عورت نصف انسانیت ہے۔دوسرے لفظوں میں انسانیت کی نصف ذمہ داریاں عورت کے اور نصف ذمہ داریاں مرد کے سر ہیں۔ ہر ایک کی ذمے داریاں یا فرائض جدا جدا اپنی اپنی جگہ نہایت اہم اور ضروری ہیں قدرت نے اپنی کمال حکمت سے مرد اور عورت کو ان کے مخصوص جسم ذہن اور نفسیات کے طبی فرق کو ملحوظ خاطر رکھتے ہوئے الگ الگ نوعیت کی ذمہ داریاں سونپی ہیں۔عورت کمزور اور نازک ہے لہٰذا عورت کے ذمے وہی فرائض سونپے گئے ہیں جن کی انجام دہی میں غیر معمولی جسمانی و ذہنی طاقت اور قوت درکار نہ ہو۔مرد عورت کی نسبت زیادہ طاقتور اور جسم ہے لہٰذا اس کے ذمہ اور سونپے گئے جو غیر معمولی قوت اور طاقت کا مطالبہ کرتے ہیں۔
فکر معاش انسانی زندگی کا سنگین ترین مسئلہ ہے۔انسان کی تمدنی کامیابی اور قدرومنزلت بڑی حد تک اس کی اقتصادی مضبوطی سے وابستہ ہے۔ یہ فکر انسان کو شدید قسم کی جسمانی و ذہنی قباحتوں اور مصیبتوں سے گذرنے پر مجبور کرتا ہے۔موسموں کی شدت سے دوچار کرتا ہے۔طوفانوں اور سخت ہوائوں سے لڑانا ہے۔آسمانوں اور زمین کی خاک چھاننے پر مجبور کرتا ہے۔سمندروں میں غوطے لگانے اور پہاڑوں کی چوٹیاں سر کرنے کا حکم لگاتا ہے۔ان کو اس فکر کی بدولت گھاٹ گھاٹ کا پانی پینا پڑتا ہے۔طرح طرح کے خطرے مول لینا پڑتے ہیں اور دل دہلا دینے والے نقصانات جھیلنے پڑتے ہیں۔بدترین قسم کی ماتحتی اور تابعداری سے واسطہ پڑتا ہے غرض فکر معاش انسان کے لئے اچھا خاصہ دردسر ہے۔ اب اگر عورت کی فطری ذمہ داریاں یا اس کے طبعی فرائض کا ایک ہلکا سا بھی جائزہ لیا جائے بالخصوص اس کے مخصوص اور جداگانہ جسم ذہن اور نفسیات کا لحاظ رکھتے ہوئے تو یہ بات اچھی طرح واضح ہوجاتی ہے کہ فکر معاش عورت کی ذمہ داری ہوہی نہیں سکتی اپنے قدرتی دائرہ عمل سے وابستہ ذمہ داریوں سے کماحقہ عہدہ برآہونے کے بعد کے پاس اس قدرورفت اور ہمت باقی ہی نہیں بچتی کہ وہ کوئی دوسرا کام کسی نمایاں کامیابی کیساتھ سرانجام دے سکے۔ امور خانہ داری اور اولاد کی تربیت اور گھر کی نگران کی حیثیت سے عورت پر جو ذمہ داریاں ہیں وہ اس باست کی متقاضی ہی کہ عورت اپنا اکثر وقت گھر پر گزارے۔یہی وجہ ہے کہ اسلام نے عورت کووسیع معاشی و دیگر تمدنی حقوق بخشے ہیں وہ عورت کو اس کی ہمت یا بساط سے بڑھ کر کام کرنے پر مجبور نہیں کرتا۔ اللہ تعالیٰ نے قرآن کریم میں واضح الفاظ میں یہ بات فرما دی ہے کہ مرد عورتوں کے ”قوام” ہیں۔(اقوام بمعنی نگران و کفیل)
ایک اور جگہ ارشاد ہوتا ہے کہ اللہ تعالیٰ نے بعض کو بعض پر فضیلت
بخشی ہے اور اس لئے بھی کہ مرد اپنا کمایا ہوا مال عورتوں پر خرچ کرتے ہیں(نہ کہ عورتیں مردوں پر) عورتوں کو معاشی استحکام بخشنے اور انہیں فکر معاش کے روح فرسا دھندے سے بچانے کی خاطر اسلام نے وراثت کے قانون کے تحت ان کا (عورتوں کا) باپ’ شوہر اوالد اور دوسرے قریبی رشتہ داروں سے ترکہ میں حصہ رکھا ہے عورتوں کو اسلام نے نان و نفقہ(کھلانے پلانے’لباس اور مکان کی ذمہ داری)اور مہر کے خصوصی حقوق بخشے ہیں۔عورت کا نفقہ اس کے شوہر پر ہی واجب نہیں ہے بلکہ شوہر نہ ہونے کی صورت میں باپ’ بھائی بیٹے اور دوسرے سر پرستوں پر بھی واجب ہے۔وہ مال جو عورت کو وراثت یا مہر کی صورت میں ملتا ہے اس پر عورت کو پورا قبضہ اور اختیار دیا گیا ہے اور اگر وہ تجارت یا کسی دوسرے ذریعہ سے مال حاصل کرے تو اس کی بھی وہی تنہا مالک ہوتی ہے پھر اسلام نے عورت کو بھی حق دیا ہے کہ وہ خود کتنی ہی مالدار کیوں نہ ہو اس کا نفقہ شوہر ہی کے ذمے رہتا ہے اور اسے قانوناً حاصل کرسکتی ہے۔مرد اگر نفقہ ادا نہ کرے یا اس کا انتظام کئے بغیر کہیں غائب ہوجائے تو عورت قانونی طور پر اپنا نفقہ جائیداد سے وصول کرسکتی ہے۔ مرد کے نام پر قرض لے سکتی ہے اور اس طرح کی ادائیگی شوہر کے ذمہ ہوگی۔ پھر عورت کے لئے مہر کا حق کسی حال میں بھی ساکت نہیں ہوتا۔ جب تک کہ وہ خود ہی اس سے دستبردار نہ ہوجائے۔مغرب نے عورت کو کسب معیشت میں اصولی حیثیت سے شریک کرکے فاش غلطی کی ہے۔ آج ان کی خاندانی زندگی کا شیرازہ بکھر چکا ہے گھروں سے چین اور سکون رخصت ہوچکا ہے۔

وہ کونسا شہر تھا جسے کسی گروہ نے سب سے پہلے بندکیا تھا اس سوال پر تاریخ میں اختلافات پائے جاتے ہیں۔ لیکن ہماری حالیہ تاریخ میں شہر بند کرنے کے واقعات عراق میں پیش آئے ہیں۔داعش نے کئی کئی ماہ مختلف شہروں کو گھیرا اور شہریوں کو یرغمال بنائے رکھا ہے۔ فاتحین کے دور میں حملہ آور فوجیں کسی شہر کا گھرائو کرتیں’ اشیائے خوردونوش کی نقل و حمل پر پابندی لگاتیں اور اس وقت تک شہر کا محاصرہ جاری رہتا جب کہ شہری بھوک پیاس سے مرنا شروع نہ ہوجاتے ۔ اس کے نتیجے میں بادشاہ کے خلاف بغاوت پھیل جاتی اور باغی عوام یا فوج کا کوئی حصہ شہر کے دروازے کھول دیتا۔ اس دور میں شہر کے اردگرد فصیلیں ہوتی تھیں۔ فصیلوں پر چوبرجیاں اور چوبرجیوں میں تیر بردار محافظ مستعد کھڑے ہوتے تھے۔کشت و خون ہوتا اور شہر تاراج ہو جاتے ۔
فصیلوں کے اندر گھرے ہوئے شہر اب شہری وسعتوں میں سما گئے ہیں ۔ شہر پھیل گئے اور غیر محفوظ ہوگئے ہیں۔اب کسی بھی حملہ آور کو کسی شہر میں گھسنے اور اسے بند کرنے سے روکنے کے لئے داخلی راستوں کو سیل کرنا پڑتا ہے ۔ شہر کی انتظامیہ کو حرکت دی جاتی ہے۔ پولیس اور قانون نافذ کرنے والے ادارے یلغار کرنے والوں کو آگے بڑھنے سے روکا جاتا ہے۔
طالبان نُما گروہ ہوں تو انہیں روکنا آسان کام نہیں ہوتا۔ سوات کو آزاد کرانے میں پولیس ناکام ہوگئی تو فوج کو طویل جنگ لڑنا پڑی تھی ۔
کراچی میں الطاف حسین نے شہر کو متعدد بار بند کروایا بالآخر وہاں بھی ریاست کو فوج اُتارنا پڑی ۔ خونی آپریشن کرنے پڑے تب جاکر شہر کھلا اور شہری آزاد ہوئے۔ تحریک انصاف کوئی شدت پسند یا مسلح گروہ نہیں بلکہ مُلک کی ایک بڑی سیاسی جماعت ہے جس کی ایک اہم صوبے میںحکومت بھی قائم ہے۔اگر کوئی جمہوری پارٹی الیکشن سے ماوراء اقدامات کے ذریعے حکومت کا تختہ الٹنے کی کوشش کرے تو ظاہر ہے اس کی سوچ اور طالبان کی سوچ میں کوئی فرق نہیں رہتا۔طالبانی سوچ میں چند لوگ خودکش حملہ آور بن کر شہری زندگی کو تہس نہس کرسکتے ہیں جبکہ طالبانی سوچ کی حامل کوئی سیاسی پارٹی یہی کام ہجوم جمع کرکے شہریوں کی آزادی سلب کرسکتی ہے۔ پُرامن احتجاج واقعی جمہوری حق ہونا چاہیے لیکن جن ملکوں کی جمہوریت کا حوالہ دیا جاتا ہے وہاں شہر بند کر دینے کے اعلانات نہیں ہوتے بلکہ ایک مخصوص جگہ پر اکٹھے ہو کر احتجاج ریکارڈ کرایا جاتا ہے۔
عمران خان نے پاکستانی عوام کے ایک حصے کو سیاسی طور پر متحرک ضرور کردیا ہے لیکن اپنے پیروکاروں کی کوئی سیاسی تربیت نہیں کی۔ اس کی ایک وجہ تو یہ کہ خود عمران خان کبھی بھی سیاستدان نہیں رہے۔وہ ایک کھلاڑی تھے’خوب عیاشی کی’ شہرت کمائی اور ”پلے بوائے” کے طور پر مشہور ہوئے۔ اُن کی ازدواجی زندگی میں پے در پے ناکامیاں آئیں اور آج بھی وہ اپنی اولاد سے مہینوں مل نہیں پاتے۔اُن کے اندر کے اس خلاء نے انہیں سیکھنے کا بہت کم موقع فراہم کیا ہے۔ انہیں شائد یہ بھی احساس نہیں کہ ان کے منہ سے نکلے ہوئے الفاظ ان کے چاہنے والوں کے لئے ”سیاسی فلسفہ ” بن رہے ہیں۔انہوں نے دو نومبر کو اسلام آباد بند کرنے کا اعلان کرکے اسلام آباد کے شہریوں پر خوف کی ایک تلوار لٹکا دی۔ اسلام آباد ہائی کورٹ کے فیصلے میں جج صاحب نے شہریوں کے حقوق کا تحفظ پیش نظر رکھتے ہوئے شہر بند نہ کرنے کا حکم سنایا ۔ حکومت نے عدالت عالیہ کے فیصلے کا احترام میں ”شرپسندوں ” کی خوب گوشمالی کی ۔ لیکن میڈیا کی تنقید سے گھبرا کر بہت سی گرفتاریاں نہیں کی گئیں جس سے شہریوں کو تشویش ہے ۔ میڈیا کا کام تنقید ہے۔ ہر کام میڈیا کی خوشنودی حاصل کرنے کے لئے نہیں کہا جاسکتا۔ جڑواں شہروں کے پچاس لاکھ شہری پہلے ہی بہت ستائے ہوئے ہیں۔اُن کی زندگی کو آسودہ رکھنے اور شہروں کو کھلا رکھنے کے لئے اگر چند سو لوگوں کو جیل بھیجنا پڑے تو کوئی مہنگا سودا نہیں۔ شہر بند ہونے کا مطلب زندگی کی بندش ہے۔ عمران خان کو اس معاملے پر کئی بار سوچنا چاہیے۔ وہ بے گناہ شہریوں سے اپنا امن غارت کرنے کی قربانی مانگتے ہیں ۔وہ خود اپنی انا کو قربان کر دیں اور جب احتاج ریکارڈ کرانا ہو تو شہر سے باہر کسی کھلے میدان میں جلسہ کرکے صحت مند رسم کی داغ بیل ڈالیں !۔

سچائی ہی نظریہ پاکستان کا جوہر ہے۔ نظریہ پاکستان ہی پاکستان کی اساس ہے۔ قیام پاکستان کی تحریک کے دوران مخالف لابی نے ایک ایک رہنما کے بارے میں مسلسل چھان بین کی۔کردار کشی کی مہم بھی زوروں پر تھی۔ہندو دانشور دن رات اکابرین ملت کے مالی اور اخلاقی معاملات کی کھوج لگاتے رہتے تھے۔آپ سات برس کی آزادی کی جدوجہد کو پڑھ لیجئے۔ مخالفین کے حملوں کے احوال اور الزامات کی بوچھاڑ کا تذکرہ دیکھ لیجئے۔ کہیں ایک جملہ بھی تحریک پاکستان کے رہنماﺅں کے کردار کے حوالے سے سامنے نہیں آئے گا۔ ایک روپے کی کرپشن کا ذکر نہیں ملے گا۔ ہر رہنما صرف ستھرے کردار میں ڈھلا ہوا سامنے کھڑا ہوگا۔قائداعظمؒ کی ایمانداری کی تعریف تو دشمن بھی کیا کرتے تھے۔ میں بڑے وثوق سے کہہ سکتا ہوں کہ پاکستان کی بنیادوں میں نہ کہیں ہوس زر ہے نہ کوئی رشوت ہے اور نہ ہی کوئی مالی منفعت سامنے آتی ہے۔ پھر کیا ہوا کہ ہم نے آم کے درخت کا بیج بویا لیکن ہمیں تھور اور بیول کے کانٹوں کی فصل کاٹنا پڑ رہی ہے۔
گزشتہ دنوں ملک کے ممتاز تجزیہ کار اور کالم نگار جناب جاوید صدیق میرے آفس میں تشریف لائے۔جناب بیگ راج بھی ان کے ہمراہ تھے۔ سیاست میں کرپشن پر بات شروع ہوئی۔ جاوید صدیق بتا رہے تھے کہ تحریک پاکستان کے رہنماﺅں نے قیام پاکستان اور استحکام پاکستان کے لئے کس طرح کی مالی قربانیان پیش کیں۔قائداعظم ؒ محمد علی جناح ؒنے اپنی جائیداد پاکستان کے نام کردی تھی۔اپنی بیٹی کو بھی ایک پائی تک نہ دی۔ پاکستان کے پہلے وزیراعظم جناب نواب لیاقت علی خان پاکستان بننے سے پہلے پچیس دیہاتوں کے مالک تھے۔ انہیں جب لیاقت باغ میں شہید کیا گیا تو پوسٹ مارٹم کے لئے ان کے جسد خاکی کو ہسپتال منتقل کیا گیا۔ڈاکٹر یہ دیکھ کر حیران رہ گئے کہ وزیراعظم پاکستان کی بنیان جگہ جگہ سے پٹھی ہوئی تھی اور جرابوں میں سوراخ ہوئے تھے۔ شہید ملت کے اکاﺅنٹس میں صرف چون روپے پڑے ہوئے تھے۔ حسین شہید سہروردی بھی اپنی ایمانداری کے سبب مشہور تھے۔ وہ وزیراعظم ہاﺅس میں جو چائے پلاتے اس کا بل اپنی جیب سے دیتے تھے۔ اسی طرح پاکستان کے ایک وزیراعظم محمد خان جنیجو مرحوم نے وزیراعظم ہاﺅس کا خرچہ دس لاکھ سے کم کرکے ایک لاکھ کردیا تھا۔ اُن کے دور میں وزیراعظم ہاﺅس میں سختی سے حکم تھا کہ اگر دوپہر کو مرغی پکی ہے تو شام کو دال پکے گی۔ پنجاب کے گورنر امیر محمد خان کے بارے میں جنرل جہانداد خان نے اپنی کتاب میں لکھا ہے کہ گورنر صاحب کے جو مہمان آتے تھے ان کی چائے اور کھانے کا بل نواب صاحب اپنی جیب سے ادا کرتے تھے۔
یہ ہے ہماری شاندار تاریخ۔ہماری بنیادوںمیں ہرگز ہرگز کسی قسم کی مالی کرپشن کا دُور دُور تک گذر نہیں۔ یہ وبا بعد کے ادوار میں پھیلی ہے اور ایسی پھیلی ہے کہ سرکاری وسائل اور قومی دولت کو ہر سطح پر لوٹا گیا ہے۔
پاناما لیکس نے پاکستان کو عالمی سطح پر ننگا کردیا ہے۔ یوں محسوس ہوتا ہے کہ ہم بیس کروڑپاکستانی سب کے سب کرپٹ ہوگئے ہیں۔ وزیراعظم پاکستان کے ترجمان یہ ثابت کرنے پر تلے ہیں کہ پاناما لیکس میں وزیراعظم نوازشریف کا نام شامل نہیں۔ یہ بھی کیسے فخر کی بات ہے۔ اس سے زیادہ ذلت اور کیا ہوگی کہ آپ نے اپنی نابالغ اولاد کے نام پر آف شور کمپنیاں بنوائیں اور اپنا نام سامنے نہیں آنے دیا۔ اس سے شفافیت اور ایمانداری کا تصور کیسے بچایا جاسکے گا۔حزب اختلاف والوں کی ضد ہے کہ ”کرپٹ وزیراعظم“ کا احتساب ہونا چاہیے لیکن ملکی قرضے ہڑپ کر جانے والوں کا احتساب مﺅخر کردیا جائے۔ اس ملک کو کیا بنا دیا۔ یہاں مقابلہ ”کرپشن“ میں ہورہا ہے ۔ایمانداری میں نہیں۔ یعنی چھوٹے اور بڑے چور کی لڑائی ہے چوری بذات خود قابل قبول ہوچکی ہے۔
اگر ہم چاہتے ہیں کہ آنے والی نسلوں کو کرپشن کے کینسر سے بچا لیں تو پھر ہمیں تاریخ پاکستان کو پھر سے پڑھنا اور پڑھانا ہوگا۔ ہمیں تحریک پاکستان کے ایماندار اور صاف کردار کے رہنماﺅں کی سرگزشت سامنے لانی ہوگی۔ مجھے پورا یقین ہے کہ کرپشن کی فصل وقتی ہے۔ ہمیں ایمانداری کے پودے کی دیکھ بھال کرنی ہے تاکہ ہمیں عزت کا میٹھا پھل حاصل ہوسکے۔پاکستان کی بنیادوں میں کرپشن نہیں ایمانداری ہے۔

اٹھارویں آئینی ترمیم کو عدالت عظمیٰ کی طرف سے توثیق کی سند عطا ہوگئی ہے ۔ یہ عدالتی فیصلہ ہے۔ لیکن اس ترمیم میں صوبوں کو جس قدر اختیارات دے دیئے گئے ہیں اس کے منفی اثرات سامنے آرہے ہیں۔ ہمارے نظام تعلیم کا بیڑا غرق ہو چُکا ہے۔ ہر صوبہ نے تاریخ’ اسلامیات اور اخلاقیات کے حوالے سے اپنی اپنی تاریخ’ اپنا اپنا اسلام اور اپنی اپنی تہذیب کو پھیلانا شروع کردیا ہے۔ صوبائیت کا جو جن بڑی مشکل سے قابو میں لایا گیا تھا وہ اس جمہوری ترمیم نے بوتل سے نکال دیا ہے۔ اس کا پہلا حملہ تو صوبہ خیبرپختونخواہ کے عوام پر ہوا ہے۔ ہزارہ بیلٹ اس نام سے قطعاً متفق نہیں ہے
انہیں الگ صوبہ کے مطالبہ سے کوئی قومی پارٹی بھی اب باز نہیں رکھ سکتی۔بلکہ صورتحال یہاں تک جا پہنچی ہے کہ پارٹیاں ووٹ اینٹھنے کے لئے ہزارہ والوں کو ”اندر کھاتے” یقین دہانی کراتے ہیں کہ آج نہیں تو کل آپ کو آپ کا صوبہ ضرور مل جائے گا ۔ جنوبی پنجاب کے لوگوں کے سرائیکی صوبہ کے مطالبہ کو تو اسمبلی قرارداد کے ذریعے ایک پارلیمانی جواز بھی فراہم کیا جاچکا ہے۔ اگرچہ صوبہ پنجاب کے چیف منسٹر ملتان کے اندر صوبائی دفاتر کی شاخیں کھولنے پر تیزی سے عمل کر رہے ہیں لیکن سرائیکی وسیب کی تحریک اسی شدّومدّ کے ساتھ جاری ہے اور جوں ہی عام انتخابات کا ڈنکا بجے گا”سرائیکستان” کا نعرہ پوری شدت کے ساتھ لگے گا۔ بلوچستان میں چونکہ بلوچوں کی علیحدگی کی تحریک کو عسکری طور پر دبایا جارہا ہے اس لئے ابھی معاملہ دبا ہوا ہے۔لیکن جب پختون بیلٹ پر دہشت گردوں کے حملے تیز ہوئے تھے تو پختون اور بلوچ کی تفریق خطرناک حدوںکو چھونے لگی تھی۔ سندھ میں کراچی صوبہ کی تحریک تو انتہائی زوروں پر آچکی ہے ۔ زندہ الطاف نے دنیا بھر میں پاکستانی افواج کو بدنام کردیا ہے۔ اور ان کی زندگی کے بعد بھی صوبائیت بلکہ سقوط کی یہ تحریک دبتی دکھائی نہیں دیتی۔ عام پاکستانی یہ بات سمجھنے سے قاصر ہے کہ صوبائی اختیارات دے کر پاکستانی ریاست اور اس فیڈریشن پر کونسا احسان کیا گیا ہے۔ فیڈریشن کے یونٹس کوئی ذمہ داری لینے پر تیار نہیں۔ دہشت گردی ختم نہیں کرسکتے۔ مالی طور پر خود کفیل نہیں ہوسکتے۔ انہیں صرف سیاست کرنی ہے۔ صوبوں کے عوام اپنی حکومتوں سے مایوس ہو کر ہر مصیبت میں مرکز کی طرف دیکھتے ہیں۔صوبے بااختیار ہونے چاہیں لیکن کسی قیمت پر یہ اختیارات سونپے جائیں۔ جو جذبے کسی ملک کو جوڑے رکھتے ہیں ان کی حفاظت کون کرے گا۔رینجرزکے اختیارات پر واویلا ہوتا ہے کہ یہ بھی صوبائی معاملہ ہے۔ جب دہشت گردوں کے مالی معاونین کی پکڑ دھکڑ ہوتی ہے تو اسے بھی صوبائی حقوق میں مداخلت قرار دیا جاتا ہے۔ جب کرپشن کے خاتمے کے لئے اقدامات ہوتے ہیں تو کہا جاتا ہے کہ ایف آئی اے کو اختیار نہیں۔ نیب کا پنجہ مڑوڑنے کی باتیں سامنے آجاتی ہیں ۔ محمد بن قاسم اہل پاکستان کے ہیرو تھے لیکن سندھی بچوں کو پڑھایا جارہا ہے کہ راجہ دہر ان کے ہیرو تھے۔ پھر دو قومی نظریہ کی بنیاد پر بننے والے اس ملک کا نظریاتی جواز کہاں سے لائیں گے۔ یہ کوئی عمومی حالات میں معرض وجود میں آنے والا مُلک نہیں ہے۔اس کے پیچھے خاص طرح کے عوامل کارفرما تھے۔ اس مُلک کے بانی اور بنانے والوں نے اسے ایک مُسلم قومی وحدّت کے تصّور پر بنایا تھا۔ صوبے’ زبانیں اور وسیب تو بہت مختلف تھے۔ بنگال کے رہنے والوں کی خوراک اور اطوار پنجاب کے رہنے والوں سے بالکل مختلف تھے۔ یوپی کے لوگ اپنی روایات رکھتے تھے۔پختونوں کا اپنا ایک جداگانہ کلچر تھا۔ بلوچوں کی شلواریں پنجابیوں کی دھوتیوں کی ضد تھی۔ سندھیوں کی زبان ہی بالکل مختلف تھی۔ اگر صوبہ پرستی ہی پاکستان کی بنیاد بنتی تو یہ مُلک کبھی معرض وجود میں نہ آتا۔ بنگلہ دیش کی علیحدگی کا سب سے بڑا سبب صوبہ پرستی ہی تھی۔ آج پھر صوبائی حقوق کی پُکار شروع ہوگئی ہے۔ کیا ہم واپس جارہے ہیں۔ خاکم بدہن’ صوبوں کے اختیارات ان کے عوام کی زندگیوں میں بہتری لانے کے لئے ہیں ان کے اندر وطن سے بیزاری کے بیج بونے کے لئے نہیں۔
دس اکتوبر 1945ء کو کوئٹہ کے جلسے سے خطاب کرتے ہوئے بانی پاکستان قائداعظم نے صاف فرمایاتھا’
”پاکستان میں ایک قوم ہوگی اور وہ ہوگی پاکستانی قوم’ نہ کوئی پٹھان ہوگا نہ پنجابی نہ بلوچی نہ سندھی نہ بنگالی۔پاکستان میں سب پاکستانی ہوں گے” اس خطاب کے دوران سب بلوچ رہنما موجود تھے’ سب نے تالیاں بجائی تھیں۔آج کس کے کہنے پر بندوقیں اُٹھائی ہیں۔آئیں صوبائی سیاست سے بالاتر ہو کرپھر سے قائد کے فرمان کو حرزِ جان بنالیں۔

جب سے اخبار پڑھنا اور سمجھنا شروع کیا ہے اس مملکت خداداد کے خلاف نت نئی سازشیں ہی پڑھنے کو ملی ہیں۔ کبھی یہ سازشیں عسکری شخصیات کی طرف سے ہوتی ہیں’ کبھی کوئی سیاسی شخصیت کسی سازش میں ملوث پائی جاتی ہے۔ کئی بار سوچا کہ شائد پاکستان وہ واحد ملک ہے جس کے خلاف سب سے زیادہ سازشیں ہوتی ہیں۔ بھارت کی طرف سے گھنائونی سازشیں’ روس کی طرف سے سنگین سازشیں’ امریکہ کی طرف سے سازش در سازش خاد’را’ سی آئی اے’ موساد’ایم۔آئی ٹیکس غرض دُنیا بھر کی خفیہ ایجنسیاں تیسری دُنیا کے اس غریب ترین مُلک کے خلاف کوئی مہینہ ایسا نہیں جس میں سازشیں نہ ہوئی ہوں۔ البتہ یہ امر قابل اطمینان ہے کہ ننانوے فیصد سازشوں کا قبل از وقت بھید کُھل جاتا ہے۔ پھر بھی ایک فیصد ناپاک منصوبوں میں ہم آدھا ملک گنوا بیٹھے’ ایک وزیراعظم کو پھانسی دے دی گئی۔ بھارت کے ساتھ چار جنگیں ہوگئیں۔ تین بار مارشل لاء لگ گیا۔ بلوچ علیحدگی پسند’ پختونخواہ’ سندھو ‘دیش’ سرائیکستان کی تحریکیں آج کل ٹھنڈی پر گئی ہیں لیکن طالبان اور ایم کیو ایم حالیہ اور خطرناک ترین سازشیں ہیں۔ مقامی اور غیر مقامی سازشوں کا ایک جال ہے جو بُنا جاتا ہے۔ اخبارات اور میڈیا کے ذریعے سازشیوں کے نام بھی سامنے آتے رہتے ہیں۔ اگرچہ آج تک کوئی غدار وطن’ کوئی ملت فروش’ کوئی سازشی پکڑا نہیں گیا لیکن ہم نے اس قدر سازشیں دیکھ لی ہیں کہ اب اگر موسم تبدیل ہوجائے تو بھی سازش کی بُو آنے لگتی ہے۔
سب سے خطرناک محلّاتی سازشیں ہیں۔ہمارے شہر اقتدار میں سازشی تصور گھڑنے’ انہیں عوام الناس تک پہنچانے اور پھر اس کے رّدعمل کو اشاریوں اور سروے رپورٹوں کی صورت میں سامنے لانا ایک محبوب مشغلہ ہے ۔ہمارے ہاں وہی صحافی اور لیڈر صاحب خبر قرار پاتا ہے جو سازش گھڑنے اور پھر ماحول کو اس سازش کا اسیر کر لے۔ ریٹنگ اسی طرح بڑھتی ہے اور صحافی کی ناموری میں اضافہ ہوتا ہے۔سیاستدانوں اور ریٹائرڈ فوجی جرنیلوں کے اپنے اپنے صحافی اور چینل ہیں جن کے ذریعے سازشی تصورات کا باہم تبادلہ ہوتا رہتا ہے۔
پاکستان کے وزیر دفاع جناب خواجہ آصف بھی ان نامی گرامی سازش ساز شخصیات میں شامل ہیں جو راہ چلتے خبر بنانے کے ماہر ہیں۔ انہوں نے اپنے حلقے کے نامور سازشی تجزیہ کار جناب کامران خان کو اپنے انٹرویو میں دھرنوں کے پیچھے دو جرنیلوں کے ملوث ہونے کا دعویٰ کیا ہے۔ انہوں نے ارشاد فرمایا ہے کہ جنرل ریٹائرڈ پاشا اور آئی ایس آئی کے اس وقت کے حاضر سروس سربراہ جنرل ظہیر الاسلام نے میاں نوازشریف کی حکومت گرانے اور جنرل راحیل شریف کو راستے سے ہٹانے کے لئے تحریک انصاف کے ساتھ ملکر ایک سازش تیار کی تھی۔ خواجہ صاحب نے دعویٰ کیا ہے کہ ان کے پاس اس سازش کے تمام ثبوت موجود ہیں جنہیں وقت آنے پر وہ عدالت میں پیش کردیں گے۔ ادھر خواجہ صاحب کے یہ انکشافات چل رہے ہیں اور ادھر میاں نوازشریف کی ہدایت پر (ن) لیگ کے لوگ مولانا فضل الرحمن کی منت سماجت کر رہے ہیں کہ وہ تحریک انصاف کو نشستوں سے محروم کرنے کی تحریک واپس لے لیں کیونکہ (ن) لیگ تحریک انصاف کو ہرحال میں اسمبلیوں کے اندر بیٹھا دیکھنا چاہتی ہے۔ ایک پارٹی جس نے دو جرنیلوں کے ساتھ ملکر میاں صاحب کی حکومت کو ”ڈی سیٹ” کرنے کی سازش کی تھی اسی پارٹی کو بچانے کی سرتوڑ کوششیں ہورہی ہیں۔ اگرچہ یہ بھی کہا جارہا ہے کہ جنرل پاشا نے ایسے تمام الزامات کی تردید کردی ہے اور جنرل ظہیر الاسلام کے حوالے سے بتایا گیا ہے کہ انہوں نے اپنے پروفیشنلزم کے خلاف کبھی ایک قدم بھی نہیں اٹھایا۔بہرحال اس وقت ایک طرف وزیر دفاع اپنے ماتحت آئی ایس آئی کے سابق سربراہ کو سازش کا حصہ قرار دے رہے ہیں اور دوسری طرف وہ دھرنے دینے والے عمران خان کو سپورٹ بھی کر رہے ہیں ۔ کون کس کے خلاف اس وقت سازش کر رہا ہے ۔جرنیلوں کے خلاف ثبوت دے کر فوج اور نوازشریف کے درمیان نئی جنگ چھیڑی جارہی ہے ۔ اس کا انجام خواجہ صاحب سے بہتر کون جانتا ہے۔ ہمارا سیاسی اور سماجی مزاج چونکہ سازشی ہُوچکا ہے۔ اس لئے ہم خواجہ صاحب کو بھی میاں نوازشریف کے خلاف گہری سازش کرنے کا مرتکب پاتے ہیں۔ جب ہر طرف شکوک وشبہات ہوں تو انسان اپنے سائے پر بھی اعتماد نہیں کرتا۔ بے اعتمادی بھی ایک عذاب ہوتا ہے۔ اور آج کل یہ عذاب الطاف حسین کی صورت میں پاکستان پر نازل ہورہا ہے ۔ ایسے ماحول میں اللہ سے معافی کا طلبگار ہونا چاہیے۔

پاکستان کے ازلی دشمن بھارت نے اس بات کا ادراک کرنے کے بعد کہ ایٹمی پاکستان کے ساتھ روایتی یا غیر روایتی جنگ اب لڑی اور جیتی نہیں جاسکتی ایک طے شدہ منصوبے کے تحت پاکستان کے خلاف آبی جارحیت شروع کررکھی ہے جس کے تحت بگلیہاڑ ڈیم ، کشن گنگا ڈیم سمیت پاکستان کی طرف بہنے والے دریاﺅں پر 62 ڈیموں کی تعمیر کے ذریعے پاکستان کو بنجر بنانے کی کارروائیاں جاری ہیں جس کے نتیجے میں پاکستان کی خوراک کی خودمختاری اور خوراک کی سلامتی مکمل طور پر خطرے میں پڑ جائے گی۔
بھارتی آبی جارحیت کا احساس و ادراک پاکستان کی خواتین کسانوں کو بہت اچھی طرح ہے جس کا مظاہرہ انہوں نے 6 ستمبر کو واہگہ بارڈر پر بھارتی آبی جارحیت کے خلاف بھرپور مظاہرہ کرکے کیا۔اس مظاہرے میں مرد کسانوں نے بھی پاکستان متحدہ کسان محاذ کے زیر اہتمام بھرپور انداز میں شرکت کی تھی۔ کہتے ہیں کہ آنے والے دنوں میں جنگیں پانی پر ہونگی۔ پاکستان کےخلاف بھارت نے جو آبی جنگ شروع کررکھی ہے پاکستان کی کسان خواتین اور مردوں نے بھارتی آبی جارحیت کے خلاف اعلانِ جنگ کردیا ہے کیونکہ بھارتی آبی جارحیت کے نتیجے میں دریائے چناب جس میں اپریل مئی میں پانی کا بہاﺅ 34ہزار کیوسک ہونا چاہئے وہ کم ہوکر 17ہزار کیوسک رہ گیا ہے۔ اسی طرح کشن گنگا ڈیم کی تعمیر سے بھارت نہ صرف پاکستان کے حصے کا پانی چوری کرکے ذخیرہ کررہا ہے بلکہ دریائے جہلم کا رُخ بھی تبدیل کررہا ہے جس کے نتیجے میں مظفر آباد کے مقام پر اب دریائے جہلم اور نیلم کا ملاپ دیکھنے کو نہیں ملے گا۔ صرف یہی نہیں بلکہ بھارتی پانی چوری کے نتیجے میں دریائے جہلم نالے کی شکل اختیار کرتا جارہا ہے۔ اسی طرح دریائے کارگل پر بھی بھارت ڈیم بنا رہا ہے۔ بھارت دریاﺅں کو لنک کرنے کے ایک منصوبے پر بھی کام کررہا ہے جس کے نتیجے میں پاکستان ہی نہیں بنگلہ دیش سمیت پڑوسی ممالک کا پانی چوری کرلے گا۔ بہرحال پانی سے فراوانی ہوتی ہے پانی انسانوں اور زراعت کے لئے زندگی ہے جس کی کمی دونوں کو مردہ کردیتی ہے تاہم اس کا احساس پاکستانی کسانوں کو زیادہ اور حکومت کو رسمی حد تک ہے کیونکہ پاکستان کے انڈس واٹر کمشنر جماعت علی شاہ نے کشن گنگا ڈیم کے ڈیزائن سے متعلق بھارت کو خط لکھا ہے مگر تاحال جواب نہیں آیا۔
حقیقت یہ ہے کہ سندھ طاس معاہدے کے تحت بھارت پانی ذخیرہ کرسکتا ہے دریا کا رخ تبدیل کرسکتا ہے۔ پاکستان کے اعتراضات میں سب سے اہم نکتہ پانی کے رخ کی تبدیلی ہے۔ جھگڑا یہ ہے کہ بھارت مقبوضہ کشمیر میں دریائے جہلم پر 330 میگا واٹ بجلی پیدا کرنے کا ایک منصوبہ شروع کرچکا ہے۔ یہ ڈیم مظفر آباد سے 160 کلو میٹر اوپر کی طرف واقع ہے۔ اس ڈیم کے بننے سے کشن گنگا دریا(جسے پاکستان میں دریائے نیلم کہا جاتا ہے) کا پانی ایک اور نالے میں جاگرے گا۔ نتیجتاً دریائے نیلم کا پانی کم ہو جائے گا جس کا نقصان پاکستان کو بجلی پیدا کرنے کی صلاحیت میں کمی کی صورت میں برداشت کرنا پڑے گا۔
پاکستان کا موقف یہ ہے کہ یہ منصوبہ معاہدہ سندھ طاس کی خلاف ورزی ہے۔ 2004ءمیں پاکستان کے لاتعداد اعتراضات کی وجہ سے بھارت نے ڈیم کے ڈیزائن میں چند تبدیلیاں کیں لیکن پاکستان کے بنیادی اعتراضات دور نہیں کئے۔ بھارت کا یہ بھی دعویٰ ہے کہ نیلم جہلم منصوبہ بعد میں تشکیل دیا گیا تھا۔ مسئلہ یہ نہیں کہ کون سا منصوبہ پہلے شروع کیا گیا اور کون سا بعد میں اصل سوال یہ ہے کہ کیا کشن گنگا ڈیم کا بننا معاہدہ سندھ طاس کی خلاف ورزی ہے یا نہیں؟۔
معاہدہ سندھ طاس کے مطابق بھارت میں جتنا پانی ذخیرہ کیا جائے گا اتنا ہی پانی چھوڑنا بھی پڑے گا۔ پانی کے رُخ کی تبدیلی کی وجہ سے پاکستان کو گرمیوں میں 11 فیصد اور سردیوں میں 27 فیصد پانی سے محروم ہونا پڑے گا کیونکہ پلانٹ پر 11 فیصد کم بجلی حاصل ہوگی۔ پاکستان میں ایکوسسٹم بری طرح متاثر ہونے کی وجہ سے فصلوں اور ماحولیات کا جو نقصان ہوگا وہ ناقابل تلافی ہے۔ دوسری طرف بھارت پاکستان کی طرف سے اٹھائے گئے ان اعتراضات کو نہیں مانتا۔ اس کا دعویٰ ہے کہ پانی کا رخ تبدیل کرنے سے پاکستان کا پانی کم نہیں ہوگا بلکہ پہلے جتنا ہی رہے گا فرق صرف یہ پڑے گا کہ پہلے نیلم اور جہلم دریا آزاد کشمیر میں آکر ملتے تھے لیکن اب مقبوضہ کشمیر میں ہی مل جائیں گے۔
ابھی تک جماعت علی شاہ کی کارکردگی قلمی دوستی اور تاخیری خط و کتابت تک محدود ہے۔ ضرورت اس بات کی ہے کہ پاکستان کی خوراک کی سلامتی اور خودمختاری کے تحفظ کے لئے بھارتی آبی جارحیت کا مسئلہ وزارت خارجہ کی سطح پر اٹھایا جائے اور اس مقصد کے لئے بھرپور محنت اور مکمل ہوم ورک کرکے عالمی بنک اور عالمی عدالت انصاف میں جاکر صرف کیس لڑا نہ جائے بلکہ جیتا بھی جائے۔

اسی دوران میں میزبانوں کے ڈرائنگ روم میں پہنچ گیا جہاں ٹی وی پر بچوں کا بھارتی چینل ”پوگو“ لگا ہوا تھا جس میں ہندی زبان میں کارٹون فلمیں دکھائی جارہی تھیں۔ یہ دیکھنے کے بعد سارا معاملہ میری سمجھ میں آ گیا۔ مجھے پاکستان کی قومی اسمبلی میں ممتاز کالم نگار بشریٰ رحمان کا احتجاج یاد آ گیا جس میں وہ کہہ رہی تھیں کہ ” پاکستان میں بھارتی فلموں کی نمائش کا یہ نتیجہ برآمد ہورہا ہے کہ ہمارے بچوں کی زبانوں پر ماتا پِتا، رام اور سیتا کے الفاظ آ رہے ہیں جبکہ ان فلموں میں دکھائے جانے والے مناظر اسلامی معاشرے کے اقدار کے سراسر منافی ہیں۔
ستم بالائے ستم کہ کیبل پر بھارتی فلموں کی نمائش پر پابندی کا مطالبہ ابھی پورا نہیں ہوا تھا کہ پاکستان میں سینما کی بحالی کی آڑ میں بھارتی فلموں کی نمائش کی سازش کو پایہ تکمیل تک پہنچایاجارہا ہے حالانکہ بھارتی فلمیں ایک طے شدہ منصوبے کے تحت اسلام اور پاکستان دشمنی پر مبنی بنائی جاتی ہیں جن کی مثال بھارتی فلموں ”بارڈر، مشن کشمیر“ کی شکل میں موجود ہے۔ اسی طرح ”ویرزارا“ نامی فلم میں ایک پاکستانی مسلمان لڑکی کو ہندو لڑکے پر مر مٹتے دکھایا گیا ہے۔ کیا یہ سب کچھ محض اتفاق ہے نہیں ہر گز نہیں۔
سچ تو یہ ہے کہ بھارت ثقافتی یلغار کے ذریعے اپنے ہمسایوں کو اپنے زیر اثر لانے کے لئے کوشاں رہتا ہے اور پاکستان میں یہ خدشہ پایا جاتا ہے کہ بھارت ان پُرکشش ترغیبات اور کتابی و فلمی یلغاروں کے ذریعے نظریہ پاکستان کو غلط ثابت کرنا چاہتا ہے۔ گولڈن جوبلی سال کے موقع پر بھارتی ٹی وی پر دکھائی جانے والی بھارتی فلم ”بارڈر“ پاکستان کی مسلح افواج اور نظریہ پاکستان کے خلاف زہریلے مواد اور گمراہ کن پروپیگنڈہ پر مبنی تھی جس کے پیش نظر پاکستان میں اس فلم پر پابندی لگا دی گئی تھی۔ اگر قیام پاکستان کی بنیادی احساس پر ہی دشمن ضرب کاری لگانے میں کامیاب ہو جائے تو پیچھے رہ کیا جاتا ہے۔ مشترکہ ثقافت کے نام پر دو قومی نظریہ کو غلط ثابت کرنے کی سازش ہمیں ہی ناکام بنانی ہوگی۔ دو قومی نظریہ لباس، علاقے یا زبان کی ہم آہنگی کے نام پر قوم کی تشکیل کی بات نہیں کرتا بلکہ دو قومی نظریے سے متصادم ہونے کی بناءپر جنگِ بدر میں باپ بیٹا اور سگے بھائی آمنے سامنے تھے کہ معاملہ حق و باطل اور کفر و اسلام کے درمیان کھینچی گئی واضح لکیر کا تھا۔ قیام پاکستان کی شکل میں واہگہ بارڈر پر خونِ شہیداں سے کھینچی جانے والی سرحدی لکیر مصنوعی نہیں ہے جسے ناچ گانے والے اور والیاں ثقافتی یلغار کی آڑ میں ملیا میٹ کرسکیں مگر ازلی دشمن بھارت اور اس کی قیادت کے مذموم عزائم سامنے رکھنے ضروری ہیں۔
ماضی میں کرکٹ مقابلوں کے دوران بھارت کے سابق وزیر اعظم راجیو گاندھی کی بیوہ اور گانگریس کی مرکزی رہنماءسونیا گاندھی نے ایک بیان دیا تھا کہ ”بھارت کی ثقافتی یلغار نے پاکستان کی بنیادیں کھوکھلی کردی ہیں۔ بھارت نے پاکستان کو ثقافتی محاذ پر شکست دیدی ہے۔ اب پاکستان کو اصل میدان جنگ میں ہرانا ضروری نہیں، پی ٹی وی ہمارے مذہبی رقص دکھا کر ہمارا کام آسان کررہا ہے“۔
میرا دردمندانہ خطاب ختم ہوا تھا کہ سینئر صحافی راجہ جاوید علی بھٹی جوکہ خود بھی نظریہ پاکستان کے اگلے مورچوں کے سپاہی ہیں۔ وہ بھارتی عزائم پر ہر طرح کی یلغار خواہ وہ آبی جارحیت ہو یا ثقافتی حملہ کے خلاف مجاہدانہ للکار کے قائل ہیں اور نفسیاتی دباﺅ میں آنے کو ذہنی شکست کا نکتہ آغاز سمجھتے ہیں یوں گویا ہوئے مقبوضہ کشمیر کے مسلمان تو آج تک بھارتی ثقافتی یلغار سے فتح نہیں ہوسکے۔ کچھ پاکستانی صرف دل بہلانے کے لئے بلاشبہ بھارتی فلمیں دیکھتے ہیں اور گانے بھی سنتے ہیں لیکن ان کی ملی حمیت اور قومی غیرت زندہ ہے۔ پاکستانی مسلم نوجوانوں کی غالب اکثریت خود کو محمد بن قاسم اور محمود غزنوی کی روحانی مراث سمجھتی ہے۔ پاکستان کے وزیر ثقافت نے سونیا گاندھی کے بیان پر ردعمل میں درست کہا تھا کہ ”بھارت والے پہلے تو اپنی ثقافت کی تعریف بتائیں ان کے پاس مندروں کے چند ناچ گانوں، بتوں کے مجسموں اور تصویروں کے سوا اور کونسی ثقافت ہے۔ بھارت الیکٹرانک میڈیا سے لاکھ ثقافتی یلغار کرلے ہم پر قطعی طور پر کوئی اثر نہیں ہوسکتا۔ ہمارا جذبہ اور ایمان اتنا کمزور نہیں کہ ان ٹھمکوں کو دیکھ کر ہمارا ایمان اور قومیت لرز جائے۔ ہم اپنے کلچر میں خود کفیل ہیں۔ ہمارا کلچر بھارت سے بڑا اور مضبوط ہے“۔
میں ذاتی طور پر سمجھتا ہوں اور یہ بات ہے بھی برحق کہ اسلامی ثقافت کو شکست دینے والی ثقافت اس کائنات میں اب تک پیدا نہیں ہوئی، نہ ہوگی۔ اسلامی ثقافت کو مغلوب و مفتوح بنانا ممکن ہی نہیں ورنہ آج ترکی میں اسلامی ثقافت دوبارہ واپس نہ آئی ہوتی۔ اسلامی ثقافت میں اخوت، مساوات، عدل و احسان، تقویٰ، طہارت، حسن خلق اور ایمان کی ناقابل تسخیر قوت ہے اسے ذات پات اور بھانڈ ثقافت کیسے فتح کرسکتی ہے۔ بھارت کا اصل کلچر اونچ نیچ، باہمی نفرت، توہین آدمیت، دوسرے مذہب اور عقیدے کو برداشت نہ کرنا، تنگ نظری، موقع پرستی، وعدہ خلافی، ماتحت ہو تو خوشامد، مکاری اور سازش لیکن حکمران ہو تو ظلم و قتل و غارت ہے۔ بھارت کی اصل ثقافت وہ ہے جس کی زد میں بھارت کے مظلوم و محروم مسلمان ہی نہیں عیسائیوں سمیت تمام اقلیتیں ہیں۔ بھارت کی اصل ثقافت وہ ہے جو کروڑوں اچھوتوں کو اونچی ذات کے ہندوﺅں کے کنوﺅں سے پانی بھی نہیں پینے دیتی۔
نظریہ پاکستان دراصل نظریہ اسلام ہے یہی وجہ ہے کہ پاکستان کی نظریاتی بنیاد ”لاالہ الا اللہ“ پر قائم ہے۔ رائٹرز یونٹی کے سیکرٹری جنرل کے طور پر راجہ جاوید علی بھٹی کو بھارت کے دورے پر چند سال قبل جب بھیجا گیا تھا تو انہوں نے گائے کے کبابوں کی دعوت دیکر مشترکہ ثقافت کے ڈھول کا پول کھول دیا تھا۔ بھارتی فلموں اور ثقافتی یلغار کا راستہ روکنا وقت کا تقاضا اور ہمارا قومی فریضہ ہے تاہم دونوں ملکوں میں نظریات اور مزاج کا اتنا فاصلہ ہے کہ پاکستان کی قوم کسی بھی حالت میں اور کسی بھی شعبہ میں بھارت کی بالادستی قبول کر ہی نہیں سکتی۔

یہ ایک زمینی حقیقت ہے مگر اسی زمینی حقیقت کا اعتراف بھارت کے سابق وزیر خارجہ جسونت سنگھ نے تاریخ کا سچ کہہ کر کیا تو بغیر کوئی نوٹس دیئے بھارتی جنتا پارٹی نے جسونت سنگھ کو پارٹی سے ایسے نکال دیا جیسے مکھن میں سے بال۔ بھارتی ہندوﺅں کی تنگ نظری کھل کر سامنے آ گئی اور دو قومی نظریہ ایک بار پھر زندہ حقیقت بن کر سامنے آ گیا ہے۔ جسونت سنگھ نے ”بانی پاکستان قائد اعظم محمد علی جناح کو عظیم لیڈر جبکہ نہرو اور پیٹل کو تقسیم ہند کا ذمہ دار قرار دیا تھا اور کہا تھا کہ جناح ہندو مسلم اتحاد کے سفیر تھے جناح ولن نہیں، نہرو کی ہٹ دھرمی نے تقسیم کے بیج بوئے، جناح وفاقی نظام چاہتے تھے، گاندھی نے تسلیم کیا مگر نہرو نہیں مانے، جناح ایسی چیز وجود میں لائے جس کا کوئی وجود نہیں تھا، گاندھی نے بھی انہیں عظیم بھارتی کہا“۔ یہ تاریخ سچ اور حقیقی تاریخ لکھنے کے جرم میں جسونت سنگھ کو بی جے پی نے ہنومان سے راون کا درجہ دیدیا۔ جسونت سنگھ کا رونا کسی نے نہیں سنا کہ کتاب پڑھے بغیر ہی انہیں فارغ کردیا گیا۔ جسونت سنگھ کا کہنا ہے کہ اس طرح کے اقدام سے سوچ و بچار کا راستہ بند ہو جائے گا لیکن جسونت سنگھ بھی کتنے سیدھے سادہ ہیں انہیں یہ اندازہ اب ہو گیا ہوگا کہ مسلم دشمنی میں متعصب ہندو کچھ سننے دیکھنے اور سمجھنے کے لئے تیار نہیں ماسوائے ایک حقیقی نعرہ جو کبھی نقاب پہن کر دل میں اور کبھی نقاب اتار کر سرعام لگایا جاتا رہا ہے اور آج بھی ورون گاندھی کی زبان سے جاری و ساری ہے ”ہندوستان میں رہنا ہے تو رام رام کہنا ہے“۔
بہرحال جسونت سنگھ کی جانب سے بانی پاکستان قائد اعظم محمد علی جناح کے مداح سرائی پر کانگریس پارٹی کے ترجمان ابھیشک سنگھوی کا کہنا ہے کہ بھارتیہ جنتا پارٹی کو ”جناح سے محبت“ اور گاندھی اور جواہر لال نہرو سے نفرت“ کی بناءپر اپنا نام ”بھارتیہ جنتا پارٹی“ کے بجائے”بھارتیہ جناح پارٹی“ رکھ لینا چاہئے۔ ادھر دوسری جانب بی جے پی کی ”ہم نوالہ وہم پیالہ“شیوسینا کے سربراہ بال ٹھاکرے العمروف بالا ماما نے بھی شیوسینا کے ترجمان رسالے ”سامنا“ کے اداریے میں بھارتیہ جنتا پارٹی کو خوب ہی لتاڑا ہے اور لکھا ہے کہ ”جناح“ کو سیکولر اور ”ہندو مسلم اتحاد کی علامت“ قرار دینے سے جنگ آزادی ہند کے لاکھوں ”شہدا“ کی ارواح کو تکلیف پہنچی ہے جس پر جسونت سنگھ سے جواب طلبی کی جانی چاہئے۔ بی جے پی سے ناراض بالا ماما کا کہنا ہے کہ بانی پاکستان جناح کو ”سکولر“ کہنا ہماری اور دیش کی آزادی کے لئے جان دینے والوں کی توہین ہے۔ بال ٹھاکرے کا یہ بھی کہنا ہے کہ بھارتیہ جنتا پارٹی کے شری لال کرشن ایڈوانی جی جب 2005ءمیں پاکستان گئے تھے تو وہاں سے بھارت کے نظریہ آزادی پر ”ابہام“ پیدا کرکے لوٹے اور اب جسونت سنگھ نے ایڈوانی کے پیدا کردہ ابہام کو مزید ہوا دی اور ایک قدم آگے بڑھ کر ”جناح“ کو سیکولر اور ”ہندو مسلم اتحاد کا حامی“ قرار دیا ہے جبکہ ساتھ ہی گاندھی اور نہرو کو تقسیم کا ذمہ دار بھی ٹھہرایا ہے۔ بالا ماما کا کہنا ہے کہ اس بات میں کوئی شک نہیں ہے کہ اس سال کے لوک سبھا کے انتخابات میں بھارتیہ جنتا پارٹی کی بدترین شکست کا سبب ان کے رہنماﺅں کی جانب سے کی جانے والی یہی حماقتیں ہیں جو آج کل ایڈوانی ا ور آج جسونت سنگھ کررہے ہیں۔ بال ٹھاکرے نے آگے چل کر لکھا ہے کہ انہیں یہ کہنے میں کوئی شک نہیں کہ آج لال کرشن ایڈوانی اور جسونت سنگھ جیسے لوگوں کے باعث عام ہندوﺅں کا کوئی نظریہ یا منزل نہیں ہے۔ وہ حیران ہیں کہ تقسیم کے ذمہ دار اگر جواہر لال نہرو اور گاندھی جیسے لوگ تھے تو ان کے رہنماﺅں کا کیا مقام ہونا چاہئے؟ بال ٹھاکرے کا یہ بھی کہنا ہے کہ ایک شخص (قائد اعظم محمد علی جناح کی جانب سے اشارہ ہے) جس نے مسلمانوں کے لئے الگ ریاست کا مطالبہ کیا وہ کس طرح ”سیکولر“ قرار دیا جاسکتا ہے؟ بال ٹھاکرے نے اپنے ترجمان جریدے ”سامنا“ کے اداریے میں لال کرشن ایڈوانی کو مخاطب کرکے لکھا ہے کہ ”ایڈوانی سے استفسار کرتا ہوں کہ اگر جناح سیکولر تھے اور تقسیم کے ذمہ دار نہ تھے تو ایڈوانی جی آپ نے سندھ کیوں چھوڑا؟ رہتے وہیں پر سیکولر جناح کے ساتھ، کیوں آ گئے ہندوستان؟“۔ ان کا مزید کہنا کہ وہ ایک عرصے سے دیکھ اور برداشت کررہے ہیں کہ بھارتیہ جنتا پارٹی کے رہنماﺅں کی زبانیں پاکستان اور بانی پاکستان کی تعریف میں رطب اللسان ہیں اور ان کے درمیان ”جناح“ کی مدح سرائی کا ایک مقابلہ سا جاری ہے جس میں بھارتیہ جنتا پارٹی کے سارے رہنماء”جناح“ پر ”گل پاشی“ کرنے میں ایک دوسرے پر سبقت لے جانے کی کوشش کررہے ہیں۔ یہاں یہ بات واضح رہے کہ بھارتیہ جنتا پارٹی کے رہنماءلال کرشن ایڈوانی نے اپنے دورہ پاکستان کے موقع پر بانی پاکستان محمد علی جناح کو سیکولر کہا تھا اور تسلیم کیا تھا کہ ان کی کوششوں کو صحیح طور پر سمجھا نہیں گیا۔ ان کے اس بیان پر بھارت میں ایک طوفان سا کھڑا ہوگیا تھا جس کے بعد اب بی جے پی کے ایک اور رہنماءجسونت سنگھ کی جانب سے بانی پاکستان کے حوالے سے کی جانے والی تحقیق اور اس پر مبنی کتاب ”جناح، انڈیا، پارٹیشن، انڈی پینڈنس“ جسے ”روپا اینڈ کمپنی“ نے شائع کیا ہے، کے منظر عام پر آنے کے بعد بھارت میں ایک طوفان کھڑا ہوچکا ہے جبکہ کانگریس، شیو سینا، آر ایس ایس سمیت بی جے پی کی مخالف جماعتوں اور خود بی جے پی کے رہنماﺅں کی جانب سے جسونت سنگھ کی جانب سے اپنی کتاب میں قائد اعظم کے حوالے سے لکھے جانے والے ریمارکس پر انہیں تنقید اور طنز کا نشانہ بنانے کے ساتھ ساتھ دھمکایا بھی جارہا ہے۔ کتاب میں جسونت سنگھ کا کہنا ہے کہ تقسیم ہند کا اصل کردار جناح نہیں بلکہ ”جواہر لال نہرو“ تھا جس کی ہٹ دھرمی کے باعث تقسیم کا سانحہ رونما ہوا۔ جسونت سنگھ کے مطابق انہوں نے اپنی کتاب میں جو کچھ بھی لکھا ہے، سچ ہے۔ ان کی کتاب میں جھوٹ اور خیالی باتیں نہیں ہیں کیونکہ اس کام اور تحقیق کے لئے انہوں نے برطانیہ سمیت دنیا بھر کی لائبریریوں کی خاک چھانی ہے اور پانچ سال تک حقائق تلاش اور بعد ازاں اپنی کتاب میں جمع کئے ہیں۔ جنوری 1938ءمیں راجستھان میں پیدا ہونے والے جسونت سنگھ کا کہنا ہے کہ بانی پاکستان محمد علی جناح حقیقت میں سیکولر اور ہندو مسلم اتحاد کے داعی تھے جبکہ ہندوستانی رہنماﺅں نے ان کو منفی رویئے کا حامل شخص بنا کر پیش کیا۔ جسونت نے اپنی کتاب میں رقم کیا ہے کہ ”جناح“ نے 1945ءتک حتی الامکان کوشش کی کہ ہندوستان کے مسئلے کو حل کرنے کی کوشش کرتے رہیں لیکن ان کی نہرو اور گاندھی جیسے لوگوں کے سامنے ایک نہ چلی، کیوں کہ نہرو اس وقت تک ”تقسیم ہند“ کا ”اسکرپٹ“لکھ چکے تھے۔ جسونت سنگھ سے جب ایک معروف بھارتی الیکٹرونک نے استفسار کیاکہ آیا وہ ”جناح “ اور ”نہرو“ کے متعلق سابقہ موقف کو بھلا دیں گے؟ تو ان کا کہنا تھا کہ تاریخ اور سچ وہی ہے جو میں نے بیان کیا، بس ہمیں تاریخ کو درست رکھنے کی ضرورت ہے۔
دوسری جانب جسونت سنگھ کی تحقیقی کتاب کے مندرجات سے وہ اور ہزاروں دیگر سیکولر بھارتی تو شاید متفق ہوں لیکن ان کی کتاب کے مندرجات اور بانی پاکستان محمد علی جناح کے بارے دیئے جانے والے ان کے ریمارکس سے ناصرف کانگریس ”چراغ پا“ ہے بلکہ دیگر جماعتوں کے ساتھ ساتھ خود بھارتیہ جنتا پارٹی کے سرکردہ اور انتہاءپسند ہندو رہنماءبھی ناراض ہیں، بھارتیہ جنتا پارٹی کی خاتون رہنماءاور سابق ترجمان اور لوک سبھا میں ڈپٹی اپوزیشن لیڈر شریمتی ”سشما سوراج“ کا بھارتی میڈیا کے ساتھ بات چیت میں کہنا تھا کہ جسونت سنگھ نے اپنی کتاب میں بانی پاکستان ”جناح“ کے متعلق جو کچھ لکھا ہے وہ ان کا اپنا موقف تو ہوسکتا ہے لیکن بھارتیہ جنتا پارٹی کا موقف ہرگز نہیں۔

Click here to View Printed Statment

ہوتے ہیں لیکن پاک بھارت دوستی کی آڑ میں دو قومی نظریے کی نفی کی سازش کے باریک کام میں سب سے زیادہ مہارت بھارتی صحافی کلدیپ نیئر کو حاصل ہے۔ حال ہی میں اس شخص کا ایک مضمون ایک انگریزی روزنامے میں شائع ہوا جس کا ترجمہ کرکے ایک اردو اخبار نے ”مشن پر مامور شخص“ کے عنوان سے بڑے اہتمام سے شائع کیا۔ جس میں کلدیپ نیئر بڑے اعتماد سے فرماتے ہیں کہ ”میرا تو مشن ہی ہر دفعہ یوم آزادی کے موقع پر اور پھر سال بھر بطور مشن پاکستانی اور بھارتی عوام کو ان کی مشترکہ ثقافت، زبان اور دوستی کا توجہ دلاﺅ یاددہانی کرانا ہے۔ حالانکہ ہمارے بزرگ ابھی زندہ ہیں جو کل تک متحدہ ہندوستان میں مسلم پانی اور ہندو پانی کی تفریق کا ذکر کرتے رہے ہیں اور آج بھی بھارت میں مسلمانوں کی حالت زار برہمن سماجی تضاد کے نتیجے میں سب سے نچلے درجے والے شودروں سے بدتر ہے۔
یہاں تک پاک بھارت مشترکہ ثقافت کا تعلق ہے تو میرے ایک دوست سینئر صحافی راجہ جاوید علی بھٹی نے مشترکہ ثقافت کے ڈھول کا پول اپنے ہندی دوستوں کو گائے کے کباب کی دعوت دی جس کے ساتھ ہی مشترکہ ثقافت کے غبارے سے ہوا نکل گئی۔ گزشتہ دنوں بیداری فکر فورم میں رانا عبدالباقی نے ”نہرو کا تصور وحدت ہندوستان اور بانی پاکستان“ عنوان سے اپنے تحقیقی مقالے سے بڑے مدلل انداز میں تاریخی تناظر میں بھارت کے متعصب ہندوﺅں کی مسلمانوں سے ثقافتی ٹکراﺅ اور تہذیبی تصادم کی کئی مثالیں پیش کیں۔ بھارت کی طرف سے پاکستان کے دو ٹکڑے کرکے مشرقی پاکستان میں پاکستان کو فوجی جارحیت کے ذریعے بنگلہ دیش میں تبدیل کرنے کے بعد بھارتی وزیر اعظم اندرا گاندھی کی نئی دہلی کے گراﺅنڈ میں بھارتی جنتا سے خطاب کے موقع پر یہ الفاظ بھارتی قیادت کی مسلم دشمنی کا پول اچھی کھول دیتی ہے بقول اندرا گاندھی کے ”آج ہندوستان کی ایک ناری نے مسلمانوں سے ہزار سال کی عزیمتوں کا بدلہ لے لیا ہے اور دو قومی نظریہ بحیرہ بنگال میں غرق کردیا ہے“۔ راہول گاندھی نے 2007ءکے ریاستی انتخابات میں اپنی انتخابی تقریر میں بڑے گھمنڈ سے کہا تھا کہ ”نہرو خاندان کو پاکستان توڑنے کا اعزاز حاصل ہے“ جبکہ 2008ءکے انتخابات میں گاندھی کے پوتے ورون گاندھی نے انتخابی تقریر میں اپنے خبث باطن کا کھول کا اظہار کرتے ہوئے کہا کہ ”ہندوستان صرف ہندوﺅں کا ہے میں اس ہاتھ سے مسلمانوں کے سر قلم کردوں گا اور ان کو پاکستان ہجرت پر مجبور کردوں گا“۔ سچ تو یہ ہے کہ ہندو سامراج یہ سمجھتا ہے کہ ہندوستان صرف ہندوﺅں کا ہے۔ یہی وجہ ہے کہ قیام پاکستان سے پہلے بھی اور آج بھی بااثر ہندو جماعتوں اور فوجی جرنیلوں تک کا اصل مدعا ایک ہی ہے جو کہ نعرے کی صورت میں ہندوستان کی سرزمین پر گونجتا رہتا ہے ”ہندوستان میں رہنا ہے تو رام رام کہنا ہے“۔ متعصب برہمن ہندو سمجھتا ہے کہ ہندوستان صرف ان ہندوﺅں کا ہے جن کے مقدس مقامات اور عبادتگاہیں ہندوستان میں ہیں جبکہ مسلمانوں اور مسیحوں کے مقدس مقامات ہندوستان سے باہر ہیں اس لئے یہ خارجی لوگ ہیں۔ ان کے بارے میں ان کی سوچ یہ ہے کہ ”اگر کوئی چور آپ کے گھر میں گھس آئے آپ اسے نکال نہ سکتے ہوں تو اسے زندہ جلا دیں“۔ یہی وجہ ہے کہ گجرات میں مسلمانوں کے سینکڑوں گھروں کو نذر آتش کرکے مکینوں کو زندہ جلا دیا گیا۔ حتیٰ کہ مالیگاﺅ ں میں مسلمانوں کے واحد گھر میں بچوں عورتوں سمیت جلا دیا گیا جن کا سربراہ سرحد پر بھارت کی حفاظت کررہا تھا۔ یہ چند واقعات پاک بھارت مشترکہ ثقافت کے دعویداروں کی زمینی حقائق کی روشنی میں نفی کے لئے کافی ہیں۔
پاکستان اور بھارت کے معاندانہ تعلقات کی جڑیں قدیم ہندو مسلم آویزش میں پیوست ہیں۔ اسلام نے برصغیر میں ہندو مذہب کی اجارہ داری کو قبول کرنے سے انکار کیا اور اس میں ضم نہ ہوا۔ اس نے نہ صرف اپنا منفرد معاشرتی، معاشی اور سیاسی ڈھانچہ برقرار رکھا بلکہ تبدیلی مذہب سے لوگ دائرہ اسلام میں تیزی سے داخل ہونے لگے۔ پھر اسلامی اقتدار کے قیام سے ہندو مذہب کا احساس تفاخر مجروح ہوا جس سے جنوبی ایشیاءمیں اسلام اور مسلمانوں کے متعلق ہندوﺅں کا رویہ تشکیل پذیر ہوا۔ مسلمان بھی ہندو مت کو اپنا بڑا حریف خیال کرتے رہے۔ جنوبی ایشیاءمیں برطانوی حکومت کے قیام کے بعد ہندو مسلم معاندت میں تیزی آئی کیونکہ ملازمتوں ، عہدوں اور دیگر مادی فوائد و اختیارات تک رسائی کے لئے مسلمانوں اور ہندوﺅں میں مسابقت شروع ہوگئی۔ ہندو مسلم تاریخی عداوت میں اس وقت مزید شدت پیدا ہوگئی جب آزادی سے قبل کانگریس اور مسلم لیگ نے قومیت کے دو بالکل متضاد تصورات (ایک قوم بمقابلہ دو قومی نظریہ) پیش کئے۔ مسلم لیگ کے نزدیک جنوبی ایشیا کے مسلمانوں کے لئے علیحدہ مملکت کا مطالبہ ان کے منفرد مذہبی، ثقافتی اور سیاسی شناخت کا تقاضا تھا۔

Click here to View Printed Statment