رہا ہے ازل سے تا امروز

چراغ مُصطفوی سے شرارِ بوالہبی

سوئے ہوئے ضمیر کو الہامی کتب ہی جگاسکتی ہیں

آپ اپنے گھر سے سکیورٹی آلارم کو ہٹا دیجئے یا اس کی تاریں کھینچ دیں تو پھر واردات کرنے والوں کو کوئی خطرہ نہیں رہتا ۔نہ آلارم بجے گا نہ آپ جاگیں گے ۔نہ اپنے مال واسباب کا تحفظ کرسکیں گے ۔نفسیاتی ماہرین کا کہنا ہے کہ انسان کو اگر مسلسل ایک ماہ تک کسی واقعہ پر ضمیر نہ جھنجھوڑے تو سمجھئے کہ انسان کا ضمیر سورہا ہے ۔یعنی الارم کا کنکشن کٹ گیا ہے ۔حقیقت یہ ہے کہ ضمیر کبھی نہیں سوتا ۔دراصل انسان اپنے کان بند کرلیتا ہے ۔طیش اور عیش انسانی دل ودماغ کی دوایسی حالتیں ہیں جن میں مبتلا ہوکر انسان اپنے جاگے ہوئے ضمیر کو بار بار سلانے کی پریکٹس کرتا ہے ۔شیطان کی جیت کا یہ عجب منظر ہوتا ہے ۔یہ وہ حالت ہوتی ہے کہ انسان خود اپنے آپ کو ماررہا ہوتا ہے ۔وہ اس قدر شقی القلب ہوجاتا ہے کہ اپنی زندگی کے سب سے بڑے محافظ یعنی ضمیر کو اپنے ہاتھوں سے بے بس کردیتا ہے ۔ایسی حالت سے نکلنے کیلئے ہی عقیدے اور ایمان کی ضرورت پڑتی ہے ۔خالق کائنات نے مردہ ضمیر انسانوں کو جگانے اور واپس فطرت کی طرف لوٹانے کیلئے اپنے پسندیدہ انسانوں یعنی پیغمبروں کے ذریعے زندگی کی گائیڈ بکس اتاری ہیں ۔!

ارشادرباّنی ہے :۔

”اے نبی ﷺ ہم نے تم کو شہادت دینے والا ،بشارت دینے والا اور خبردار کردینے والا بناکر بھیجا ہے تاکہ اے لوگو تم اللہ اور اس کے رسول پر ایمان لاﺅ،اس کے رسول کا ساتھ دو اس کی تعظیم وتوقیر کرو اور صبح شام اللہ کی تسبیح کرو۔“(سورة فتح)

مذہب ،دین اور ایمان یہ کوئی ایسی غیر ضروری یا نمائشی اشیاءنہیں ہیں جنہیں انسانی زندگی کو محض زیبا بنانے کیلئے اتارا گیا ہو ۔زندگی کی گاڑی کو کامیابی کی پٹڑی سے نہ اترنے دینا اور متعین وقت میں منزل تک پہنچا دینے کیلئے ضمیر کافی ہے لیکن چونکہ انسان اس آلارم کو جان بوجھ کر سلادیتا ہے اس لئے اسے واپس پٹڑی پر لانے کیلئے الہامی ہدایات کی ضرورت ہوتی ہے ۔جس طرح کار بنانے والے کو علم ہے کہ کار کا مینوئل کیا ہوگا ۔اسی طرح انسان کے خالق کو علم ہے کہ انسان کی کامیابی کیلئے کون کون سی حدود وقیود اور کس طرح کی احتیاطی تدابیر کی ضرورت ہوگی ۔خالق کائنات نے بڑی محنت ،انتہائی محبت اور بے پناہ چاہت کیساتھ وحی کے ذریعے ہر امت ہر گروہ کیلئے ہدایات نازل فرمادی ہیں ۔

ارشاد رباّنی ہے ۔

”یہ بڑی بابرکت کتاب ہے جو تمہاری طرف نازل کی گئی ہے تاکہ یہ لوگ اس کی آیات پر غور کریں اور عقل وفکر رکھنے والے اس سے سبق حاصل کریں۔“(سورة ص)

انسانیت کا اہم مسئلہ

انسانیت کے سارے مسائل کی جڑ الہامی تعلیمات سے دوری ہے ۔الہامی تعلیمات سے گریز نے ہی آج کے انسان کو شیطانی قوتوں کے آگے بے بس بناکر رکھ دیا ہے ۔ سائنس اور سائنسی طرز فکر کا سب سے بڑا نقصان یہ ہے کہ اس نے انسانی ذہنوں کو شک میں مبتلا کردیا ہے ۔جب تک کسی معاملے میں انسان خود تجربات کرکے کسی نتیجے تک نہ پہنے وہ معاملے کی صداقت اور حقانیت کو تسلیم کرنے پر آمادہ ہی نہیں ہوتا ۔انسانی ذہنوں نے وحی اور الہام کو بھی سائنس کی کسوٹی پر پرکھنے کی کوشش کی ہے انسانی ذہن محسوسات تک محدود بنایا گیا ہے ۔اس لئے وہ اللہ ،رسولﷺ اور کتاب اللہ ،جیسے الہامی حقائق کو مشکوک نگاہوں سے دیکھتا ہے ۔جب کہ الہامی ہدایات کا تقاضا یہی ہے کہ ان کی حقانیت میںرتی برابر شک نہ کیا جائے ۔خواہشات اور تعصبات میں پڑے بغیر اس کے ذریعے تعقل ،تفکر اور تذکر کیا جائے ۔اس برترکلام ہی نہیں اپنی زندگیوں میں حکم کا درجہ دیا جائے ۔اس سے ہدایت پاکر اس پر عمل کرنے کا ارادہ اور اس کے تقاضے جب سمجھ میں آجائیں تو چند لمحات ضائع کیے بغیر اس کے سامنے سرنگوں کردیا جائے۔

گو کہ اب مابعد طبیعات کے علم پر بھی بہت کام ہورہا ہے اور امید رکھنی چاہیے کہ انسانیت اپنی اجتماعی فطرتی بصیرت کے ذریعے اپنے خالق حقیقی کو جلد پہچان لے گی اور الہامی کتابوں اور ان کے ذریعے پہنچنے والی کائناتی سچائیوں پر بحیثیت مجموعی ایمان لے آئے گی لیکن قافلہ انسانی ہنوز شبہات کے اندھیروں میں غلطاں وپیچاںہے ۔بظاہر انسان نے ستاروں پر کمندیں ڈال لی ہیں ،سورچ کی روشنی کو گرفتار کرلیا ہے ،کائنات کے ظواہر کو ایک ”مٹھی “میں سمو دیا ہے ،کمپیوٹر سے آگے نینو ٹیکنالوجی کی طرف بڑھ رہا ہے ۔لیکن اس سب علم ودانش ،تحقیق اور تخلیق کے باوجود لائف مینوئل (الہامی ہدایات)کی سچائی پر ڈگمگاتا ایمان اسے تسخیر کائنات کیلئے یکسوئی مہیا نہیں کررہا ہے ۔اور احسن تقوم کا جو اعزاز فاطر ارض وسما نے عطاءفرمایا ہے انسان ابھی اس اعزاز سے پوری طرح لطف اندوز نہیں ہوپارہا ۔قافلہ انسانیت کا سب سے بڑا مسئلہ یہ ہے کہ شک وشہبات نے اجتماعی ضمیر مردہ کردیا ہے اور الہامی تعلیمات سے دوری کی وجہ سے اس کے ضمیر کو جگانے والے تمام ذرائع بے اثر ہورہے ہیں ۔آج کی ہر ترقی ایک نئی الجھن کی نشاندہی کرتی ہے ۔ہر ایجاد کسی نئی تباہی کا پیش خیمہ بن رہی ہے ۔!محبان انسانیت کو آگے بڑھ کر رہنمائی کرنی چاہیے اور الہامی قوائد وضوابط کی تشہیر کرکے تیز رفتار گاڑی کو نیکی اور راست روی کی پٹڑی سے سرکنے نہیں دینا چاہیے ۔ورنہ طیش اور عیش ،یاسیت اور جہالت کی شیطانی قوتیں اس خوبصورت زمین کو جہنم بنادیں گی۔!

(بقول علامہ اقبال)

ڈھونڈنے والا ستاروں کی گزرگاہوں کا

اپنے افکار کی دنیا میں سفر کرنہ سکا

جس نے سورج کی شعاعوں کو گرفتار کیا

زندگی کی شب تاریک سحر کرنہ سکا

پاکستان میں خیر کی قوتیں مغلوب کیوں؟

کسی بھی معاشرے اور تہذیب میں جب تک خیر کی قوتیں غالب رہتی ہیں معاشرے تباہ نہیں ہوتے ۔بداطمینانی نہیں پھیلتی اور انتشار گلی کوچوں میں ننگا نہیں ناچتا ۔ملک ،سلطنت اقتدار اور اختیار یہ وہ انعامات ہیں جو فطرت خوش ہوکر کسی قوم ،گروہ یا فرد کیلئے ممکن بنادیتی ہے ۔لیکن جہاں یہ انعامات ہیں وہیں آزمائش بھی ہوتی ہے ۔پاکستان ،ایک نیا ملک ،ایک انعام تھا لیکن ہم نے اپنے زندہ ضمیروں کو ہوس اور لالچ کے ہتھوڑے مارمارکر ادھموا کردیا اور آج یہی انعام ہمارے لئے بہت بڑی آزمائش بن چکا ہے ۔جب گھر کے باسیوں کو اپنے گھر کے درودیوار سے خوف آنے لگے تو اس سے بڑی آزمائش کیا ہوگی ۔دانشور اور غم خوار حلقے ہمیں کسی بڑے قومی حادثے سے بچانے کیلئے نت نئے فارمولے اور حل پیش کرتے ہیں ۔کوئی گڈ گورنس کی بات کرتا ہے ۔کسی کو صدارتی طرز حکومت میں مسائل حل ہوتے دکھائی دیتے ہیں ،کئی مغربی جمہوریت ہی کو کامل حل ثابت کرتے ہیں ۔کسی کا خیال ہے کہ سخت ترین قانون ہمیں شیطانی بیماریوں سے نجات دلاسکتا ہے ۔کسی کو تمام مسائل کی جڑ فوجی اقتدار دکھائی دے رہا ہے ۔کوئی اسلامی انقلاب کا جھنڈا لہرانے میں نجات کی امید لگائے بیٹھا ہے ۔غرض جتنے ذہن ہیں اتنے ہی فارمولے گردش کررہے ہیں ۔پاکستان اس وقت عملی طورپر تیسری دنیا کا چوتھے نمبر کا ملک ہے جس میں ہر تخریبی قوت ،ہر منفی جذبہ اور ہر شیطانی حربہ پوری طاقت اور قوت کیساتھ پھل پھول رہا ہے ۔شرکے مقابلے میں خیر دبکا بیٹھا ،منتظر فردا ہے ۔!

وہ کونسا جذبہ ہے جو ہمیں جھوٹ بولنے سے روکے گا ۔جو ہمیں ذخیرہ اندوزی سے بازرکھ سکتا ہے ۔ہم کیوں ہوس پرستی چھوڑیں ۔کس کی خاطر بدعنوانی دھوکہ دہی ،بُغض وعناد سے باز رہیں ؟منافقت ترک کریں ؟ایک دوسرے کو روند ڈالنے کی روش ترک کرنے سے کیا حاصل ہوگا ؟۔ضمیر کو جگاڈالنے کا فائدہ کیا ہے ؟نت نئی فریب کاریاں کس کی خاطر چھوڑ دی جائیں ؟۔یہی وہ سوالات ہیں جو ہمیں بحیثیت قوم تذبذب میں مبتلا رکھتے ہیں اور ہم اپنی اس جنت نظیر سرزمین کو شیطانی جذبوں کے سبب جہنم زار بنارہے ہیں ۔کوئی قانون ۔کوئی ضابطہ ،کوئی اتھارٹی ،کوئی خوف اور کوئی شوق ہمیں اس وقت تک راہ راست پر نہیں لاسکتا جب تک ہم بحیثیت قوم اللہ تعالیٰ کی طرف سے زندگی کے آغاز اور انجام کے بارے میں ارشاد فرمائے گئے احکامات پر کامل یقین پیدا نہیں کرتے ۔

ارشاد ہوتا ہے ۔

”اہل کتاب اورمشرکین میں سے جن لوگوں نے کفر کیا وہ یقینا جہنم کی آگ میں جائیں گے اور ہمیشہ وہاں رہیں گے ۔یہ لوگ بدترین خلائق ہیں ۔اور یقینا جو لوگ ایمان لائے اور نیک عمل کیے وہ بہترین خلائق ہیں ۔ان کی جزاءان کے رب کے ہاں دائمی قیام کی جنتیں ہیں جہاں وہ ہمیشہ ہمیش رہیں گے ۔اللہ ان سے راضی اور وہ اپنے رب سے راضی ہوئے ۔یہ سب اس کیلئے ہے جس نے اپنے رب کا خوف کیا ہو۔(البینہ )

جب مجھے یقین ہوگا کہ مجھے دنیا میں کئے گئے ہر عمل کا روز محشر حساب دینا ہے تو میں کسی سماجی قانون ،کسی داروغے کے نہ ہوتے ہوئے بھی خیر پر کار بند رہوں گا ۔جب مجھے یقین ہوگا کہ شیطانی قوتوں کے تابع کئے گئے افعال مجھے دہکتی آگ میں جلائیں گے تو مجھے میرے اندر کا انسان برائیوں سے روکے گا ۔جب مجھے یقین ہوگا کہ رزق حلال کمانے سے مجھے جنت ملے گی جس میں میرے وہم وگمان سے بھی کہیں زیادہ نعمتیں مختص ہوں گی تو پھر میں چند اضافی ٹکوں کے عوض کسی کا حق نہیں ماروں گا ۔زندگی بعد از موت ،جنت کا شوق اور دوزخ کا خوف ،اللہ کی دوستی میں پختہ یقین اور اعمال نامے کی خوبصورتی ،یہی وہ ایمان ہے یہی قرآنی تعلیمات ہیں جو ہر مذہب ،ہر عقیدے میں تھوڑی بہت تبدیلیوں کے ساتھ ایک جیسے ہیں ۔اگر آج کا پاکستانی اپنے اپنے عقیدے کے مطابق الہامی تعلیمات پر کاربند ہوجائے تو شر کے ہاتھوں مغلوب یہی سولہ کروڑ انسان خیر کی بہت بڑی قوت بن جائیں گے ۔جب تک اکائی سیدھی نہیں ہوتی ،اجتماعیت ٹیڑھی ہی رہے گی ۔اصلاح احوال کا واحد حل صالحیت میں ہے اور انسانی دل ودماغ زیادہ دیر تک صالح اعمال سے دور نہیں رہ سکتے ۔اس لئے میرا ایمان ہے کہ پاکستان کے تمام مسائل کا حل اب بھی ممکن ہے ۔شرط یہ ہے کہ ہرپاکستانی قرآن کی فطرتی تعلیمات سے جڑ جائے ۔اگر کوئی عیسائی ہے تو وہ حضرت عیسیؑ کی آفاتی ہدایات پر عمل کرکے کسی مذہب اور عقیدے نے جھوٹ کو نیکی قرار نہیں دیا ،ظلم کو جواز نہیں بخشا ،خیانت کو صلاحیت نہیں کہا ۔انسان دشمنی کو بہادری قرار نہیں دیا ۔کرپشن کو عزت کا موجب نہیں ٹھہرایا ۔

ہمیں اپنے حیوانی ،عقلی، روحانی اوراخلاقی وجود کا تذکیہ قرآن مجید کی تعلیمات کے ذریعے کرنا ہوگا ۔یہی کردار سازی کا بہترین ذریعہ ہے ۔کیونکہ کردار سازی اس وقت تک ہو ہی نہیں سکتی جب تک انسان کے اندر ایمان کا بیج نہ ہو۔ ضمیر اور الہامی تعلیمات کی خوراک دے کر ایمان کا پودا ہرا بھرا کیا جاسکتا ہے ۔یہی انسانی عروج کی اساس ہے۔

مکالے کے آخر میں پاکستانی بہن بھائیوں کو قرآن یعنی انسانی ہدایت کے مرکز سے جڑے رہنے کی ترغیب دلارہا ہوں ۔بقول شاعر:۔

اپنے مرکز سے اگر دور نکل جاﺅ گے

خواب ہو جاﺅ گے افسانوں میں ڈھل جاﺅ گے

اپنی مٹی پہ ہی چلنے کا سلیقہ سیکھو

سنگ مر مر پہ چلو گے تو پھسل جاﺅ گے

دے رہے ہیں جو لوگ تمہیں رفاقت کا فریب

ان کی تاریخ پڑھوگے تو دہل جاﺅ گے

خدا خدا کر کے ڈی جی آئی ایس آئی کی تعیناتی کا نوٹیفیکیشن جاری ہوا اور 20 نومبر کو یہ عمل اب تکمیل کو پہنچ جائے گا۔اس غیر ضروری تاخیر کی ضرورت ہی نہیں تھی۔عسکری اور سول حلقے متفق ہیں کہ ہمیں کم از کم عسکری ڈسپلن کیساتھ چھیڑ چھاڑ نہیں کرنا چاہیے۔یہ کوئی پنجاب پولیس نہیں کہ اپنی من مانی سے جسے چاہیں ہٹا دیں اور جسے چاہیں لگا دیں۔یہ کمانڈ اینڈ کنٹرول کا نازک معاملہ ہے۔اہم اور کلیدی تعیناتیوں کو طے شدہ میرٹ پر سرانجام دیا جاتا ہے۔یہی ڈسپلن کی خوبصورتی ہے۔ اسی لیے پاک فوج دنیا کی منظم ترین افواج میں شمار یوتی ہے ۔

یہاں آرمی چیف کیلئے جو نام بھجوائے جاتے ہیں وہ بھی سخت میرٹ پر کسے ہوئے ہوتے ہیں۔ لیکن افسوس کہ سیاستدان آرمی چیف جیسے غیر متنازع منصب کو بھی اپنی سیاسی خواہشوں اور وقتی فائدوں کی بھینٹ چڑھاتے ہیں اور اکثر اوقات اپنے ہی لگائے یوئے سپہ سالار کو اپنا مخالف سمجھنے لگتے ہیں۔سیاستدان بھول جاتے ہیں کہ جرنیل بھی اسی دھرتی کے بیٹے ہیں ۔وہ بھی سچے پاکستانی ہیں اور بگڑتے ملکی معاملات کے حوالے سے ان کا بھی دل کڑھتا ہے۔فوج کو سیاست میں حصہ لینے کا کوئی حق نہیں لیکن پاکستانی ہونے کے ناتے پاکستانی امور کے بارے سوچنے،بات کرنے کا حق کوئی کسی پاکستانی سے چھین نہیں سکتا۔ یہ دو قومی نظریے کی بنیاد پر قائم ہونے والا ایک نظریاتی ملک ہے۔اس کے ساتھ رشتہ ایمان کا رشتہ ہے۔
تدبیر کی غلطی اگر سیاستدان کر سکتا ہے تو عسکری قیادت بھی خطا سے مبرا نہیں۔لیکن جہاں تک اداراتی نظم و ضبط کا تعلق ہے وہ ہمیشہ برقرار رہتا ہے۔آرمی چیف ہی بہتر جانتا ہے کہ کس جرنیل کو کونسی ذمہ داری دینی ہے۔لیکن اگر آئی ایس آئی کے سربراہ کیلئے وزیراعظم نے انٹرویو کرنے ہیں تو پھر عسکری لوگ لامحالہ وزیراعظم ہاؤس کیطرف دیکھا کریں گے۔انہیں اداراتی ڈسپلن کا پابند ہونا خواہ مخواہ کا بوجھ محسوس ہونے لگے گا۔ایسی بے معنی سیاسی مداخلت ہمیں تباہی کیطرف لے جائے گی۔پرائم ایجینسی کسی ملک کی پہلی دفاعی لائن ہوتی ہے۔اس لائن کو کسی حوالے سے بھی اپنی وفاداریاں کسی پارٹی یا شخصیت سے وابستہ نہیں کرنی چاہیں۔پہلے ہی ایک سیاسی پارٹی اس حوالے سے ناخوشگوار رد عمل کا کھلے عام اظہار کر رہی ہے۔کیا وزیراعظم کے طرز عمل سے ہمارا یہ اہم ترین ادارہ سیاسی کشمکش کا مستقل شکار نہیں ہوجائے گا۔
آئی ایس آئی کے سربراہ کی تعیناتی کا نوٹیفیکیشن ہم سب نے پڑھا اور بطور پاکستانی اسے پڑھ کر میرا سر شرم سے جھکا ہوا ہے۔آخر طے شدہ اصولوں اور روشن روایات سے ہٹ کر اس تمام ایکسرسائز کا فائدہ کیا ہوا؟ تعیناتی کرنے کے بعد ایک ماہ تک چارج نہ لینے کا مقصد کیا تھا؟ ایک غیر یقینی کی کیفیت۔ ایسی کیفیت میں خدا نخواستہ کسی وقت جنگ شروع ہو جائے تو فیصلے کرنے میں کتنی الجھنیں حائل ہو سکتی ہیں۔میں نے کچھ عرصہ ایک عسکری ڈسپلن میں گزارا ہے۔میں وزیراعظم کے اس فیصلے سے عسکری حلقوں میں پیدا ہونے والی تشویش کو سمجھ سکتا ہوں۔سمری میں بتایا گیا ہے کہ تجویز کئے گئے جرنیلوں سے وزیراعظم نے انٹرویو بھی کئے ۔کیا اس سے وزیراعظم آفس کے طاقتور ہونے کا تاثر قائم ہوگیا ہے؟
ایسا کچھ بھی نہیں ہوا۔ ریاستی اداروں کو کمزور کر کے حکومتیں کمزور ہوتی ہیں،مضبوط کبھی نہیں ہوتیں۔الٹا حکومت اور فوج کے ایک صفحہ پر ہونے کا تاثر بھی ختم ہوگیا۔اگر غیر جانبدار ہو کر ڈی جی آئی ایس آئی کی تعیناتی کے حوالے سے وزیراعظم کے فیصلے کا جائزہ لیا جائے تو صرف ایک نتیجہ نکلتا ہے۔شخصی انا۔تکبر۔انانیت۔
اللہ پاک ہمیں اس بیماری سے بچائے۔یہ تباہی کا طرز عمل ہے۔قران نے تکبر کو تباہی کا راستہ قرار دیا ہے اسوہ ء رسول ہمیں انانیت پسندی اور کبر سے دور رہنے کی راہ دکھاتا ہے۔”میں میں” کی تکرار قومی معاملات میں زہر قاتل ثابت ہوتی ہے۔سرائیکی کی کہاوت ہے،
“زیر بن زبر نہ بن،کتھے پیش نہ پئے جاوی”
حکمران حدیث مبارکہ کو یاد رکھیں،
رسول اللہ(ص) نے فرمایا, “کوئی انسان جس کے دل میں رائی کے دانے کے برابر ایمان ہے آگ میں داخل نہ ہو گا اور کوئی انسان جس کے دل میں رائی کے دانے کے برابر تکبر ہے جنت میں داخل نہ ہو گا “(صحیح مسلم)

برطانیہ کے حوالے سے یہ بات قابل ذکر ہے کہ حکومت کی جانب سے ایلو پیتھک علاج و معالجے کی مفت سہولت ہونے کے باوجود بہت سے لوگ پرائیوٹ ہومیو پیتھک علاج کروانا پسند کرتے ہیں جبکہ برطانیہ کا قومی ادارہ برائے صحت ’این ایچ ایس‘ کے کچھ ہسپتال اور جنرل فزیشن مریضوں کو ہومیو پیتھک دواؤں سے علاج کروانے کی بھی پیشکش کرتے ہیں۔

قارئین میں اٹھارہ برس سے اس طریقہ ء علاج کے ذریعے ہزاروں مریضوں کو صحتیاب کر چکا ہوں۔معدہ ،جگر گردہ جلد. بچوں میں پیٹ کے کیڑوں ریت مٹی کھانے کے رجہان. جسمانی دردوں وغیرہ کے مریضوں کیلئے حیرت انگیز نتائج سامنے آئے ہیں۔میں نے قائد اعظم یونیورسٹی سے ایم پی اے کیا۔ایک ھو میو پیتھ سے الرجی کی دوائی لی تو آفاقہ ہوا۔میں بہت سی ایلوپیتھک دوائیاں آزما چکا تھا۔میری دلچسپی بڑھی تو ڈاکٹر جاوید اقبال قریشی کے ساتھ ملکر 1999 میں فری کیمپ کھولا ۔. مزید شوق بڑھا تو میں نے باقاعدہ ہومیوپیتھی میں داخلہ لے لیا۔ ڈی ایچ ایم ایس کرنے کے بعد متبادل ادویہ میں ایم ڈی کیا۔ اس کے بعد پی ایچ ڈی کی۔کامن ویلتھ انسٹیٹیوٹ نے فیلو شپ دی ۔. میں جوں جوں اس فیلڈ میں آگے بڑھتا گیا میرے لیے اس طریقہ کی اہمیت بڑھتی گئی۔اپنے تجربات سے سمجھتا ہوں کہ ہومیو پیتھک علاج کی یہ کامیابی ہے کہ لوگ انگلش دواؤں سے فائدہ نہ ہو نےکے بعد مجھ سے رجوع کرتے ہیں کیونکہ اس علاج کا معجزاتی اثر تو ہوتا ہے لیکن بہت کم سائیڈ افیکٹ ہوتے ہیں۔

عام طور پر لوگوں میں ہومیو پیتھک علاج کے بارے میں شکوک وشبہات پائے جاتے ہیں کہ آیا یہ علاج اثر بھی کرے گا کہ نہیں؟ بہت سے لوگوں کی رائے میں دوائیں بہت سست روی سے اثر انداز ہوتی ہیں جس کی وجہ سے اکثر لوگ علاج ادھورا چھوڑ کر چلے جاتے ہیں یا پھر اکثر کے نزدیک ہومیو پتھک علاج کروانے والے افراد وہ ہوتے ہیں جو ایلوپیتھک علاج سے مایوس ہو کر اس طرف مائل ہوتے ہیں۔لیکن یہ تصور غلط ہیں۔ جہاں تک سُست ہونے کا تعلق ہے تو ایلو پیتھی علاج میں بھی ہائی بلد پریشر اور ذیابیطس کے مریض ساری زندگی دوائیں کھاتے ہیں جو کہ ان کے مرض کا علاج نہیں ہوتیں۔ جبکہ ہومیو پیتھ کے پاس ہائی بلڈ پریشر اور ذیابیطس کے لیے دوا موجود ہے جو مرض کو جڑ سےاکھاڑ کر پھینک سکتی ہے۔ برص۔ ٹانسلز پراسٹیٹ. یورک ایسڈ. پتھریاں. بواسیر کو أپریشن کے بغیر شفا دلوانے کی صلاحیت ھومیو طریقہ علاج میں موجود ہے۔ لیکن جو لوگ محض وقت گزاری کیلئے علاج کرواتے ہیں, ایسے لوگوں کو کسی قسم کا علاج مطمئن نہیں کر سکتا کیونکہ علاج میں افاقہ اسی صورت میں ہوتا ہے جب علاج پر اعتقاد کیا جائے اور دوائیں پابندی سے استعمال کی جائیں ۔
شرط صرف ایک اچھے تجربہ کار ڈاکٹر کی ہے جو مرض کی صحیح تشخیص کرے کیونکہ ہومیو پیتھک علاج میں مرض کی اصل وجہ تک پہنچنے کے لیے مریض سے اس کے دن رات کے معمولات معلوم کیے جاتے ہیں اور مرض کی وجہ کا علاج کیا جاتا ہے۔ مثال کے طور پر اگر ایک سر درد کا مریض کسی ایلوپیتھک ڈاکٹر سے علاج کرواتا ہے تو اسے پین کلر دوا دی جاتی ہے جو علاج نہیں ہے لیکن ہومیو پیتھی میں سر درد کے مریض سے پوچھا جاتا ہے کہ اسے یہ درد دن کے کون سے پہر میں ہوتا ہے، درد ٹھنڈ میں بڑھتا ہے یا گرمی سے اس کی شدت میں اضافہ ہوتا ہے۔
برس ہا برس فری کیمپ کرنے کے بعد معلوم ہوا ہے کہ مریضوں کی زیادہ تر تعداد خواتین کی ہے جو عام طور پر گھٹنے کے درد یا جلد کے مسائل لے کر آتی ہیں۔ جلد کےمسائل کے لیے ھومیو دوائیں آزمودہ ہیں۔ ایگزیما کی بیماری بچوں میں بہت زیادہ ہے۔ اس کا ہومیو پیتھک میں شرطیہ علاج موجود ہے۔ اسی طرح بچوں کی بھوک بڑھنے، یرقان اور موٹاپے۔ کیڑوں۔ ریت مٹی کھانے۔ گردوں کو فیلیور سے بچانے ۔ ہیپاٹائیٹس اور دردوں کے لیے بہت ہی اچھی ادویات موجود ہیں۔

خدا کا شکر ہے کہ ہومیو پیتھک علاج کو پسند کرنے والے پڑھے لکھے لوگوں کی اب ایک بڑی تعداد موجود ہے جو اس علاج پر بھروسہ کرتے ہیں۔ اگر ڈاکٹر لوگوں کو انتخاب کا حق دیں تو بڑی تعداد میں لوگ ہومیوپیتھی علاج کی جانب مائل نظر آئیں گے۔
حکومت کو چاہیے کہ وہ اتائیوں کا خاتمہ کرے، اس سستے طریقہ ء علاج کا تحفظ کرے۔ایلوپیتھی ادویہ ساز کمپنیوں اور کمیشن مافیا کے کاروباری تعصب سے بچائے اور سب سے ںڑھ کر ھومیو ادویہ ساز مقامی صنعت کو سہولیات فراہم کرے تاکہ غریب لوگ اس طریقہ ء علاج کے فوائد سے بہرا مند ہوسکیں۔
میرا دعوی ہے کہ اگر حکومت سایہ فراہم کرے تو میری ٹیم ملک بھر میں مفت ھومیو ڈسپینسریز کا جال بچھا سکتی ہے۔

آنکھوں کے سرطان سے صحت مند ہونے والے بچے خوش نصیب کہ انہیں چیک اپ اور سرجری کی مفت سہولت ملی لیکن کیموتھراپی اور ریڈی ایشن وغیرہ دیگر ہسپتالوں سے پیسے دے کر کرانا پڑے۔شائد گھر کی ہر خوشی بچے پر قربان کر دی ہو۔سرجری کے بعد بھی مسلسل چیک اپ کیلئے مہنگے ترین ٹیسٹ کراتے رہنا ہونگے۔اتنے پیسے غریب والدین کہاں سے لاتے ہونگے ؟
میں گزشتہ بائیس برس سے متبادل ادویہ اور ہومیوپیتھی طریقہ علاج کے ذریعے اب تک ہزاروں لوگوں کا مفت علاج کر چکا ہوں۔اپنے گھر کا ایک پورشن میں نے فری کیمپ کیلئے وقف کر رکھا ہے۔ کلینک بھی یہیں کرتا ہوں۔مجھے علم ہے کہ کتنے سفید پوش لوگ بھی ہومیوپیتھی کی قدرے سستی ادویات کے پیسے بھی نہیں دے سکتے۔ کینسر کے ٹیسٹوں پر تو بھاری رقم لگتی ہے۔
الشفاء ٹرسٹ کی بڑی ہمت ہے کہ یہاں گزشتہ تیس برس سے 70فیصد سے زائد مریضوں کا مفت علاج ہوتا ہے اور فری اور آن پیمنٹ مریضوں کے علاج میں کوئی فرق روا نہیں رکھا جاتا۔
میں سوچ رہا تھا کہ اگر آنکھوں کے سرطان والے بچوں کی فری سرجری کیساتھ ایم آر آئی،کیمو اور ریڈی ایشن وغیرہ کی مفت سہولت بھی الشفاء ٹرسٹ ہی مہیا کردے تو کتنی آنکھیں اور زندگیاں بچ جائیں گی۔
بچپن میں آئی کینسر کی آگاہی کے حوالے سے الشفاء ٹرسٹ آئی ہسپتال راولپنڈی میں نئے تعمیر شدہ ایشیا کے سب سے بڑے چلڈرن آئی ہسپتال کے وسیع اور جدید طرز کے آڈیٹوریم میں 29ستمبر کو ایک سیمینار منعقد کیا گیا۔سیمینار میں الشفاء کے ڈاکٹروں،اسٹاف ممبران اور سٹوڈنٹس کے علاوہ پروفیشنلز، پالیسی سازوں، پبلک ہیلتھ ماہرین، وزارت صحت اور عالمی ادارہ صحت کے عہدیداروں نے بھی شرکت کی۔
مجھے بھی شرکت کی دعوت دی گئی تھی۔ٹرسٹ کے چیف ایگزیکٹو اور انتہائی انسان دوست شخصیت بریگیڈیئر رضوان اصغر سے پرانی یاد اللہ ہے۔میرے گھر واقع گلستان کالونی میں ایک بار فری آئی کیمپ بھی لگ چکا ہے اور ہر تین ماہ بعد بڑا آئی کیمپ لگانے کا پروگرام طے پا چکا ہے۔بریگیڈئیر صاحب میرے ساتھ والی نشست پر تشریف فرما تھے اور دھیمی آواز میں سیمینار کے مقاصد بھی بتا رہے تھے۔
“کاش کہ پاکستان کے گھر گھر یہ پیغام پہنچ جائے کہ آنکھ میں کینسر کی علاماتِ کیا ہوتی ہیں اور یہ بھی آگہی پھیل جائے کہ اس کینسر کا علاج الشفاء آئی ہسپتال میں ہورہا ہے اور کاش کہ غریب مریضوں کو کینسر کے ٹیسٹوں کیلئے دیگر جگہوں پر دھکے نہ کھانے پڑیں۔”
میں یہی سوچ رہا تھا کہ ٹرسٹ کے صدر میجر جنرل رحمت خان روسٹم پر تشریف لائے۔جنرل صاحب ملنسار،شفیق اور مخیر شخص ہیں۔ان کا انداز مقرر والا نہیں۔لیکن وہ ٹھہرے ہوئے انداز میں بات کرتے اور مخاطب کے دل پر دستک دیتے ہیں۔کہنے لگے،
“دیکھئے آپ لوگ اس لحاظ سے خاص مہمان ہیں کہ اس جدید طرز پر بنائے گئے آڈیٹوریم میں بیٹھنے والے آپ ہی پہلے سامعین ہیں۔بچوں میں آئی کینسر کی تشخیص سے لیکر علاج تک پیچیدہ اور حساس معاملہ ہے۔بعض مریضوں اور لواحقین کی حالت دیکھی نہیں جاسکتی۔یہاں ہر روز ایسی کہانیاں ہیں کہ مفت علاج تو ہوگیا لیکن واپس جانے کا کرایہ نہیں ہوتا۔اللہ جزا دے ان لوگوں کو جو عطیات دیتے ہیں اور ہم ضرورت مند مریضوں کی خدمت کرنے میں مصروف ہیں۔
کینسر زدہ بچوں کے حوالے سے ہم نے فیصلہ کیا ہے کہ مستحق مریضوں کو اب ایک ہی چھت کے نیچے ہر سہولت ملے گی۔یہیں کیمو تھراپی ہو گی،ریڈی ایشن کا سسٹم ہو گا،سائیکو ٹریٹمنٹ ہوگا۔اس کیلئے بورڈ نے ایک مکمل آئی کینسر سنٹر قائم کرنے کی منظوری دے دی ہے۔
`ڈاکٹر طیب افغانی کی نگرانی میں یہ سنٹر کام کریگا ۔جب تک ہم ضروری مشینری خرید کر انسٹال نہیں کرتے، کیمو تھراپی وغیرہ کی سہولت باہر سے حاصل کریں گے۔غریب مریضوں کے اخراجات ٹرسٹ اٹھائے گا۔ٹیسٹ اور تھراپی کیلئے کہاں جانا ہے یہ بھی الشفاء بندوبست کریگا۔کسی کو ناامید واپس نہیں بھیجیں گے۔فی الحال کیموتھراپی کے اخراجات میں اور میرے ایک دوست برداشت کریں گے۔پہلے ہمارے پاس آئی کینسر کلینک ہے اب ایک باقاعدہ سنٹر بن جائے گا اور یہ پاکستان میں آئی کینسر کے علاج کا پہلا مکمل ادارہ ہوگا”
ہال تالیوں سے گونج اٹھا ،میرے دل سے الشفاء،اس کے سربراہ اور ٹیم کے لیے دعا نکلی۔ تھینک یو الشفاء !

اقبال نے کہا تھا، وہی جواں ہے قبیلے کی آنکھ کا تارا شباب جس کا ہے بے داغ، ضرب ہے کاری میں جب پہلی بار سردار یاسر الیاس خان سے ملا تو میرے ذہن میں اقبال کے اس شعر نے سرسراہٹ کی تھی۔سردار یاسر سے تفصیلی ملاقات چیمبر آف کامرس اینڈ انڈسٹری کے ہیڈ آفس میں ہوئی۔اس خوبصورت اور خوب سیرت نوجوان نے مغل وفد کا پر تپاک استقبال کیا۔سردار صاحب کو چیمبر کا الیکشن جیتنے پر جہلم سے جناب میاں نعیم بشیر،جناب ندیم ساجد کی سربراہی میں ممتاز مغل شخصیات پر مشتمل ایک نمائندہ وفد مبارکباد دینے آیا تھا۔اسلام آباد سے جناب بیگ راج اور حسنین عرفانی مغل بھی موجود تھے۔سردار یاسر کمیٹی روم میں وفد کے ارکان سے باری باری گلے ملے،تعارف حاصل کیا اور خیریت دریافت کی۔پھر انہوں نے اپنی انتخابی مہم کے حوالے سے دلچسپ باتیں بتائیں۔چیمبر کے الیکشن میں سردار صاحب نے سب سے زیادہ ووٹ لیے۔

انہوں نے اپنی کمپین روائتی طریقوں سے ہٹ کر جدید طرز پر ترتیب دی۔ ووٹروں تک پیغام پہنچانے کیلئے آئی ٹی کا زبردست استعمال کیا۔ تاجروں کو کھانے کھلا کر اپنا ہمدرد بنانے کی بجائے سردار یاسر نے اپنا پیغاموثر بنانے اور پیغام رسانی کے ذرائع کو برق رفتار بنانے پر توجہ مرکوز رکھی۔حکومت پنجاب کے معاون خصوصی محترم سردار تنویر الیاس خان کے چھوٹے بھائی سردار یاسر خان امریکی یونیورسٹی سے فارغ التحصیل ہیں۔وہ بات کرنے کا ڈھنگ جانتے ہیں۔بڑے سائنٹفک طریقے سے مخاطب کو اپنی طرف متوجہ کئے رکھتے ہیں۔اچھے سامع بھی ہیں۔تکبر اور بڑائی نہیں،طبعیت میں ادب آداب کا رنگ غالب رہتا ہے۔ کسی بھی چیمبر کے کم عمر ترین صدر ہیں۔وہ کسی حادثے کے نتیجے میں اس منصب تک نہیں پہنچے بلکہ وہ چیمبر کے معاملات کو بہتر کرنے کے ارادے سے الیکشن لڑے ہیں۔ان کے ذہن میں تاجر برادری اور ملک کی معاشی صورتحال کو سنوارنے کا باقاعدہ روڈ میپ ہے۔ان کے ویثرن سے متاثر ہوکر حکومت کی اقتصادی ٹیم سردار صاحب کی وزیراعظم سے ملاقات بھی کروا چکی ہے۔یہ نوجوان صدر آج کا نہیں آنے والے پچاس سال کی ضروریات کے بارے میں منصوبہ سازی کر ناچاہتے ہیں۔باقائدگی کے ساتھ دفتر آتے اور تاجروں کو درپیش مسائل کا حل نکالتے ہیں۔ان تمام باتوں سے ہٹ کر دونوں بھائیوں کی ایک خوبصورت بات یہ کہ وہ اپنی قوم اور قبیلے کو بڑا احترام دیتے ہیں۔”آج میرے اپنے خاندان کے لوگ مجھے مبارکباد دینے آئے ہیں،میں بہت خوش ہوں”سردار یاسر صاحب نے چیمبر کے زعما کو فخر سے بتایا۔پھر مغل برادری کی فلاحی سرگرمیوں کے بارے میں باتیں کرتے رہے۔گھنٹہ بھر کی میٹنگ ہوئی۔چائے،کافی،ونگز اور فروٹ کیک سے تواضع کی۔پھر فوٹو سیشن شروع ہوا۔سردار صاحب کی مصروفیات بھی بے پناہ ہیں لیکن جب تک ہم نے خود اجازت نہیں لی،قبیلے کی آنکھ کا یہ تارا وفد کے ارکان کیساتھ ہی جگمگاتا رہا،تصویریں بنواتا رہا،ہنستا مسکراتا رہا۔اپنائیت کا ایسا احساس کہ دل و دماغ سرشار ہوگئے۔جناب ندیم ساجد مغل مالائیں ساتھ لائے تھے۔گھوڑے کا قیمتی ماڈل تحفہ کے طور پر پیش کیا۔پنجاب بیکری کیطرف سے سردار صاحب کی تصویر والا لذیذ اور دیدہ زیب کیک بھی تھا۔ملاقات تقریب میں بدل گئی۔سردار تنویر الیاس خان ملکی معیشت کی بہتری کیلئے اوورسیز پاکستانیوں کو ملک میں سرمایہ کاری پر آمادہ کرتے رہتے ہیں۔وہ پنجاب انوسٹمنٹ بورڈ کے چیئرمین بھی ہیں۔ان کی قابل تجاویز پر پیش رفت بھی ہورہی ہے۔تارکین وطن کی جانب سے ملک کے اندر سرمایہ کاری میں خاطر خواہ اضافہ ہو چکا ہے۔ان کے چھوٹے بھائی اب چیمبر کے پلیٹ فارم سے انتہائی بنیادی کام کررہے ہیں۔یہ دونوں بھائی صرف اپنی مغل برادری ہی نہیں پوری پاکستانی اور کشمیری قوم کا فخر ہیں،یہ واقعی قوم کے سردار ہیں۔ ان کا کردار بے داغ ہے،یہ معیشت کا پہیہ چلانے میں ضرب کاری سے متصف ہیں۔ قبیلے کی آنکھ کا تارا ہونے کے تصور اقبال پر پورا اترتے ہیں۔

راقم نے آئی جی سندھ کے اغواء کے حوالے سے چند روز قبل “سندھ پولیس کو سیلوٹ”کے عنوان سے کالم لکھا تھا جسے آئی جی مشتاق مہر صاحب نے پڑھا اور شکریہ کا پیغام بھی بھیجا۔میرا خیال ہے کہ پولیس کلچر میں یہ ایک انوکھا واقعہ تھا کہ اپنے سربراہ کی عزت کی خاطر اور پولیس کے مورال کو بلند رکھنے کیلئے افسران نے احتجاجا رخصت پر جانے کا فیصلہ کیا۔ہمارے ہاں پولیس کے بارے میں عمومی تصور یہ ہے کہ چھوٹے افسروں اور سپاہیوں کی حوصلہ شکنی ہوتی ہے وہ اگر کوئی کارنامہ سر انجام دے بھی دیں تو مقامی ایس ایچ او کریڈٹ اپنے نام کرتا ہے۔اور انعام وغیرہ کے معاملے میں اعلی افسران ہی حقدار ٹھہرائے جاتے ہیں۔حال ہی میں ہم ایسا منظر پنجاب میں دیکھ چکے ہیں۔

سانحہ موٹر وے لاہور میں مجرم کی گرفتاری پر رکھا گیا انعام اعلی پولیس افسران میں تنازعہ کا سبب بنا رہا۔لیکن سندھ پولیس نے اپنے ڈیپارٹمنٹ کے حوالے سے منفی تائثر کو نہ صرف زائل کیا بلکہ انتہائی شاندار مثال قائم کی۔اے ایس آئی محمد بخش نے کسی انعام کے لالچ میں مظلوم ماں کی مدد نہیں کی تھی،نہ ہی اس جونئیر پولیس افسر کی بیٹی نے کسی شہرت کی وجہ سے خود کو خطرے میں ڈالا تھا۔اس متوسط طبقہ کے گھرانے نے جب بدنصیب عورت کی داستان سنی تو خالص انسانی ہمدردی کے جذبے سے سرشار ہوکر سماج کے ظالم درندوں کو پکڑنے اور مظلوم ماں کی معصوم بیٹی کو بازیاب کرانے کا منصوبہ بنایا۔محمد بخش نے ساری کہانی بیان کی۔اس نے بتایا کہ اس کی بہادر بیٹی نے گرفتاری کا ذریعہ بننے کیلئے خود کو جب رضاکارانہ طور پر پیش کیا تو شفقت پدری آڑے آئی اور وہ آبدیدہ ہوگیا۔پھر بیٹی نے تسلی دی”ابا مجھ پر بھروسہ رکھو،میں اسے گریبان سے پکڑ لوں گی،آپ پستول گھر میں رکھ دیں،آپ جذباتی ہو کر خون کردیں گے اور ہم مصیبت میں پڑ جائیں گے”یہ کوئی آسان مرحلہ نہ تھا۔مجرم کچھ بھی کرسکتا تھا۔لیکن جونہی اس درندے نے نقاب ہٹانے کو کہا،بہادر بیٹی نے لپک کر اسے گریبان سے پکڑ لیا،اتنی دیر میں گھات میں کھڑے اے ایس آئی اور سفید کپڑوں میں ملبوس دیگر پولیس اہلکاروں نے اس درندے کو دبوچ لیا۔پھر جسطرح مظلوم عورت کی زخمی اور بیہوش بیٹی پانچ سالہ علیشا کو عقوبت خانے سے تلاش کیا گیا سب ایک ڈرامائی منظر لگتا ہے۔لیکن سندھ کے شہر کشمور میں پیش آنے والا یہ ایک حقیقی واقعہ ہے۔محمد بخش کی جرآت اور فرض شناسی کا جب چرچہ ہوا اور مایوسیوں کے مارے سماج کو امید اور یقین سے مزین ایک خبر سننے کو ملی تو ہر طرف سے دادو تحسین وصول ہو نا شروع ہوئی۔وزیر اعظم پاکستان نے اے ایس آئی محمد بخش سے فون پر بات کی،سندھ کے اس پولیس افسر کو قومی ہیرو قرار دیا۔محمد بخش نے بتایا،”میرے ایس ایچ او نے سب سے پہلے مجھے شاباش دی،ساتھیوں نے مجھے تھپکیاں دیں اورسندھ حکومت نے دس لاکھ روپے نقد انعام کا اعلان کیا اوربہادر بیٹی کے تعلیمی اخراجات اٹھانے کا اعلان کیا”لیکن آئی جی مشتاق مہر نے اپنے قابل فخر افسر پر کمال شفقت فرمائی۔سنٹرل پولیس آفس کراچی میں محمد بخش اور اس کی فیملی کا پرتپاک استقبال کیا۔اس عظیم باپ،بیٹی اور بیوی کو شاہی بگھی پر بٹھایا گیا،پھولوں کی پتیاں نچھاور کی گئیں، مہمان خصوصی محمد بخش کو مالائیں پہنائی گئیں۔پولیس بینڈ نے سلامی دی اور استقبالی چبوترے پر آئی جی نے اس چھوٹے سے او رغریب سے اے ایس ائی کو گلے لگایا۔ پولیس ڈیپارٹمنٹ کیطرف سے بیس لاکھ روپے کا اعلان کیا۔اور ستارہ شجاعت دینے کی سفارش کی جبکہ بیٹی کیلئے ستارہ امتیاز کی سفارش کی۔سندھ پولیس نے دوسری بار اعلی کردار کی مثال پیش کی۔پہلے اپنے آئی جی کیلئے اتحاد اور یکجہتی کا مظاہرہ کیا اور اب اپنے ایک اے ایس آئی کی حوصلہ افزائی کیلئے دل فرش راہ کردیا۔پولیس کے بارے میں منفی رویوں کو تبدیل کرنے کا بہترین موقع فراہم کیا ہے۔ہمیں نیکی کے کاموں میں تعاون کرنے کا حکم ملاہے۔اسی حکم کو بجا لاتے ہوئے اپنے دل سے،سندھ پولیس کو ایک اور سیلوٹ پیش کرتا ہوں۔

آج انسانیت مجموعی طور پر انتشار کا شکار ہے ۔تمام تر ترقی ‘خوشحالی تعلیم اور علم کے باوجود ساڑھے چھ ارب انسان ایک دوسرے کو نیچا دکھانے اور اس کرہ ارض کو نہ ختم ہونے والے فتنوں میں مبتلا کردینے کی کوشش میں مصروف ہیں۔کوئی ایسا خطہ نہیں جو جنگ و جدل سے پاک ہو۔ جہاں انسان انسان کو کاٹ نہ رہا ہو۔ جہاں آدم آدم کو لوٹ نہ رہا ہو امیر غریب کو کھائے جارہا ہے۔ باوسیلہ دنیا بے وسیلہ بستیوں کو اجاڑ رہی ہے۔تقابل کا فلسفہ اپنے تمام تر منفی معنوں کے ساتھ نسل انسانی کی تباہ کاریوں میں کارفرما ہے۔ کچھ معلوم نہیں کب زیر زمین چھپے ہوئے ایٹم بم’ سمندر میں تیرتی ہوئی نیو کلیائی آب دوزیں ‘تابکاری مواد اٹھائے فضاء میں قلانچیں بھرتے طیارے اور خلا میں ہچکولے لیتے مصنوعی سیارے اچانک کسی مہم جو ذہن کی چھوٹی سی غلطی سے اس قافلہ انسانیت کو آگ لگا دیں اور احسن تقویم کے فارمولے پر پیدا کردہ انسان اپنی ہی بدتد بیری اور بدنیتی کے سبب اپنے گھر کو جلا کر خاکستر کردے۔ انسانیت کو بچانے کی آج جس قدر ضرورت ہے۔

شاہد اس سے پہلے کبھی بھی نہ تھی۔ مختلف یورپی دانشور اور انسانی حقوق کے چیمپئن خود ساختہ تھیوری اور محض انسانی ذہن سے پھوٹنے والی احتیاطوں کو ملحوظ خاطر رکھ کر انسانیت کے قافلے کو بچانے کی کوشش میں مصروف ہیں لیکن تمام تر خلوص نیت کے باوجود مغربی انسان دوست ادارے اور حلقے محض اندھیروں میں ٹامک ٹوئیاں مار رہے ہیں ان کی حالت یہ ہے کہ
فلسفی کو بحث کے اندر خدا ملتا نہیں
ڈور کو سلجھا رہا ہے اور سرا ملتا نہیں
اُلجھی ہوئی ڈور کا سرا ڈھونڈنے کے لئے انہیں ہر طرح کے تعصبات سے بالاتر ہو کر صرف اور صرف سچ کو تلاش کرنا ہوگا۔ مجھے یقین ہے کہ اگر انہوں نے مذہب ‘زبان ‘علاقے ‘رنگ نسل’ Status اور دنیاوی طبقاتی تقسیم کی عینک اتار کر حق کی تلاش کو نکلیں گے تو پھر انسانیت کے عظیم محسن ،دنیا جہاں کے لئے رحمت للعالمین اور صرف مسلمانوں کے لئے نہیں بلکہ بنی نوع انسان کے غم گسار آخری پیغمبر خاتم النبین حضرت محمدۖ کی تعلیمات تک ضرور پہنچ جائیں گے۔
اگر ہم ماہ ربیع الاول میں کوئی ایسی کتاب ترتیب دے سکیں ۔ کوئی ایسی قلم بنا سکیں جس میں رسول پاک ۖ کی تعلیمات کا بھرپور تاثر ملتا ہو اور وہ یورپ اور امریکہ کے لوگوں کو دکھائی جائیں تو میں دعویٰ سے کہتا ہوں کہ جو ذہن گستاخی پر اتر آئے ہیں وہی ذہن آپ ۖ کے حق میں اس طرح سرنگوں ہوجائیں گے جس طرح حضرت عمر تلوار حمائل کئے درنبوت پر جھک گئے تھے۔
قافلہ انسانیت کو درپیش جان لیوا حادثوں سے بچانے کا صرف ایک ہی راستہ ہے کہ ہم بحیثیت مسلمان اسوء رسولۖ پر عمل کریں اور غیر مسلموں کو ڈرانے اور خوفزدہ کرنے کے بجائے یا ان سے مرعوب ہونے اور دور ہونے کے بجائے انہیں تعلیمات نبوی سادہ اور آسان سے لفظوں میں سمجھا سکیں۔ دنیا میں مختلف شخصیات علم و کمال’دولت و جمال اور قوت واقتدار لے کر آتی رہی ہیں مگر ہم حضور انورۖ کو سب سے زیادہ اہمیت دیتے ہیں۔اس کی ایک وجہ تو ہماری جناب رسول اللہۖ سے محبت و عقیدت اور ہمارا ان کے ساتھ رشتہ ایمان میں بندھا ہونا ہے تو دوسری وجہ یہ بھی ہے کہ جو آپ ۖ نے انسانیت کو عطا کیا ہے وہ آپۖ سے پہلے یا بعد میں کسی نے نہیں دیا۔
دنیا کی دوسری شخصیات کو دیکھیں تو سکندر’رستم و دیگر نامور کمانڈرز جاہ و جلال دکھا کر چلے گئے’ کارل مارکس اورلینن جیسے لوگ نظریاتی نعرے دے کر جہاں فانی سے کوچ کر گئے۔
غرض کوئی علمی موشگافیاں دکھا کر چلا گیا کسی نے غلط نظریات میں الجھا کر اسے کمال تصور کیا۔ کسی نے انسانیت کو خاک وخون میں تڑپانے سے لطف حاصل کیا مگر حضورۖ کے انقلاب سے انسانیت کو رہنمائی’ امن ‘ہدایت و نور ملا ہے۔
اور آپۖ کے ارشادات آج کے مہذب انسان کے لئے بھی اسی طرح مفید اور حیات بخش ہیں۔ جس طرح 1500 سال قبل کے انسان کے لئے تھے۔ ان کی روشنی اور تابانی میں ذرا فرق نہیں آیا۔اخلاق کی جھلک’ کردار کی بلندی’ امانت ‘دیانت اور انسانیت کے لئے پیار جہاں بھی ہے وہ حضور صلی اللہ علیہ وسلم کا دیا ہوا ہے۔ آپ کی بتائی ہوئی باتیں آج بھی بڑے بڑے سائنس دان پڑھتے ان سے ہدایت و رہنمائی حاصل کرتے اور قلب سلیم رکھنے والے آپ کے آخری نبیۖ ہونے کی شہادت دیتے ہیں۔
اسلام کے دیئے ہوئے معاشی’ معاشرتی ‘سیاسی عدل اور خاندانی نظاموں کا جو بھی حصہ جانے انجانے میںکہیں بھی نافذ ہے دنیا اس کی برکات حاصل ہورہی ہیںاور مجموعی طور پر معاشرے ‘نظام اور اسلام کی بخشی ہوئی اچھائیوں کے طفیل ہی ترقی کر رہے ہیں۔ کئی معاشرے صرف سچ کی بنیاد پر آگے بڑھ رہے ہیں’ بعض ممالک صرف محنت کی بنیاد پر دنیا میں نام پیدا کرچکے ہیں۔
جاپان انسانی حقوق کی بناء پر پہچان بنا چکا ہے۔اسی طرح معاشرے سے لے کر فرد تک اسلامی تعلیمات کی برکات پھیلتی ہیں۔
حضور انور ۖ سے قبل افریقہ اور یورپ میں غلام بنانے کے بھیانک مناظر دیکھنے میں آئے ہیں ۔تاریخ گواہ ہے کہ کچھ لوگوں کو دہشت جمانے کی غرض سے بے دردی سے ہلاک کردیا جاتا اور باقیوں کو غلام بنا لیا جاتا تھا اور غلامی کی بھی اس حد تک گری ہوئی مثالیں ان لوگوں نے قائم کیں کہ اپنے معزز مہمانوں کے سامنے شراب و شباب سرو کرنے کے بعد ان کے ہاتھوں میں تیر دے دیئے جاتے ۔ غلاموں کو سامنے کونے میں بٹھا دیا جاتا اور تیر غلام پر برسائے جاتے۔ جوں جوں غلام تڑپتا تو مہمان محظوظ ہوتےِ جبکہ سرور کائنات نے زید بن حارثہ سے ایسا سلوک کیا کہ وہ اپنے والد اور چچا کے ساتھ جانے سے انکاری ہوگئے اور حضورۖ سے چمٹ گئے۔ اس پر تاریخ گواہ ہے کہ نبوت سے پہلے دور میں حضورۖ زید کو کعبے میں لے گئے اور اعلان کیا کہ آج سے زید کو زید بن محمد کہا جائے۔
قرآن پاک کے نزول کی اولین سورتوں میں سورہ بلد میں ”گردنیں آزاد کرو” کی واضح ایک آیت موجود ہے جبکہ آگے چل کر غلامی کے ادارے کو تدریج کے ساتھ مکمل طور پر اسلام نے ختم کردیا۔
میں تو سمجھتا ہوں کہ اصل روشنی اسلام ہی کے پاس ہے یہ مغرب کے پاس جو روشنی ہے وہ اس قسم کی روشنی ہے جو چور اور ڈکیت کے ہاتھ میں ہوتی ہے۔ وہ اس لائٹ سے اپنے گھر کا راستہ نہیں ڈھونڈ رہا ہوتا مگر دوسرے کے گھر اور دوسرے کے مال کی طرف ہدایت و رہنمائی لے رہا ہوتا ہے۔ روشنی وہی ہوتی ہے جو انسان کو انسانیت کا سبق دے۔ ڈیزی کٹر پھینکنے کے بعد بسکٹوں کے ڈبے پھینکنے سے خداوند کبھی خوش نہیں ہوتا۔
حضورۖ کی تعلیمات پر نگاہ دوڑائی جائے تو حیرانگی ہوتی ہے کہ جو بات آج ہم لمبی لمبی تقاریر میں نہیں کہہ پاتے آپ نے چند جملوں میں کہہ ڈالیں۔ مکہ سے مدینہ تشریف لانے پر آپۖ نے جو خطبہ ارشاد فرمایا جو ایک منٹ سے کم وقت کا تھا اور خطبہ حجة الوداع کے موقع پر آخری تاریخی خطبہ بھی مکمل لکھ لیا گیا اور اس کا وقت بھی دس منٹ سے زائد نہیں ہے۔
آیئے آپۖ کی انسان کے حوالے سے فرمائے گئے ارشادات کا جائزہ لیتے ہیں’میرا یہ آج بھی دعویٰ ہے کہ جو لوگ پیغمبر اسلام کے حوالہ سے نفرت انگیز تحریریں لکھتے ‘ توہین آمیز کارٹون بناتے اوردل آزار فلمیں دکھاتے ہیں ۔ ان تک محسن انسانیت کی تعلیمات حقیقی طور پر پہنچ ہی نہیں سکیں۔
اس موقع پر میں آپ ۖ کے مدینے داخل ہونے والے خطبے پر کچھ عرض کرنا چاہوں گا۔
آپ ۖنے فرمایا”سلام کو عام کرو” اور باہم کھانے کھلایا کرو ‘صلہ رحمی کیا کرو’رات کے اس پہر نماز پڑھا کرو جب لوگ سو رہے ہوں۔ تم جنت میں سلامتی کے ساتھ داخل ہوجائو گے۔
سلام ایک دعا ہے یعنی تم پر سلامتی ہو۔ اس کی تفصیل میں حضورۖ نے دوسرے موقع پر فرمایا کہ مسلمان وہ ہے جس کی زبان اور ہاتھ سے دوسرے مسلمان محفوظ رہیں۔
مزید برآں لفظ مسلمان کو بھی اپنی ایک حدیث میں واضح کردیا کہ جو کوئی ہماری طرح نماز پڑھے اور ہمارے قبلے کی پیروی کرے وہ مسلمان ہے۔ آپ ۖ یہاں تک مسلمانوں کے لئے رئوف و رحیم ہیں کہ آخری خطبے میں آپۖ نے یہ بھی واضح کردیا کہ مسلمان کی جان و مال ‘عزت اور آبرو دوسرے مسلمان پر حرام ہے اور میرے غیر مسلم بھائیوں کو یہ جان کر خوشی ہوگی کہ حدیث قدسی میں حضورۖ نے ہمیں آگاہ کیا کہ اللہ تعالیٰ فرماتا ہے۔
”لوگ میرا کنبہ ہیں” اور قرآن میں آیا کہ جو کوئی ایک انسان کی جان بچائے گا اس نے گویا پوری انسانیت کی جان بچائی۔ آپۖ کے ارشاد کے دوسرے حصے میں فرمایا گیا کہ آپس میں کھانے کھلایا کرو۔ ہمیں معلوم ہے کہ درندے ‘حیوان اور انسان میں فرق یہ ہے کہ درندہ شکار مار کر چیڑپھاڑ کرتا ہے۔ اپنا پیٹ بھرتا اور باقی کو وہیں پھینک دیتا ہے۔ حیوان کو جو دیا جائے وہ اسے کھا لیتا اور باقی پر گندگی کر دیتا ہے جبکہ انسان اپنا کھانے کے بعد باقی اپنے بھائیوں کو دے دیتا ہے۔ حضورۖ کی تعلیمات اس سے بھی ایک درجہ آگے ہیں۔آپۖ نے ایسے لوگ تیار کردیئے جنہیں میدان کار زار میں بھی کچھ پینے کو ملا ہے تو اسے اگلے زخمی بھائی کی طرف بڑھانے کا اشارہ کیا۔ گویا اسلام پہلے دوسرے بھائی کو کھلا کر پھر خود کھانے کا درس دیتا ہے حضورۖ کے ارشادات کے مطابق اگر کسی کا پڑوسی بھی بھوکا سویا ہوا ہو اور ہم نے پیٹ بھر کر کھانا کھایا ہو تو نہ صرف ہمارا یہ لقمہ حرام بن جائے گا بلکہ اس سے بڑھ کر ایسے شخص کا حضورۖ پر کوئی ایمان نہ ہونے کا سر ٹیفکیٹ بھی سرکارۖ نے جاری فرما دیا ہے۔
صبح تہجد کی نماز سے انسان کے دل میں نرمی پیدا ہوتی ہے ۔ خدا کی محبت اور اس کے بندوں سے پیار بڑھتا ہے۔ سورہ مزمل کے مطابق ایسا کرنے سے نفس پر ضرب کاری لگتی ہے تکبر وغرور جاتا رہتا ہے۔ انسان کے منہ سے اچھی اور پیاری بات نکلتی ہے۔ دعوت دینے کے آداب سمجھ میں آتے ہیں’ بقول اقبال
عطار ہورومی ہو رازی ہو غزالی ہو
کچھ ہاتھ نہیں آتا بے آہ سحر گا میں
یہ عمل انسان کے اندر برداشت اور حوصلہ بھی پیدا کرتا ہے جیسا کہ حضورۖ پر ایک مشرکہ بوڑھی کوڑا پھینکتی تھی جب چند دن اس نے ایسا نہ کیا تو معلوم ہوا کہ وہ بیمار پڑگئی ہے ۔ اس دن سرکارۖ اس کے گھر اس کی عیادت کرنے تشریف لے گئے۔ہمیں بڑی واضح ہدایات ہیں کہ ”تم میں سے بہتر وہ ہے جو لوگوں کے لئے نفع بخش ہو” انسانوں کے درمیان برابری کا درس آخری خطبہ میں جس شان سے دیا گیا ہے وہ اس بات سے عیاں ہے کہ UN کے آئینی چارٹر کی شقیں اس خطبہ رسولۖ سے لی گئی ہیں۔اسی طرح پوری شرح صدر کے ساتھ یہ بات کہی جاسکتی ہے کہ اگر کسی فرد’تنظیم یا ملک کا مقصد انسانیت کی فلاح قرار پایا ہے تو اسے اپنے اس مقصد میں کامیاب ہونے کے لئے اسوہ رسولۖ ہی اپنا لائحہ عمل قرار دینا ہوگا۔ جس قدر آپۖ کے طریقہ کار’فرمودات اور طرز ِ حیات پر عمل ہوگا اسی قدر انسانی فلاح کی منزل قریب تر ہوگی۔ اقبال نے اسی راز کو ایک مصرے میں یوں بیان کیا تھا’
دہر میں اسم محمدۖ سے اجالا کردے
اور میں قرآن مجید کی اس آیت پر اپنی تحریر کا خاتمہ کروں گا ”اگر تم اللہ سے محبت کرتے ہو تو میری (رسولۖ اللہ کی) اتباع کرو اللہ تم سے محبت کرے گا”۔

کالم شروع کرنے سے پہلے چند احادیث پیش خدمت ہیں۔حضرت ابوسعید خدری رضی اللہ تعالی عنہ سے مروی ہے کہ رسول اللہ صلی اللہ علیہ وسلم نے فرمایا: جس شخص کی تین بیٹیاں ہوں یا تین بہنیں ہوں اور وہ ان کے ساتھ احسان اور سلوک کا معاملہ کرے، ان کے ساتھ اچھا برتاو کرے، تو اس کی بدولت وہ جنت میں داخل ہوگا (ترمذی) حضرت ابوہریرہ رضی اللہ تعالی عنہ سے روایت ہے کہ حضور اقدس صلی اللہ علیہ وسلم نے فرمایا: جس شخص کی تین بیٹیاں یا تین بہنیں ہوں اور اس کو ان بیٹیوں یا بہنوں کی پرورش کا سابقہ پیش آئے اور وہ اللہ تعالی کی رضا کے لئے ان کی پرورش کرے اور ان کو تہذیب و ادب سکھائے اور ان کے کھلانے پلانے اور دیگر ضروریات کے انتظام کی تکلیف پر صبر کرے تو اللہ تعالی اس کے اس عمل کی وجہ سے اس کو جنت میں داخل کرے گا۔کسی نے سوال کیا: اگر دو بیٹیاں ہوں تو؟۔ آپۖ نے فرمایا: دو بیٹیوں کا بھی یہی حکم ہے۔

پھر کسی نے سوال کیا: اگر کسی کی ایک بیٹی ہو تو کیا وہ اس ثواب عظیم سے محروم رہے گا؟۔ آپۖ نے فرمایا: جو شخص ایک بیٹی کی اس طرح پرورش کرے گا، اس کے لئے بھی جنت ہے۔ (اتحاف الساد المتقین) میں نے اپنی دوسری بیٹی بھی رخصت کردی۔میں نے اس بیٹی کی بھی شفقت پدری کے جذبے کے تحت اور اسلامی احکامات کی روح کے مطابق بہترین پرورش کی ہے۔اپنی حیثیت کے مطابق لائف اسٹائل فراہم کیا۔بیٹی کو سوفٹ وئیر انجینئرنگ کے بعد ڈیٹا سائنس میں ایم فل کروایا اور اضافی طور پر ہومیو پیتھی کا ڈاکٹر بھی بنایا۔بیٹی کی رضامندی سے اس کا رشتہ طے کیا۔جائیداد سے اس کا شرعی حق مختص کیا اور اپنے وسائل کے مطابق اس کی رخصتی کی تقریب کا اہتمام کیا۔یوں اپنی پیاری بیٹی فاطمہ صدف کو بھی رخصت کردیا۔تقریب سادہ رکھی لیکن اپنے مہمانوں کی خاطر داری میں کسر نہیں رہنے دی۔یہ بھی اللہ کی توفیق سے ممکن ہوا۔میں گزشتہ 25برس سے راولپنڈی/اسلام آباد کے سماجی کاروباری وسیاسی حلقوں میں اٹھنا بیٹھتا ہوں اور ہر شعبے سے تعلق رکھنے والے احباب سے ایک قربت پیدا ہوگئی ہے۔ان احباب نے بڑی مہربانی کی اور کورونا کے ڈر کے باوجود بڑی تعداد میں تشریف لائے۔ہر کسی نے بیٹی کیلئے دعا دی اور مجھے عزت بخشی۔ جو نہ آسکے انہوں نے فون پر معذرت کی۔ہماری مغل برادری کے سرپنچ پنجاب سر مایہ کاری بورڈ کے چیئرمین اور سنٹورس کے چیف ایگزیکٹو محترم سردار تنویر الیاس خان اور مغل برادری کی ملک بھر سے نامور شخصیات جلوہ افروز تھیں۔جہلم سے خاص طور پر جناب میاں نعیم بشیر حاجی عمران اسلم مغل اور جناب ندیم ساجد مغل اپنے دوستوں کے ہمراہ شریک ہوئے۔فیصل آباد سے مہمان آئے۔بدین سے ڈاکٹر ذوالفقار مرزا صاحب کے خصوصی نمائندے جناب منیر مرزادوستوں کے ہمراہ خصوصی طور پر تشریف لائے۔کشمیر سے جنید مغل مانسہرہ سے جناب شفیق مغل بھی موجود تھے۔معروف کالم نگار جناب مظہر برلاس اور عبدلودود قریشی بھی وقت نکال کر آئے۔اکبر مغل،شفیق مغل،ناصر مغل، کامران مغل،سردار صدیق خان ،بیگ راج اور ارشد مغل سب تھے۔اپنا بینک کے چیئر مین جناب میاں شاہد نے اپنی انتہائی مصروف زندگی سے وقت نکالا۔وہ کافی دیر ہمارے ساتھ موجود رہے۔یو آئی سی کی پوری ٹیم اس اہم ترین تقریب کی رونقیں بڑھا رہی تھی۔لاھورسے مشتاق ورائچ اور ایڈیشنل سیکرٹری پیٹرولیم چوہدری ایوب میرے یونیورسٹی فیلوز کے ہمراہ تشریف لائیں ۔ڈاکٹر اعظم، ڈاکٹر نعیم مغل، ڈاکٹر جاوید قریشی، ڈاکٹر اعجاز نسیم، اے ایس پی چوہدری الفت اور پنڈی چیمبر کے سابق صدر عامر اقبال راجہ نے بھی شرکت کی۔ حاضر سروس بیوروکریٹ،ریٹائرڈ جرنیل صاحبان،صحافی دوست اور کارپوریٹ سیکٹر کے دوست بھی نمایاں تھے جنرل فیض علی چشتی، جنرل اسددرانی، جنرل آصف دریز، بریگیڈئر اسلم، بریگیڈئر تصدق، کرنل بختیار حکیم، سیشن جج ارشد محمود، ڈی جی این سی آر ڈی اسرار احمد، ڈاکٹر امتیاز گوندل ، سی ڈی اے کے ڈائریکٹر ریونیو میاں طارق لطیف اور ناصر مغل نے بھی مہربانی فرمائی۔جس جس کو دعوت ملی وہ ٹریفک جام کی مشکلات کے باوجود تشریف لائے لیکن ایک سستی مجھ سے ہوئی۔میں گزارش کرونگا کہ محترم والدین اس سستی سے بچیں۔ہم وقت بچانے کیلئے آجکل وٹس ایپ پر ہی دعوت نامے بھیج دیتے ہیں۔میرے خیال میں بیٹی کی رخصتی کی دعوت پورے اہتمام سے دی جانی چاہیے۔میرا احساس یہ ہے کہ چاہے سادہ سا کارڈ ہو،دعوت نامہ مہمان کے پاس ضرور پہنچنا چاہیے۔شہر کے رہنے والوں کو بھی بائی ہینڈ یا بذریعہ ڈاک دعوت نامہ دینا بیٹی کی رخصتی کو یادگار بنا دیتا ہے۔کامسیٹ یونیورسٹی کے سامنے پاکستان بینکوئٹ ہال میں تقریبا پانچ سو مہمانوں کی میزبانی کرکے اطمینان ہوا۔کھانا لذیز تھا،انتطامات خوبصورت تھے اور سروس تیز رفتار تھی۔پارکنگ وسیع اور انتظامیہ ہمدرد پائی۔الحمدللہ ! میری بیٹی کو سینکڑوں دوستوں نے اپنی دعاں میں رخصت کیا۔احادیث نبوی میں دی بشارت کا میں حقدار ہو گیا۔یہ میری اور میرے اہل خانہ کی خوش نصیبی ہے۔مجھے پختہ یقین ہے کہ بیٹیوں کی خدمت سے اللہ راضی ہوتا ہے۔ بیٹیوں کی پیدائش پر چہرہ سیاہ کرنے والو۔بیٹیاں اللہ کی رحمت ہوتی ہیں۔

وطن عزیز اپنے آغاز سے ہی گوناگوں مسائل سے دوچار رہا ہے۔مسائل کی نوعیت داخلی بھی ہے اور خارجی بھی۔میں نے جب سے اخبارات پڑھنے شروع کیے ہیں یہی سنا اور پڑھا ہے کہ ملک نازک دور سے گزر رہا ہے۔اور اس بات میں کوئی شک بھی نہیں۔اپنوں کی نااہلیاں،حرص و ہوس اور باہمی انتقام نے جہاں ملک میں اچھی حکمرانی کا خواب کبھی پورا نہیں ہونے دیا وہیں خارجی محاذ پر دشمن نے ہمیشہ سازشوں کے جال بچھا رکھے ہیں۔آج ہم پھر قومی بقا کی جنگ لڑرہے ہیں۔لیکن پاکستان کے عوام اپنے حکمرانوں سے یہ پوچھنے میں حق بجانب ہیں کہ بہتات میں پیدا ہونے والی گندم اور چینی کی قیمت کنٹرول سے باہر کیوں ہوگئی۔روپیہ افغانستان کی کرنسی سے بھی کیسے نیچے چلا گیا،جی ڈی پی مائنس میں کیسے ہوگئی۔قرضے کیسے بڑھ گئے اور جرائم کی شرع میں کیسے اضافہ ہوگیا؟ یہ ٹھیک ہے کہ ستر برس سے اس ملک میں کرپشن ہورہی ہے۔یہ بھی سچ ہے کہ انصافی حکومت نے سابق حکمرانوں کو بڑی کامیابی کیساتھ نیب اور ایف آئی اے کے ذریعے کنٹرول کیا ہوا ہے۔ لیکن اب بھی ہر سال 10ارب ڈالر باہر جارہے ہیں۔کراچی میں بجلی نایاب ہے۔سردیوں میں گیس نہ ہونے کی “خوشخبری” وزیراعظم خود ہی دے رہے ہیں۔

دوسری جانب خارجی محاذ پر بھی سوالات اٹھ رہے ہیں۔ صورتحال تسلی بخش نہیں ہے۔مقبوضہ کشمیر کو جس طرح ہماری آنکھوں کے سامنے مودی نے بھارت میں ضم کیا ہے وہ انتہائی تکلیف دہ ہے۔گلگت بلتستان اور آزاد کشمیر کے حوالے سے ہرروز اشتعال انگیز دھمکیاں مل رہی ہیں۔کنٹرول لائن پر فائرنگ کرکے دشمن ہمارے معصوم کشمیری بہن بھائیوں کو زخمی اور شہید کررہا ہے۔کے پی کے میں پھر سے دہشت گردی کے واقعات شروع ہو چکے ہیں۔
کہا جاسکتا ہے کہ قومی اداروں کے مثالی تعاون کے باوجود حکومت چلانا جناب عمران خان کے بس میں نہیں ہے۔نوجوانوں کی جماعت اور ایک قومی ہیرو کے اقتدار کا تجربہ بھی بری طرح ناکام ہوتا دکھائی دے رہا ہے۔
پاکستان میں نظام حکمرانی کے مختلف تجربات کیے گئے اور بار بار کیے گئے۔مارشل لا بھی پاکستان کے دکھوں کا مداوا نہ کر سکے۔کنٹرولڈ ڈیموکریسی کے ذریعے بھی سیکولر جماعتوں کا راستہ کھلا رکھا گیا۔اب تو تمام رازوں سے پردہ اٹھ چکا کہ پاکستان کے دشمن نہیں چاہتے کہ اسلام کے نام پر بننے والے اس ملک میں مذہبی جماعتوں کو اقتدار ملے۔لیکن کیا ہم بھی یہی چاہتے ہیں۔خود امریکہ جب چاہتا ہے طالبان سے صلح کر لیتا ہے لیکن پاکستان پر دبا ہے کہ یہاں جماعت اسلامی یا جمعیت علمائے اسلامی کسی دینی جماعت کو فیصلہ سازی کے عمل سے دور رکھا جائے۔
میں مذہبی قیادتوں کا ناقد ہوں ۔لیکن اگر سیکولر قیادتوں کے ساتھ دینی سیاسی رہنماں کا تقابل کیا جائے تو کسی بھی مکتبہ فکر کے رہنما ان سیاسی لیڈروں سے کہیں زیادہ ایماندار،اہل اور محب وطن ثابت ہوئے ہیں۔آپ مولانا فضل الرحمان پر ہزار تنقید کریں لیکن کوشش کے باوجود حکومت کسی طرح کی کرپشن ثابت نہیں کرسکی۔جماعت اسلامی کے امیر انتہائی درویش صفت رہنما ہیں۔ سنی ہوں یا شعیہ ان کے رہنما اعلی کردار کے لوگ ہیں۔یہی اعلی صفات دیگر مذہبی شخصیات میں بھی موجود ہیں۔دوسری طرف شریف برادران ہوں،زرداری صاحب کی پارٹی ہو یا عمران خان کی تحریک ہو،ان کے بارے میں ہر طرح کے اخلاقی اور مالی سکینڈلز سامنے آرہے ہیں۔پاکستانی قوم کو بھی اس حوالے سے سوچنا چاہیے اور اسٹیبلشمنٹ کو بھی دل کشادہ کرنا چاہیے۔اور دینی قیادتوں کو بھی آزما لینا چاہیے۔
خود مذہبی قیادتوں کا بھی فرض ہے کہ وہ مسلکی اختلافات سے بالاتر ہو کر ایک وسیع مذہبی سیاسی اتحاد بنائیں اور سیکولر پارٹیوں کے متبادل کے طور پر سامنے آئیں تاکہ ملک کے حالات بہتر ہو سکیں۔اقبال نے کہا تھا،
تو نے پوچھی ہے امامت کی حقیقت مجھ سے
حق تجھے میری طرح صاحبِ اسرار کرے
ہے وہی تیرے زمانے کا امامِ برحق
جو تجھے حاضر و موجود سے بیزار کرے
یہ خصوصیات ہماری دینی قیادتوں میں ہی پائی جاتی ہیں۔

خیر اور شر کا تصادم فطری اور دائمی ہے

ایسا کبھی ہوا نہیں کہ دنیا سے شر مکمل طورپر ختم ہوگیا ہو۔انسان کے اندر شر کی قوتیں خیر کی طاقتوں سے ہمیشہ نبردآزما رہتی ہیں ۔آپ اسے حضرت انسان کی فطرت کہہ سکتے ہیں ۔ان شرانگیز طاقتوں کو آپ نیگیٹیو فورسز کا عنوان دے سکتے ہیں ۔قرآن انہیں شیطانی طاقتوں کا نام دیتا ہے ۔ہر منفی سوچ ،ہر تخریبی تصور ہر انسان دشمن منصوبہ ،ہرابلیسی حربہ چاہے اس کا محل وقوع انسان کی اپنی ذات ہو ،اس کا ماحول ہو،ملک ہویاسرزمین ہو

،شیطان ہی کی کارستانی قرار پائے گی۔ہوس ،لالچ،ظلم ،استبداد ،بدعنوانی ، بدامنی،بد عہدی ،دھوکہ دہی ،نوسر بازی ،بزدلی ،منافقت،ہیجان انگیزی ،خیانت، جھوٹ ، فراڈ ،بے ادبی ،فریب کاری ،بعض وعناد،انا پرستی ،چوری ،ڈاکہ زنی ،قتل وغارت اور وحشت وبربریت یہ تمام وہ بیماریاں ہیں جنہیں شیطان نے ایجاد کیا ہے اور وہ کمال ہوشیاری کیساتھ انسانی دل ودماغ میں ان کی پیوندکاری کرتا ہے اور انسان کو شرکے راستے پر ڈال دیتا ہے ۔تشکک اور بے یقینی ،مایوسی اور غفلت جیسے ہتھیاروں سے مسلح ہوکر شیطان جب حملہ آور ہوتا ہے تو بڑے بڑے پختہ عزم انسان ریت کا ڈھیر ہوجاتے ہیں ۔شیطان کا تصور ہر مذہب اور عقیدے کے پیروکاروں میں اپنے اپنے ناموں اور حوالوں سے موجود ہے ۔قرآن نے اس تصور کو بڑے بلیغ پیرائے میں بیان فرمایا ہے ۔

”شیطان نے کہا میں بھی اب تیری سیدھی راہ پر (چلنے والے )انسانوں کی گھات میں لگارہوں گا۔آگے اور پیچھے دائیں اور بائیں ہر طرف سے انہیں گھیروں گا اور توان میں سے اکثر کو شکر گزار نہ پائے گا۔“(سورة اعراف)

حدیث نبوی ہے :۔

”شیطانی وسوسے تمہارے وجود میں خون کی طرح گردش کرتے ہیں “

فطرت نے انسان کو شیطان کے مقابلے میں تنہاءنہیں چھوڑا ۔یہ ہرگز نہیں کہ انسان شیطان کے مقابلے میں بے بس پیدا کیا گیا ہے ۔خالق نے انسان کو پیدا کرتے وقت پانچ چھ فٹ قد کے اس جسم کے اندر ہی وہ آلہ لگادیا ہے جو انسان کو قدم قدم پر آگاہ کرتا ہے کہ تم اب شیطانی قوت کے زیر اثر آرہے ہو۔جس طرح گاڑی اوورسپیڈ ہونے پر سرخ رنگ کی بتی اور آلارم بجنا شروع ہوجاتے ہیں اسی طرح انسان کے اندر ضمیر نام کا ایک آلارم بجنا شروع ہوجاتا ہے ۔غافل سے غافل انسان بھی یہ نہیں کہہ سکتا کہ اسے اچھائی اور برائی میں تمیز نہیں ہے ۔وہ جنگل میں رہتا ہو ۔یا بازاروں کے شورشرابے میں زندگی بسر کرتا ہو،حرف شناس ہویا ان پڑھ ۔رنگ ،نسل ،زبان اور عقیدے کی تفریق کے بغیر جوروح بھی لباس فطرت میں ڈھلی ہے اسے ضمیر کا آلہ لگاکر بھیجا گیا ہے ۔

ارشاد ہوتا ہے ۔

اور گواہ ہے وہ نفس انسانی (ضمیر) اور اسکی ذات جسے ہم نے ہموار کیا۔پھر اس کی بدی اور پرہیز گاری اس پر الہام کردی۔یقینا فلاح پاگیا جس نے نفس کا تزکیہ کیا اور نامراد ہوا وہ جس نے اسے دبادیا۔(سورة شمس)

قرآن نے احسن تقویم کا ٹائٹل ہی انسان کو اسی لئے عطا کیا ہے کہ وہ واحد جاندار ہے جو اچھائی اور برائی میں تمیز کرسکتا ہے ۔ جس طرح شیطان منفی ہتھکنڈوں سے مسلح ہے اسی طرح انسان اپنے ضمیر کی زبردست طاقت سے مز ّین ہے ۔یہی وجہ ہے کہ ابتدائے آفرینش سے لیکر آج تک شر اور خیر باہم نبردآزما رہتے ہیں ۔ایسا کبھی ،کسی دور میں نہیں ہوا کہ شر غالب آجائے اور خیر کی قوت مفتوح ہوجائے ۔ایسا ہوتا تو انسانیت کا قافلہ بیچ راہ کے فنا ہوچکا ہوتا ۔آج ساڑھے چھ ارب انسانوں کا وجود اس بات کا ثبوت ہے کہ خیر کی طاقتیں مفقودنہیں بلکہ موجود ہیں ۔

بقول اقبالؒ:۔

ستیزہ کار رہا ہے ازل سے تا امروز

چراغ مُصطفوی سے شرارِ بوالہبی

سوئے ہوئے ضمیر کو الہامی کتب ہی جگاسکتی ہیں

آپ اپنے گھر سے سکیورٹی آلارم کو ہٹا دیجئے یا اس کی تاریں کھینچ دیں تو پھر واردات کرنے والوں کو کوئی خطرہ نہیں رہتا ۔نہ آلارم بجے گا نہ آپ جاگیں گے ۔نہ اپنے مال واسباب کا تحفظ کرسکیں گے ۔نفسیاتی ماہرین کا کہنا ہے کہ انسان کو اگر مسلسل ایک ماہ تک کسی واقعہ پر ضمیر نہ جھنجھوڑے تو سمجھئے کہ انسان کا ضمیر سورہا ہے ۔یعنی الارم کا کنکشن کٹ گیا ہے ۔حقیقت یہ ہے کہ ضمیر کبھی نہیں سوتا ۔دراصل انسان اپنے کان بند کرلیتا ہے ۔طیش اور عیش انسانی دل ودماغ کی دوایسی حالتیں ہیں جن میں مبتلا ہوکر انسان اپنے جاگے ہوئے ضمیر کو بار بار سلانے کی پریکٹس کرتا ہے ۔شیطان کی جیت کا یہ عجب منظر ہوتا ہے ۔یہ وہ حالت ہوتی ہے کہ انسان خود اپنے آپ کو ماررہا ہوتا ہے ۔وہ اس قدر شقی القلب ہوجاتا ہے کہ اپنی زندگی کے سب سے بڑے محافظ یعنی ضمیر کو اپنے ہاتھوں سے بے بس کردیتا ہے ۔ایسی حالت سے نکلنے کیلئے ہی عقیدے اور ایمان کی ضرورت پڑتی ہے ۔خالق کائنات نے مردہ ضمیر انسانوں کو جگانے اور واپس فطرت کی طرف لوٹانے کیلئے اپنے پسندیدہ انسانوں یعنی پیغمبروں کے ذریعے زندگی کی گائیڈ بکس اتاری ہیں ۔!

ارشادرباّنی ہے :۔

”اے نبی ﷺ ہم نے تم کو شہادت دینے والا ،بشارت دینے والا اور خبردار کردینے والا بناکر بھیجا ہے تاکہ اے لوگو تم اللہ اور اس کے رسول پر ایمان لاﺅ،اس کے رسول کا ساتھ دو اس کی تعظیم وتوقیر کرو اور صبح شام اللہ کی تسبیح کرو۔“(سورة فتح)

مذہب ،دین اور ایمان یہ کوئی ایسی غیر ضروری یا نمائشی اشیاءنہیں ہیں جنہیں انسانی زندگی کو محض زیبا بنانے کیلئے اتارا گیا ہو ۔زندگی کی گاڑی کو کامیابی کی پٹڑی سے نہ اترنے دینا اور متعین وقت میں منزل تک پہنچا دینے کیلئے ضمیر کافی ہے لیکن چونکہ انسان اس آلارم کو جان بوجھ کر سلادیتا ہے اس لئے اسے واپس پٹڑی پر لانے کیلئے الہامی ہدایات کی ضرورت ہوتی ہے ۔جس طرح کار بنانے والے کو علم ہے کہ کار کا مینوئل کیا ہوگا ۔اسی طرح انسان کے خالق کو علم ہے کہ انسان کی کامیابی کیلئے کون کون سی حدود وقیود اور کس طرح کی احتیاطی تدابیر کی ضرورت ہوگی ۔خالق کائنات نے بڑی محنت ،انتہائی محبت اور بے پناہ چاہت کیساتھ وحی کے ذریعے ہر امت ہر گروہ کیلئے ہدایات نازل فرمادی ہیں ۔

ارشاد رباّنی ہے ۔

”یہ بڑی بابرکت کتاب ہے جو تمہاری طرف نازل کی گئی ہے تاکہ یہ لوگ اس کی آیات پر غور کریں اور عقل وفکر رکھنے والے اس سے سبق حاصل کریں۔“(سورة ص)

انسانیت کا اہم مسئلہ

انسانیت کے سارے مسائل کی جڑ الہامی تعلیمات سے دوری ہے ۔الہامی تعلیمات سے گریز نے ہی آج کے انسان کو شیطانی قوتوں کے آگے بے بس بناکر رکھ دیا ہے ۔ سائنس اور سائنسی طرز فکر کا سب سے بڑا نقصان یہ ہے کہ اس نے انسانی ذہنوں کو شک میں مبتلا کردیا ہے ۔جب تک کسی معاملے میں انسان خود تجربات کرکے کسی نتیجے تک نہ پہنے وہ معاملے کی صداقت اور حقانیت کو تسلیم کرنے پر آمادہ ہی نہیں ہوتا ۔انسانی ذہنوں نے وحی اور الہام کو بھی سائنس کی کسوٹی پر پرکھنے کی کوشش کی ہے انسانی ذہن محسوسات تک محدود بنایا گیا ہے ۔اس لئے وہ اللہ ،رسولﷺ اور کتاب اللہ ،جیسے الہامی حقائق کو مشکوک نگاہوں سے دیکھتا ہے ۔جب کہ الہامی ہدایات کا تقاضا یہی ہے کہ ان کی حقانیت میںرتی برابر شک نہ کیا جائے ۔خواہشات اور تعصبات میں پڑے بغیر اس کے ذریعے تعقل ،تفکر اور تذکر کیا جائے ۔اس برترکلام ہی نہیں اپنی زندگیوں میں حکم کا درجہ دیا جائے ۔اس سے ہدایت پاکر اس پر عمل کرنے کا ارادہ اور اس کے تقاضے جب سمجھ میں آجائیں تو چند لمحات ضائع کیے بغیر اس کے سامنے سرنگوں کردیا جائے۔

گو کہ اب مابعد طبیعات کے علم پر بھی بہت کام ہورہا ہے اور امید رکھنی چاہیے کہ انسانیت اپنی اجتماعی فطرتی بصیرت کے ذریعے اپنے خالق حقیقی کو جلد پہچان لے گی اور الہامی کتابوں اور ان کے ذریعے پہنچنے والی کائناتی سچائیوں پر بحیثیت مجموعی ایمان لے آئے گی لیکن قافلہ انسانی ہنوز شبہات کے اندھیروں میں غلطاں وپیچاںہے ۔بظاہر انسان نے ستاروں پر کمندیں ڈال لی ہیں ،سورچ کی روشنی کو گرفتار کرلیا ہے ،کائنات کے ظواہر کو ایک ”مٹھی “میں سمو دیا ہے ،کمپیوٹر سے آگے نینو ٹیکنالوجی کی طرف بڑھ رہا ہے ۔لیکن اس سب علم ودانش ،تحقیق اور تخلیق کے باوجود لائف مینوئل (الہامی ہدایات)کی سچائی پر ڈگمگاتا ایمان اسے تسخیر کائنات کیلئے یکسوئی مہیا نہیں کررہا ہے ۔اور احسن تقوم کا جو اعزاز فاطر ارض وسما نے عطاءفرمایا ہے انسان ابھی اس اعزاز سے پوری طرح لطف اندوز نہیں ہوپارہا ۔قافلہ انسانیت کا سب سے بڑا مسئلہ یہ ہے کہ شک وشہبات نے اجتماعی ضمیر مردہ کردیا ہے اور الہامی تعلیمات سے دوری کی وجہ سے اس کے ضمیر کو جگانے والے تمام ذرائع بے اثر ہورہے ہیں ۔آج کی ہر ترقی ایک نئی الجھن کی نشاندہی کرتی ہے ۔ہر ایجاد کسی نئی تباہی کا پیش خیمہ بن رہی ہے ۔!محبان انسانیت کو آگے بڑھ کر رہنمائی کرنی چاہیے اور الہامی قوائد وضوابط کی تشہیر کرکے تیز رفتار گاڑی کو نیکی اور راست روی کی پٹڑی سے سرکنے نہیں دینا چاہیے ۔ورنہ طیش اور عیش ،یاسیت اور جہالت کی شیطانی قوتیں اس خوبصورت زمین کو جہنم بنادیں گی۔!

(بقول علامہ اقبال)

ڈھونڈنے والا ستاروں کی گزرگاہوں کا

اپنے افکار کی دنیا میں سفر کرنہ سکا

جس نے سورج کی شعاعوں کو گرفتار کیا

زندگی کی شب تاریک سحر کرنہ سکا

پاکستان میں خیر کی قوتیں مغلوب کیوں؟

کسی بھی معاشرے اور تہذیب میں جب تک خیر کی قوتیں غالب رہتی ہیں معاشرے تباہ نہیں ہوتے ۔بداطمینانی نہیں پھیلتی اور انتشار گلی کوچوں میں ننگا نہیں ناچتا ۔ملک ،سلطنت اقتدار اور اختیار یہ وہ انعامات ہیں جو فطرت خوش ہوکر کسی قوم ،گروہ یا فرد کیلئے ممکن بنادیتی ہے ۔لیکن جہاں یہ انعامات ہیں وہیں آزمائش بھی ہوتی ہے ۔پاکستان ،ایک نیا ملک ،ایک انعام تھا لیکن ہم نے اپنے زندہ ضمیروں کو ہوس اور لالچ کے ہتھوڑے مارمارکر ادھموا کردیا اور آج یہی انعام ہمارے لئے بہت بڑی آزمائش بن چکا ہے ۔جب گھر کے باسیوں کو اپنے گھر کے درودیوار سے خوف آنے لگے تو اس سے بڑی آزمائش کیا ہوگی ۔دانشور اور غم خوار حلقے ہمیں کسی بڑے قومی حادثے سے بچانے کیلئے نت نئے فارمولے اور حل پیش کرتے ہیں ۔کوئی گڈ گورنس کی بات کرتا ہے ۔کسی کو صدارتی طرز حکومت میں مسائل حل ہوتے دکھائی دیتے ہیں ،کئی مغربی جمہوریت ہی کو کامل حل ثابت کرتے ہیں ۔کسی کا خیال ہے کہ سخت ترین قانون ہمیں شیطانی بیماریوں سے نجات دلاسکتا ہے ۔کسی کو تمام مسائل کی جڑ فوجی اقتدار دکھائی دے رہا ہے ۔کوئی اسلامی انقلاب کا جھنڈا لہرانے میں نجات کی امید لگائے بیٹھا ہے ۔غرض جتنے ذہن ہیں اتنے ہی فارمولے گردش کررہے ہیں ۔پاکستان اس وقت عملی طورپر تیسری دنیا کا چوتھے نمبر کا ملک ہے جس میں ہر تخریبی قوت ،ہر منفی جذبہ اور ہر شیطانی حربہ پوری طاقت اور قوت کیساتھ پھل پھول رہا ہے ۔شرکے مقابلے میں خیر دبکا بیٹھا ،منتظر فردا ہے ۔!

وہ کونسا جذبہ ہے جو ہمیں جھوٹ بولنے سے روکے گا ۔جو ہمیں ذخیرہ اندوزی سے بازرکھ سکتا ہے ۔ہم کیوں ہوس پرستی چھوڑیں ۔کس کی خاطر بدعنوانی دھوکہ دہی ،بُغض وعناد سے باز رہیں ؟منافقت ترک کریں ؟ایک دوسرے کو روند ڈالنے کی روش ترک کرنے سے کیا حاصل ہوگا ؟۔ضمیر کو جگاڈالنے کا فائدہ کیا ہے ؟نت نئی فریب کاریاں کس کی خاطر چھوڑ دی جائیں ؟۔یہی وہ سوالات ہیں جو ہمیں بحیثیت قوم تذبذب میں مبتلا رکھتے ہیں اور ہم اپنی اس جنت نظیر سرزمین کو شیطانی جذبوں کے سبب جہنم زار بنارہے ہیں ۔کوئی قانون ۔کوئی ضابطہ ،کوئی اتھارٹی ،کوئی خوف اور کوئی شوق ہمیں اس وقت تک راہ راست پر نہیں لاسکتا جب تک ہم بحیثیت قوم اللہ تعالیٰ کی طرف سے زندگی کے آغاز اور انجام کے بارے میں ارشاد فرمائے گئے احکامات پر کامل یقین پیدا نہیں کرتے ۔

ارشاد ہوتا ہے ۔

”اہل کتاب اورمشرکین میں سے جن لوگوں نے کفر کیا وہ یقینا جہنم کی آگ میں جائیں گے اور ہمیشہ وہاں رہیں گے ۔یہ لوگ بدترین خلائق ہیں ۔اور یقینا جو لوگ ایمان لائے اور نیک عمل کیے وہ بہترین خلائق ہیں ۔ان کی جزاءان کے رب کے ہاں دائمی قیام کی جنتیں ہیں جہاں وہ ہمیشہ ہمیش رہیں گے ۔اللہ ان سے راضی اور وہ اپنے رب سے راضی ہوئے ۔یہ سب اس کیلئے ہے جس نے اپنے رب کا خوف کیا ہو۔(البینہ )

جب مجھے یقین ہوگا کہ مجھے دنیا میں کئے گئے ہر عمل کا روز محشر حساب دینا ہے تو میں کسی سماجی قانون ،کسی داروغے کے نہ ہوتے ہوئے بھی خیر پر کار بند رہوں گا ۔جب مجھے یقین ہوگا کہ شیطانی قوتوں کے تابع کئے گئے افعال مجھے دہکتی آگ میں جلائیں گے تو مجھے میرے اندر کا انسان برائیوں سے روکے گا ۔جب مجھے یقین ہوگا کہ رزق حلال کمانے سے مجھے جنت ملے گی جس میں میرے وہم وگمان سے بھی کہیں زیادہ نعمتیں مختص ہوں گی تو پھر میں چند اضافی ٹکوں کے عوض کسی کا حق نہیں ماروں گا ۔زندگی بعد از موت ،جنت کا شوق اور دوزخ کا خوف ،اللہ کی دوستی میں پختہ یقین اور اعمال نامے کی خوبصورتی ،یہی وہ ایمان ہے یہی قرآنی تعلیمات ہیں جو ہر مذہب ،ہر عقیدے میں تھوڑی بہت تبدیلیوں کے ساتھ ایک جیسے ہیں ۔اگر آج کا پاکستانی اپنے اپنے عقیدے کے مطابق الہامی تعلیمات پر کاربند ہوجائے تو شر کے ہاتھوں مغلوب یہی سولہ کروڑ انسان خیر کی بہت بڑی قوت بن جائیں گے ۔جب تک اکائی سیدھی نہیں ہوتی ،اجتماعیت ٹیڑھی ہی رہے گی ۔اصلاح احوال کا واحد حل صالحیت میں ہے اور انسانی دل ودماغ زیادہ دیر تک صالح اعمال سے دور نہیں رہ سکتے ۔اس لئے میرا ایمان ہے کہ پاکستان کے تمام مسائل کا حل اب بھی ممکن ہے ۔شرط یہ ہے کہ ہرپاکستانی قرآن کی فطرتی تعلیمات سے جڑ جائے ۔اگر کوئی عیسائی ہے تو وہ حضرت عیسیؑ کی آفاتی ہدایات پر عمل کرکے کسی مذہب اور عقیدے نے جھوٹ کو نیکی قرار نہیں دیا ،ظلم کو جواز نہیں بخشا ،خیانت کو صلاحیت نہیں کہا ۔انسان دشمنی کو بہادری قرار نہیں دیا ۔کرپشن کو عزت کا موجب نہیں ٹھہرایا ۔

ہمیں اپنے حیوانی ،عقلی، روحانی اوراخلاقی وجود کا تذکیہ قرآن مجید کی تعلیمات کے ذریعے کرنا ہوگا ۔یہی کردار سازی کا بہترین ذریعہ ہے ۔کیونکہ کردار سازی اس وقت تک ہو ہی نہیں سکتی جب تک انسان کے اندر ایمان کا بیج نہ ہو۔ ضمیر اور الہامی تعلیمات کی خوراک دے کر ایمان کا پودا ہرا بھرا کیا جاسکتا ہے ۔یہی انسانی عروج کی اساس ہے۔

مکالے کے آخر میں پاکستانی بہن بھائیوں کو قرآن یعنی انسانی ہدایت کے مرکز سے جڑے رہنے کی ترغیب دلارہا ہوں ۔بقول شاعر:۔

اپنے مرکز سے اگر دور نکل جاﺅ گے

خواب ہو جاﺅ گے افسانوں میں ڈھل جاﺅ گے

اپنی مٹی پہ ہی چلنے کا سلیقہ سیکھو

سنگ مر مر پہ چلو گے تو پھسل جاﺅ گے

دے رہے ہیں جو لوگ تمہیں رفاقت کا فریب

ان کی تاریخ پڑھوگے تو دہل جاﺅ گے