جتنے منہ اُتنی باتیں۔سازشی نظریے بے شمار’ہوائی تجزیے ہزار ہا۔فلسفیانہ پہلوئوں پر بحث و تحمیص تھمنے کا نام نہیں لیتی۔دانشوروں کا ایک گروہ مصرکہ اس سارے ”ڈرامے ”کے پیچھے امریکہ کا ہاتھ تھا۔دوسرا گروہ بعض ہمسایہ اور دوست ممالک کو چھپا ہوا ہاتھ قرار دے رہا ہے۔ہر کوئی لانگ مارچ کی گتھی سلجھانے میں مصروف ہے لیکن  بدنیتی  کے سبب نہ ڈور سلجھی ہے
نہ سرا ہاتھ آیا ہے۔تحریک منہاج القرآن والے کیوں دبک کر بیٹھ گئے۔

جنہوںنے دھرنے کے دوران حکمرانوں کی نیندیں حرام کر رکھی تھیں وہ اب کیوں کھسیانے ہو کر آئیں بائیں شائیں کا نظارہ پیش کر رہے ہیں۔بغض معاویہ میںمبتلا دانشورشیخ الاسلام پر حملہ آور ہیں۔جنہوں نے ”حضور” کی شانِ قلندری میں زمین آسمان کے قلابے ملائے تھے وہ اب مذمت’ملامت اور مذاق کا کوئی موقع ہاتھ سے جانے نہیںدے رہے۔قادری صاحب اپنے طور پر اپنا دامن دھونے کی تدبیریں کر رہے ہیں۔کیاان کے آئندہ کے ماہ وسال وضاحتیں گھڑنے اور اپنے فیصلے کو ”صلح حدیبیہ” قرار دلوانے میں گذر جائیں گے۔ نہیں وہ پھر آئیں گے’جھپٹنا پلٹنا پلٹ کر جھپٹنا لہوگرم رکھنے کا ہے اک بہانہکرائے کے قلم کار نے لکھا ”پسپائی بہت تکلیف دہ ہوتی ہے۔ہارے ہوئے جرنیل کے مقدر میں دنیا جہان کے طعنے ہوتے ہیں۔ہم نے بڑے بڑے ذہین و فطین لوگوں کو شکست کے بعد گوشہ نشینی اختیار کرتے دیکھا ہے اورجو بہت غیرت مند تھے انہوںنے خودکشی کرکے لوگوں کے منہ بند کردیئے۔ڈاکٹر طاہر القادری کا معاملہ کیا ہوگا اس کا فیصلہ ان کے اندر کے سچ اور جھوٹ پر منحصر ہوگا”۔ کاش کہ ایسے قلمکاروںکو معلوم ہوتا کہ طاہر القادری ہارے نہیں بلکہ مکمل طور پر فتح مند رہے۔قوم کو جو باتیں یاد رہ جائیں گی وہ ان کی اسلام آباد آمد کا منظر ہوگا۔پانچ روز تک ٹی وی سکرینوں پر ان کے بولے ہوئے لفظ’اصطلاحات اور توجہیات ذہنوں میں رقم ہوجائیں گی۔ہماری نئی نسل کو آئین کی شقیں 62اور 63زبانی یاد ہوگئی ہیں۔انتخابی نظام کی خرابیاں ‘ امیدواروں کی سکروٹنی کا طریقہ کار اور اصلی جمہوریت کے خدوخال بھی ازبر ہوگئے ہیں۔چور اُچکے دھوکہ دینا چاہیں گے مگر کامیاب نہ ہوسکیں گے۔طاہر القادری کے مطالبات’مطالبات کے حق میںدلائل’حق کے حصول کیلئے دھرنا اور دھرنے کی کامیابی کے لئے کنٹینریہ سب پہلو ہماری سیاسی تاریخ میںحوالے کا درجہ پاگئے ہیں۔ اب جب الیکشن مہم زوروں پر ہوگی اور بڑے بڑے عوامی جلسوں کا انعقاد ہوگا توہر کسی کو جناب قادری کا بم پروف کنٹینریاد آئے گا۔ ہماری عوامی سیاست میں کنٹینر کو مستقل حیثیت حاصل ہوجائے گی۔ بلکہ یہ ایک ایسا ”ٹرینڈ” سیٹ ہوا ہے کہ دنیا بھر کی بلندقامت سیاسی شخصیات خود کودہشت گردوں سے محفوظ رکھنے کے لئے ایسے ہی کنٹینرز بنوا کر استعمال کریں گی اور آ ج کے سیاسی رہنمائوں پر جناب قادری کا یہ بہت بڑا احسان ہے کہ انہوں نے طالبان جیسی مہلک قوت کا بھی توڑ نکال دیا ہے۔ اب آپ شوق سے لاکھوں کا مجمع اکٹھاکریں اور ایک دو گھنٹے نہیں بلکہ ہزاروں میل کا فاصلہ محفوظ طور پر کریں اور ہفتوں خطاب جاری رکھیں۔اللہ تعالیٰ اسی طرح انسانوں کی رہنمائی فرماتے ہیں۔مجھے اس نشست میں کوئی تجزیہ پیش نہیں کرنا۔مجھے تواسلام آباد کے ڈی چوک میں خون جما دینے والی سردی اور بارش میں کھڑے ان ہزاروں انسانوں کی دلی اور دماغی کیفیت کا تجزیہ کرنا ہے۔”ہر انسان کا کوئی نہ کوئی اثاثہ ہوتا ہے۔ہمارے قائد ہمارا اثاثہ ہیں۔اثاثے کو بچانے کے لئے اپنی اور اپنے بچوں کی جان قربان کی جاسکتی ہے اور ہم اپنے ” قائد” کو بچانے کے لئے اپنا سب کچھ قربان کردیں گی”۔ میرے ذہن میں  اس پاکدامن بی بی کے یہ الفاظ کچوکے لگا رہے ہیں جس نے ایک پہلو میں ڈنڈا تھاما ہوا تھا اور اس کے دوسرے پہلو میں چھتری کے نیچے شیرخوار بچہ نیم وا آنکھوں سے اپنی ماںکی  باتیں سن رہا تھا۔ میرے لئے اس جواں سال ماں کا یہ جذبہ’حوصلہ اور یقین حوصلے کا بہت بڑا سبب ہے۔کیا واقعی آج کے اس دور میں ایک پڑھی لکھی عورت کسی ”قائد” کے لئے اس قدر وفا اور جفا دکھا سکتی ہے۔ اور یہ ایک  واقعہ نہیں دھرنے کے اکثر شرکاء کی یہی ذہنی کیفیت تھی۔قادری روتے تھے تو وہ سب روتے تھے’ قادری نے کہا بیٹھ جائو سب بیٹھ گئے’ کہا کھڑے ہوجائو سب مستعد ہوگئے۔کسی فوجی کمانڈر کو ایسی اطاعت گذاری نصیب نہ ہوگی۔  طعنہ بازوں سے کہو وہ جناب قادری کے عقیدتمندوں جیسے چندجانثار پیدا کریں پھر چاند پر تھوکنے کا شوق فرمائیں!

Click here to View Printed Statement

JANG LAHORE IQRA PAGE

NAWA-I-WAQT KARACHI MILLI EDITION

آج انسانیت مجموعی طور پر انتشار کا شکار ہے ۔تمام تر ترقی ‘خوشحالی تعلیم اور علم کے باوجود ساڑھے چھ ارب انسان ایک دوسرے کو نیچا دکھانے اور اس کرہ ارض کو نہ ختم ہونے والے فتنوں میں مبتلا کردینے کی کوشش میں مصروف ہیں۔کوئی ایسا خطہ نہیں جو جنگ و جدل سے پاک ہو۔ جہاں انسان انسان کو کاٹ نہ رہا ہو۔ جہاں آدم آدم کو لوٹ نہ رہا ہو امیر غریب کو کھائے جارہا ہے۔ باوسیلہ دنیا بے وسیلہ بستیوں کو اجاڑ رہی ہے۔تقابل کا فلسفہ اپنے تمام تر منفی معنوں کے ساتھ نسل انسانی کی تباہ کاریوں میں کارفرما ہے۔ کچھ معلوم نہیں کب زیر زمین چھپے ہوئے ایٹم بم‘ سمندر میں تیرتی ہوئی نیو کلیائی آب دوزیں ‘تابکاری مواد اٹھائے فضاءمیں قلانچیں بھرتے طیارے اور خلا میں ہچکولے لیتے مصنوعی سیارے اچانک کسی مہم جو ذہن کی چھوٹی سی غلطی سے اس قافلہ انسانیت کو آگ لگا دیں اور احسن تقویم کے فارمولے پر پیدا کردہ انسان اپنی ہی بدتد بیری اور بدنیتی کے سبب اپنے گھر کو جلا کر خاکستر کردے۔ انسانیت کو بچانے کی آج جس قدر ضرورت ہے۔ شاہد اس سے پہلے کبھی بھی نہ تھی۔ مختلف یورپی دانشور اور انسانی حقوق کے چیمپئن خود ساختہ تھیوری اور محض انسانی ذہن سے پھوٹنے والی احتیاطوں کو ملحوظ خاطر رکھ کر انسانیت کے قافلے کو بچانے کی کوشش میں مصروف ہیں لیکن تمام تر خلوص نیت کے باوجود مغربی انسان دوست ادارے اور حلقے محض اندھیروں میں ٹامک ٹوئیاں مار رہے ہیں ان کی حالت یہ ہے کہ

فلسفی کو بحث کے اندر خدا ملتا نہیں
ڈور کو سلجھا رہا ہے اور سرا ملتا نہیں
اُلجھی ہوئی ڈور کا سرا ڈھونڈنے کے لئے انہیں ہر طرح کے تعصبات سے بالاتر ہو کر صرف اور صرف سچ کو تلاش کرنا ہوگا۔ مجھے یقین ہے کہ اگر انہوں نے مذہب ‘زبان ‘علاقے ‘رنگ نسل ‘ Status اور دنیاوی طبقاتی تقسیم کی عینک اتار کر حق کی تلاش کو نکلیں گے تو پھر انسانیت کے عظیم محسن دنیا جہاں کے لئے رحمت للعالمین اور صرف مسلمانوں کے لئے نہیں بلکہ بنی نوع انسان کے غم گسار آخری پیغمبر خاتم النبین حضرت محمدﷺ کی تعلیمات تک ضرور پہنچ جائیں گے۔
اگر ہم ماہ ربیع الاول میں کوئی ایسی کتاب ترتیب دے سکیں ۔ کوئی ایسی قلم بنا سکیں جس میں رسول پاک ﷺ کی تعلیمات کا بھرپور تاثر ملتا ہو اور وہ یورپ اور امریکہ کے لوگوں کو دکھائی جائیں تو میں دعویٰ سے کہتا ہوں کہ جو ذہن گستاخی پر اتر آئے ہیں وہی ذہن آپ ﷺ کے حق میں اس طرح سرنگوں ہوجائیں گے جس طرح حضرت عمرؓ تلوار حمائل کئے درنبوت پر جھک گئے تھے۔
قافلہ انسانیت کو درپیش جان لیوا حادثوں سے بچانے کا صرف ایک ہی راستہ ہے کہ ہم بحیثیت مسلمان اسوءرسول پر عمل کریں اور غیر مسلموں کو ڈرانے اور خوفزدہ کرنے کے بجائے یا ان سے مرعوب ہونے اور دور ہونے کے بجائے انہیں تعلیمات نبوی سادہ اور آسان سے لفظوں میں سمجھا سکیں۔ دنیا میں مختلف شخصیات علم و کمال‘دولت و جمال اور قوت واقتدار لے کر آتی رہی ہیں مگر ہم حضور انور کو سب سے زیادہ اہمیت دیتے ہیں۔اس کی ایک وجہ تو ہماری جناب رسول اللہ سے محبت و عقیدت اور ہمارا ان کے ساتھ رشتہ ایمان میں بندھا ہونا ہے تو دوسری وجہ یہ بھی ہے کہ جو آپ نے انسانیت کو عطا کیا ہے وہ آپ سے پہلے یا بعد میں کسی نے نہیں دیا۔
دنیا کی دوسری شخصیات کو دیکھیں تو سکندر‘رستم و دیگر نامور کمانڈرز جاہ و جلال دکھا کر چلے گئے‘ کارل مارکس اورلینن جیسے لوگ نظریاتی نعرے دے کر جہاں فانی سے کوچ کر گئے۔
غرض کوئی علمی موشگافیاں دکھا کر چلا گیا کسی نے غلط نظریات میں الجھا کر اسے کمال تصور کیا۔ کسی نے انسانیت کو خاک وخون میں تڑپانے سے لطف حاصل کیا مگر حضور کے انقلاب سے انسانیت کو رہنمائی‘ امن ‘ہدایت و نور ملا ہے۔
اور آپ کے ارشادات آج کے مہذب انسان کے لئے بھی اسی طرح مفید اور حیات بخش ہیں۔ جس طرح 1500 سال قبل کے انسان کے لئے تھے۔ ان کی روشنی اور تابانی میں ذرا فرق نہیں آیا۔اخلاق کی جھلک‘ کردار کی بلندی‘ امانت ‘دیانت اور انسانیت کے لئے پیار جہاں بھی ہے وہ حضور صلی اللہ علیہ وسلم کا دیا ہوا ہے۔ آپ کی بتائی ہوئی باتیں آج بھی بڑے بڑے سائنس دان پڑھتے ان سے ہدایت و رہنمائی حاصل کرتے اور قلب سلیم رکھنے والے آپ کے آخری نبی ہونے کی شہادت دیتے ہیں۔
اسلام کے دیئے ہوئے معاشی‘ معاشرتی ‘سیاسی عدل اور خاندانی نظاموں کا جو بھی حصہ جانے انجانے میںکہیں بھی نافذ ہے دنیا اس کی برکات حاصل ہورہی ہیںاور مجموعی طور پر معاشرے ‘نظام اور اسلام کی بخشی ہوئی اچھائیوں کے طفیل ہی ترقی کر رہے ہیں۔ کئی معاشرے صرف سچ کی بنیاد پر آگے بڑھ رہے ہیں‘ بعض ممالک صرف محنت کی بنیاد پر دنیا میں نام پیدا کرچکے ہیں۔
جاپان انسانی حقوق کی بناءپر پہچان بنا چکا ہے۔اسی طرح معاشرے سے لے کر فرد تک اسلامی تعلیمات کی برکات پھیلتی ہیں۔
حضور انور ﷺ سے قبل افریقہ اور یورپ میں غلام بنانے کے بھیانک مناظر دیکھنے میں آئے ہیں ۔تاریخ گواہ ہے کہ کچھ لوگوں کو دہشت جمانے کی غرض سے بے دردی سے ہلاک کردیا جاتا اور باقیوں کو غلام بنا لیا جاتا تھا اور غلامی کی بھی اس حد تک گری ہوئی مثالیں ان لوگوں نے قائم کیں کہ اپنے معزز مہمانوں کے سامنے شراب و شباب سرو کرنے کے بعد ان کے ہاتھوں میں تیر دے دیئے جاتے ۔ غلاموں کو سامنے کونے میں بٹھا دیا جاتا اور تیر غلام پر برسائے جاتے۔ جوں جوں غلام تڑپتا تو مہمان محظوظ ہوتےِ جبکہ سرور کائنات نے زید بن حارثہ سے ایسا سلوک کیا کہ وہ اپنے والد اور چچا کے ساتھ جانے سے انکاری ہوگئے اور حضور سے چمٹ گئے۔ اس پر تاریخ گواہ ہے کہ نبوت سے پہلے دور میں حضور زید کو کعبے میں لے گئے اور اعلان کیا کہ آج سے زید کو زید بن محمد کہا جائے۔
قرآن پاک کے نزول کی اولین سورتوں میں سورہ بلد میں ”گردنیں آزاد کرو“ کی واضح ایک آیت موجود ہے جبکہ آگے چل کر غلامی کے ادارے کو تدریج کے ساتھ مکمل طور پر اسلام نے ختم کردیا۔
میں تو سمجھتا ہوں کہ اصل روشنی اسلام ہی کے پاس ہے یہ مغرب کے پاس جو روشنی ہے وہ اس قسم کی روشنی ہے جو چور اور ڈکیت کے ہاتھ میں ہوتی ہے۔ وہ اس لائٹ سے اپنے گھر کا راستہ نہیں ڈھونڈ رہا ہوتا مگر دوسرے کے گھر اور دوسرے کے مال کی طرف ہدایت و رہنمائی لے رہا ہوتا ہے۔ روشنی وہی ہوتی ہے جو انسان کو انسانیت کا سبق دے۔ ڈیزی کٹر پھینکنے کے بعد بسکٹوں کے ڈبے پھینکنے سے خداوند کبھی خوش نہیں ہوتا۔
حضورﷺ کی تعلیمات پر نگاہ دوڑائی جائے تو حیرانگی ہوتی ہے کہ جو بات آج ہم لمبی لمبی تقاریر میں نہیں کہہ پاتے آپ نے چند جملوں میں کہہ ڈالیں۔ مکہ سے مدینہ تشریف لانے پر آپ نے جو خطبہ ارشاد فرمایا جو ایک منٹ سے کم وقت کا تھا اور خطبہ حجة الوداع کے موقع پر آخری تاریخی خطبہ بھی مکمل لکھ لیا گیا اور اس کا وقت بھی دس منٹ سے زائد نہیں ہے۔
آیئے آپﷺ کی انسان کے حوالے سے فرمائے گئے ارشادات کا جائزہ لیتے ہیں‘میرا یہ آج بھی دعویٰ ہے کہ جو لوگ پیغمبر اسلام کے حوالہ سے نفرت انگیز تحریریں لکھتے ‘ توہین آمیز کارٹون بناتے اوردل آزار فلمیں دکھاتے ہیں ۔ ان تک محسن انسانیت کی تعلیمات حقیقی طور پر پہنچ ہی نہیں سکیں۔
اس موقع پر میں آپ کے مدینے داخل ہونے والے خطبے پر کچھ عرض کرنا چاہوں گا۔
آپ نے فرمایا”سلام کو عام کرو“ اور باہم کھانے کھلایا کرو ‘صلہ رحمی کیا کرو‘رات کے اس پہر نماز پڑھا کرو جب لوگ سو رہے ہوں۔ تم جنت میں سلامتی کے ساتھ داخل ہوجاﺅ گے۔
سلام ایک دعا ہے یعنی تم پر سلامتی ہو۔ اس کی تفصیل میں حضورﷺ نے دوسرے موقع پر فرمایا کہ مسلمان وہ ہے جس کی زبان اور ہاتھ سے دوسرے مسلمان محفوظ رہیں۔
مزید برآں لفظ مسلمان کو بھی اپنی ایک حدیث میں واضح کردیا کہ جو کوئی ہماری طرح نماز پڑھے اور ہمارے قبلے کی پیروی کرے وہ مسلمان ہے۔ آپ ﷺ یہاں تک مسلمانوں کے لئے رﺅف و رحیم ہیں کہ آخری خطبے میں آپ نے یہ بھی واضح کردیا کہ مسلمان کی جان و مال ‘عزت اور آبرو دوسرے مسلمان پر حرام ہے اور میرے غیر مسلم بھائیوں کو یہ جان کر خوشی ہوگی کہ حدیث قدسی میں حضور نے ہمیں آگاہ کیا کہ اللہ تعالیٰ فرماتا ہے۔
”لوگ میرا کنبہ ہیں“ اور قرآن میں آیا کہ جو کوئی ایک انسان کی جان بچائے گا اس نے گویا پوری انسانیت کی جان بچائی۔ آپ کے ارشاد کے دوسرے حصے میں فرمایا گیا کہ آپس میں کھانے کھلایا کرو۔ ہمیں معلوم ہے کہ درندے ‘حیوان اور انسان میں فرق یہ ہے کہ درندہ شکار مار کر چیڑپھاڑ کرتا ہے۔ اپنا پیٹ بھرتا اور باقی کو وہیں پھینک دیتا ہے۔ حیوان کو جو دیا جائے وہ اسے کھا لیتا اور باقی پر گندگی کر دیتا ہے جبکہ انسان اپنا کھانے کے بعد باقی اپنے بھائیوں کو دے دیتا ہے۔ حضورﷺ کی تعلیمات اس سے بھی ایک درجہ آگے ہیں۔آپﷺ نے ایسے لوگ تیار کردیئے جنہیں میدان کار زار میں بھی کچھ پینے کو ملا ہے تو اسے اگلے زخمی بھائی کی طرف بڑھانے کا اشارہ کیا۔ گویا اسلام پہلے دوسرے بھائی کو کھلا کر پھر خود کھانے کا درس دیتا ہے حضور کے ارشادات کے مطابق اگر کسی کا پڑوسی بھی بھوکا سویا ہوا ہو اور ہم نے پیٹ بھر کر کھانا کھایا ہو تو نہ صرف ہمارا یہ لقمہ حرام بن جائے گا بلکہ اس سے بڑھ کر ایسے شخص کا حضور پر کوئی ایمان نہ ہونے کا سر ٹیفکیٹ بھی سرکار نے جاری فرما دیا ہے۔
صبح تہجد کی نماز سے انسان کے دل میں نرمی پیدا ہوتی ہے ۔ خدا کی محبت اور اس کے بندوں سے پیار بڑھتا ہے۔ سورہ مزمل کے مطابق ایسا کرنے سے نفس پر ضرب کاری لگتی ہے تکبر وغرور جاتا رہتا ہے۔ انسان کے منہ سے اچھی اور پیاری بات نکلتی ہے۔ دعوت دینے کے آداب سمجھ میں آتے ہیں‘ بقول اقبال
عطار ہورومی ہو رازی ہو غزالی ہو
کچھ ہاتھ نہیں آتا ہے آہ سحر گا میں
یہ عمل انسان کے اندر برداشت اور حوصلہ بھی پیدا کرتا ہے جیسا کہ حضور پر ایک مشرکہ بوڑھی کوڑا پھینکتی تھی جب چند دن اس نے ایسا نہ کیا تو معلوم ہوا کہ وہ بیمار پڑگئی ہے ۔ اس دن سرکار اس کے گھر اس کی عیادت کرنے تشریف لے گئے۔ہمیں بڑی واضح ہدایات ہیں کہ ”تم میں سے بہتر وہ ہے جو لوگوں کے لئے نفع بخش ہو“ انسانوں کے درمیان برابری کا درس آخری خطبہ میں جس شان سے دیا گیا ہے وہ اس بات سے عیاں ہے کہ UN کے آئینی چارٹر کی شقیں اس خطبہ رسول سے لی گئی ہیں۔اسی طرح پوری شرح صدر کے ساتھ یہ بات کہی جاسکتی ہے کہ اگر کسی فرد‘تنظیم یا ملک کا مقصد انسانیت کی فلاح قرار پایا ہے تو اسے اپنے اس مقصد میں کامیاب ہونے کے لئے اسوہ رسول ہی اپنا لائحہ عمل قرار دینا ہوگا۔ جس قدر آپ کے طریقہ کار‘فرمودات اور طرز ِ حیات پر عمل ہوگا اسی قدر انسانی فلاح کی منزل قریب تر ہوگی۔ اقبالؒ نے اسی راز کو ایک مصرے میں یوں بیان کیا تھا ‘
دہر میں اسم محمد سے اجالا کردے
اور میں قرآن مجید کی اس آیت پر اپنی تحریر کا خاتمہ کروں گا ”اگر تم اللہ سے محبت کرتے ہو تو میری (رسولﷺ اللہ کی) اتباع کرو اللہ تم سے محبت کرے گا“۔

عام آدمی خاص کیسے بن جاتے ہیں؟ یہ وہ سوال ہے جو تگ ودو کی زندگی گذارنے  والے ہر صاحب شعور کو بے چین رکھتا ہے۔” مطالعہ’مشاہدہ اور ملاقات” یہ وہ تین ہتھیار ہیں جن سے لیس ہو کر راقم اپنی معلومات کے دائرے کو وسعت دینے کی کوشش کرتا ہے۔ جناب منور مغل کا نام اکثر قارئین کے حافظہ میں محفوظ ہوگا۔ ایک ہی شہر میں رہتے ہوئے جناب مغل سے مفصل گفتگو کا کبھی موقعہ نہیں ملا۔لیکن میری خوش بختی کہیے کہ گزشتہ دنوں یہ موقع میسر آگیا۔فون کرنے پر جواب آیا کہ ابھی جائیں۔ تعارف تو پہلے سے ہی تھا رسمی بات چیت کے بعد مغل صاحب کہنے لگے”’مجھے دوستوں نے کہا کہ تم ایک محض دکاندارہو’چیمبر کے صدر کے لئے تمہیں ووٹ کون دے گا۔ لیکن میں نے محنت شروع کردی۔ بڑے بڑے کاروباری حضرات’انڈسٹری کے مالکان میرے مقابلے پر تھے۔لیکن میں نے ہمت نہیں ہاری اور باقی لوگ تو ایک سال کیلئے چیمبر کے صدر بنتے ہیں ۔میں تین بار اس وفاقی چیمبر آف کامرس اینڈ انڈسٹری کا صدرمنتخب ہوا۔آج یہ اربوں روپے کی بلڈنگ کھڑی ہے۔یہاں بزنس کمیونٹی کے مسائل حل  کرنے کے لئے باقاعدہ ایک سسٹم قائم ہے۔ اور اسی چیمبر میں دنیابھر کے کاروباری اور حکومتی عہدیداران آتے ہیں۔ ہال میںلگی تصویروں سے آپ کو میری محنت کا اندازہ ہوجائے گا” اسلام آباد چیمبرآف کامرس اینڈ انڈسٹری کے فائونڈر چیئرمین منور مغل پاکستان کی بزنس کمیونٹی کے ایک معتبر رہنما ہیں۔ انہوں نے (ق) لیگ کے ٹکٹ پر 2008ء میں قومی اسمبلی کی سیٹ کے لئے الیکشن میں بھی حصہ لیا اور تن تنہا سماج اور سیاست کے بڑے بڑے لوگوں سے اپنی صلاحیت اور اہلیت کا لوہا منوایا۔تساہل اور آرام پسندی پر میرا بھی بہت جی چاہتا ہے!۔ڈاکٹر صاحب اکثر ایسا ہوتا ہے کہ نیند کے شدید جھٹکے لے رہا ہوتا ہوں۔لیکن فون آجاتا ہے جی میری والدہ شدید علیل ہوگئی ہیں یا میرے بیٹے کی شادی ہے اور آپ نے ضرور آنا ہے ۔جانا پڑتا ہے ۔یہ سوچ کر چلا جاتا ہوں کہ شائد میرے جانے سے صاحب خانہ کی دلجوئی  ہوجائے۔شائد یہی عمل میدان حشر میں نجات کا ذریعہ بن جائے”۔منور مغل  اپنے روز وشب کی مصروفیات بیان کر رہے تھے۔ گفتگو کا رخ پاکستان کی اقتصادی صورتحال کی طرف مڑ گیا۔ کہنے لگے حکومت جو بھی ہے یا جو بھی آئے گی۔ اصل مسئلہ ملکی قرضوں کی ادائیگی کا ہے۔ملکی قرضے اور غیر ملکی قرضے سب ادا کئے جاسکتے ہیں۔ ابھی حکومت نے ٹیکس چھوٹ کا اعلان کیا ہے۔ایف بی آر کے اپنے اندازوں کے مطابق چالیس لاکھ ایسے لوگ ہیں جو چھوٹ یعنی ایمنسٹی کے ذریعے ٹیکس نیٹ میں آسکتے ہیں۔اگر ان چالیس لاکھ لوگوں سے چالیس ہزار روپے فی کس کے حساب سے لئے جائیں تو کونسا قرضہ باقی رہ جائے گا۔شرط صرف یہ ہے کہ ایف بی آر پہلے اپنے اندر کی کرپشن ختم کرے تاکہ لوگ اس ادارے پر اعتماد کرسکیں۔ اگر صرف ٹیکس جمع ہونا شرو ع ہوجائے تو کسی غیر ملکی امداد کی ضرورت ہے ‘ نہ کشکول لے کر خیرات مانگنے کی حاجت رہے گی۔”پاک بھارت تجارت کے بارے میں منور مغل کا کہنا تھا”’ہم جب بھارت جاتے ہیں اور واہگہ بارڈر پر دیکھتے ہیں کہ ٹرکوں کے ٹرک پاکستان آرہے ہیں اور جب پوچھتے ہیں کہ ان ٹرکوں میں کیا جارہا ہے تو جواب ملتا ہے کہ ٹماٹر’ پیاز’ادرک۔یہ ٹماٹر ہم گملوں میں اگا سکتے ہیں۔گھر کے صحن میں پیاز پیدا کیا جاسکتا ہے۔لیکن یہ کیسی تجارت ہے جس  میں اکثر وہ اشیا درآمد کی جاتی ہیں جو بڑی آسانی کے ساتھ یہاں پیدا ہوسکتی ہیں۔آپ 7200 اشیاء کی فہرست دیکھ لیں۔پان’بیڑی کے سوا کچھ نہیں۔مسئلہ کیا ہے۔بجلی نہیں’ ڈیزل نہیں’ تعلیم نہیں”۔”کیا حکومت کو پہلے علم نہیں تھا کہ سی این جی کے ذخائر کتنے ہیں۔ اس کی کھپت کس سیکٹر میں کیا ہونی چاہیے اور اس کے نرخ کا فارمولا کیا ہوگا۔پہلے پوری قوم کو سی این جی پر کنورٹ کرایا۔ماحول دوست فیول کی مہمات چلائی گئیں’اب اچانک سی این جی کو محدود بلکہ ختم کرنے کے منصوبے پر عمل شروع کردیا گیا۔ کیا لوگوں کے اربوں روپے ڈوب نہیں جائیں گے؟۔ بیرونی تو دور کی بات اندرونی سرمایہ کار بھی بھاگ جائیں گے ۔بجلی نہیں ہوگی تو فیصل آباد کے ٹیکسٹائل کے یونٹس کی طرح باقی کے بچے کچھے صنعتی یونٹس بھی بنگلہ دیش اور ملایشیاء منتقل ہوجائیں گے۔””ڈاکٹر صاحب ۔ اصل مسئلہ نیتوں کا فتور ہے ۔اگر نیت ہی ٹھیک نہیں تو پھر کیا کاروبار کیسی ترقی اور کس طرح کی گڈگورننس””کیاآپ اپنی تگ و دو کی اس زندگی سے مطمئن ہیں؟”ڈاکٹر صاحب’ اپنی سوچ کو ہمیشہ بلند رکھیں ہمارا بڑا مسئلہ یہ کہ مزدور سوچتا ہے کہ کاش کہ اس کا بیٹا نوکری چھوڑ کر کوئی کھوکھا لگالے اس کی سوچ کی اڑان زیادہ سے زیادہ یہی ہوگی۔وہ یہ سوچتا ہی نہیں کہ اس کا بیٹا بھی وزیراعظم بن سکتا ہے۔ ہمیں ہمیشہ اپنی سوچ کو بلند رکھنا اور اپنے لوگوں کے ساتھ جڑے رہنا چاہیے۔ملاقات ختم ہوئی تو دوست کالم نگار بیگ راج سے جناب منور مغل کی شخصیت پر تبصرہ کرنے کو کہا”’منور دل روشن دماغ” بیگ راج نے خاکہ کشی کی۔چیمبر کی خوبصورت بلڈنگ سے باہر نکلے’مجھے منور مغل کی گفتگو علامہ اقبال کے اس شعر کی تشریح معلوم ہوئی’تو ہی ناداں چند کلیوں پر قناعت کر گیاورنہ گلشن میںعلاج تنگئی داماں بھی ہے